Փոլին Ադամս
Փոլին Ադամս անգլ.՝ Pauline Adams | |
---|---|
Ծնվել է | հունիսի 29, 1874 |
Ծննդավայր | Դուբլին, Մեծ Բրիտանիայի և Իռլանդիայի միացյալ թագավորություն |
Մահացել է | սեպտեմբերի 10, 1957 (83 տարեկան) |
Մահվան վայր | Նորֆոլկ, Վիրջինիա, ԱՄՆ |
Գերեզման | Elmwood Cemetery |
Քաղաքացիություն | ԱՄՆ[1] |
Ազգություն | իռլանդացի |
Մասնագիտություն | սուֆրաժիստ և փաստաբան |
Անդամություն | Ազգային կանանց կուսակցություն[1] |
Pauline Adams Վիքիպահեստում |
Փոլին Ադամս (անգլ.՝ Pauline Adams, հունիսի 29, 1874, Դուբլին, Մեծ Բրիտանիայի և Իռլանդիայի միացյալ թագավորություն - սեպտեմբերի 10, 1957, Նորֆոլկ, Վիրջինիա, ԱՄՆ), իռլանդական ծագումով ամերիկացի սուֆրաժետ, որը բանտարկվել է իր քաղաքական համոզմունքների համար[2]:
Կենսագրություն
Ադամսը ծնվել է Իռլանդիայի Դուբլին քաղաքում։ Միացյալ Նահանգներ է մեկնել 1898 թվականին՝ ապրելով Հյուսիսային Կարոլինայի Բրունսվիկ կոմսությունում և հետագայում հաստատվելով Վիրջինիա նահանգի Նորֆոլկ քաղաքում։ Ամուսնացել է Նորֆոլկի բժիշկ Ուոլթեր Ջ. Ադամսի հետ, ունեցել է երկու որդի[3]:
Վիրջինիայի ընտրական իրավունքի լիգայի Նորֆոլկի մասնաճյուղը կազմակերպվել է 1910 թվականի նոյեմբերի 18-ին նրա տանը կայացած հանդիպման ժամանակ: Ընտրվել է որպես այդ լիգայի այդ մասնաճյուղի առաջին նախագահ և պաշտոնավարեց երկու ժամկետ՝ նախքան նորից առաջադրվելուց հրաժարվելը: Ի տարբերություն այլ ընտրական իրավունքի մասնակիցների, Ադամսը պաշտպանել է ռազմատենչ մոտեցումը՝ խուսափելով դիվանագիտական ձևով խոսելու հնարավորությունից Վուդրո Վիլսոնի երդմնակալության ժամանակ Վաշինգտոնում: Նրա մարտական դիրքը լիգայում խզում է առաջացրել[2][3]:
1913 թվականի օգոստոսին Ադամսը եղել է Վաշինգտոնում կայացած ընտրական իրավունքի համաժողովի 300 պատվիրակներից մեկը: 1917-1920 թվականներին եղել է Կոնգրեսի կանանց ընտրական իրավունքների միության Նորֆոլկի մասնաճյուղի նախագահ։ Ադամսը և տասներկու այլ ցուցարարներ ձերբակալվել են 1917 թվականի սեպտեմբերի 4-ին ընտրական ծառայության շքերթից առաջ Վուդրո Վիլսոնի տրիբունայի առջև իրենց դրոշները ցուցադրելու փորձի համար: Նրանք գերադասել են բանտը՝ 25 դոլար տուգանքի փոխարեն և նրանց ուղարկվել են Օկոկվենի աշխատանքային տուն: Ադամսը որոշ ժամանակ անցկացրել է մենախցում՝ զուրկ անձնական հիգիենայի պարագաներից։
Ազատ արձակվելուց հետո նրան և ևս ինը հոգու հրավիրել են ընթրիքի Վաշինգտոնի «Cameron House»-ում: Տեղական թերթերից մեկը հայտնել է, որ կալանավորները կտրվել են արտաքին աշխարհի հետ բոլոր շփումներից և բանտարկության ընթացքում գրքեր և գրավոր նյութեր չեն ունեցել: Նրանք ազատ են արձակվել 1917 թվականի նոյեմբերի 4-ին։
1917 թվականի դեկտեմբերին Ադամսը և հինգ այլ ցուցարարներ բողոքարկել են ոստիկանական դատարանի որոշումը՝ մեղադրելով, որ իրենց իրավունքները «կոպտորեն ոտնահարվել են առաջին ատյանի դատարանում և որ նրանց արդար և անաչառ դատավարություն չի տրվել»[4][5]: Բողոքարկումը հաջողությամբ է ավարտվել: Դատարանը համարել է, որ այն ժամանակ սուֆրաժետների ներկայացրած տեղեկատվությունը չափազանց անորոշ է, ընդհանուր և անորոշ դատավճիռը հիմնավորելու համար[6][7][8]:
Փոլին Ադամսը եղել է էսպերանտիստ: 1913 թվականին ստեղծել երկու հայտնի սեղանի խաղեր, որոնք վաճառվում էին Վիրջինիայում և Մերիլենդում: Հավաքագրված միջոցներն օգտագործվել են սուֆրաժետների շարժմանն աջակցելու համար: 1920 թվականի օգոստոսին ԱՄՆ Սահմանադրության տասնիններորդ փոփոխության ընդունումից հետո Ադամսը սկսել է նոր մարտահրավերներ փնտրել: Իրավաբանության քննությունն է հանձնել 1921 թվականին և դարձել երկրորդ կինը, որը զբաղվել է փաստաբանությամբ Նորֆոլկում։ Նաև զբաղվել է քաղաքականությամբ՝ աշխատելով Սառա Լի Ֆեյնի քարոզարշավի վժամանակ: Ադամսը մահացել է 1957 թվականին և թաղված է Նորֆոլկում[2][3]:
Ծանոթագրություններ
- ↑ 1,0 1,1 Online Biographical Dictionary of the Woman Suffrage Movement in the United States / T. Dublin, K. K. Sklar — Alexander Street Press.
- ↑ 2,0 2,1 2,2 «Pauline Adams (1874-1957), Norfolk Suffragist». Virginia Women in History 2009, Library of Virginia. Արխիվացված է օրիգինալից 2018-09-01-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ 3,0 3,1 3,2 «Pauline Adams (1874–1957)». Library of Virginia (անգլերեն). Արխիվացված է օրիգինալից 2020-02-21-ին. Վերցված է 2020-09-26-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «Suffrage Hosts, In A Joy Feast, Sure of Victory». The Washington Herald (անգլերեն). Washington, DC. 1913-08-01. Արխիվացված է օրիգինալից 2017-12-28-ին. Վերցված է 2020-09-26-ին.
- ↑ «Ten Pickets to be freed». The Washington Herald (անգլերեն). Washington, DC. 1917-10-31. Արխիվացված է օրիգինալից 2017-12-28-ին. Վերցված է 2020-09-26-ին.
- ↑ «Suffragettes Given Choice Fine Or In Jail». Daily Capital Journal (անգլերեն). Salem, Oregon. 1917-09-05. Արխիվացված է օրիգինալից 2018-08-27-ին. Վերցված է 2020-09-26-ին.
- ↑ «Pickets file plea in appeal». Evening Star (անգլերեն). Washington, DC. 1917-12-07. Արխիվացված է օրիգինալից 2018-08-26-ին. Վերցված է 2020-09-26-ին.
- ↑ «White House pickets win court victory». Evening Public Ledger (անգլերեն). Philadelphia. 1918-03-04. Արխիվացված է օրիգինալից 2018-08-13-ին. Վերցված է 2020-09-26-ին.
Վիքիպահեստն ունի նյութեր, որոնք վերաբերում են «Փոլին Ադամս» հոդվածին։ |
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Փոլին Ադամս կատեգորիայում։ |