Սրբուհի Քարամյան

Սրբուհի Քարամյան;
Ծնվել է	1900
Ծննդավայր	Շուշի, Ելիզավետպոլի նահանգ, Ռուսական կայսրություն
Մահացել է	1968
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	Ռուսական կայսրություն
Կուսակցություն	ԽՄԿԿ
Պարգևներ և ; մրցանակներ
Անդամություն	ԽՄԿԿ

Վիքիպեդիայում կան հոդվածներ Քարամյան ազգանունով այլ մարդկանց մասին։

Սրբուհի Հովհաննեսի Քարամյան (1900, Շուշի, Ելիզավետպոլի նահանգ, Ռուսական կայսրություն - 1968, Երևան, Հայկական ԽՍՀ, ԽՍՀՄ), Հայաստանում խորհրդային իշխանության համար պայքարի մասնակից, կուսակցական և պետական աշխատող։ ԽՄԿԿ անդամ 1919 թվականից։

Կենսագրություն[խմբագրել | խմբագրել կոդը]

1920 թվականին Քարամյանն ընտանիքով տեղափոխվել է Զանգեզուրի գավառի Քարահունջ գյուղ։ Այստեղ նա ներգրավվել է տեղի ընդհատակյա կուսկազմակերպության աշխատանքներում, ընտրվել կոմբջջի քարտուղար։ Մասնակցել է Զանգեզուրում սովետական իշխանության համար մղված պայքարին։ 1920 թվականին կարմիր բանակի զորամասերի հետ Քարամյանը եկել է Բաքու, որպես պատասխանատու քարտուղար աշխատել քաղաքային կոմիտեի կինբաժնում։ 1921 թվականի հունիսից՝ Զանգեզուրի գավկոմի կինբաժնի վարիչ, 1924-1927 թվականներին՝ գավառային արհմբյուրոյի քարտուղար։ 1931 թվականին, Անդրկովկասյան կոմհամալսարանը ավարտելուց հետո, նշանակվել է ՀԿ(բ) կ ԿԿ կազմբաժնի հրահանգիչ։ 1933-1936 թվականներին կուսակցական աշխատանք է կատարել Վաղարշապատում, 1936-1938 թվականներին՝ ՀԿ(բ) կ ԿԿ ապարատում, 1939-1941 թվականներին՝ Երևանում։ 1943-1947 թվականներին եղել է ՀԽՍՀ տեքստիլ արդյունաբերության ժողկոմի տեղակալ, 1948-1956 թվականներին՝ ՀԱՄԽ-ի քարտուղար։ ՀԽՍՀ 2-4-րդ գումարումների Գերագույն սովետի դեպուտատ։ Ընտրվել է ՀԿԿ ԿԿ անդամ։

Պարգևներ[խմբագրել | խմբագրել կոդը]

Պարգևատրվել է Աշխատանքային կարմիր դրոշի 2 շքանշանով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։