Սուրբ Վալենտին
| Սուրբ Վալենտին | |
|---|---|
.jpg) | |
| Ժամանակաշրջան | Հռոմեական կայսրություն |
| Ծնունդ | 175 |
| Ծննդավայր | Տեռնի, Հռոմեական կայսրություն |
| Վախճան | փետրվարի 14, 273[1] |
| Վախճան վայր | Հռոմ, Հռոմեական կայսրություն |
| Վախճան պատճառ | գլխատում |
| Եկեղեցի | Հռոմի Կաթոլիկ եկեղեցի |
| Սրբացված կարգ | սուրբ նահատակ |
| Հիշատակության օր | Փետրվարի 14 |
| Աշխատանք | բժիշկ |
| Պաշտոն | եպիսկոպոս |
| Երկիր | Հին Հռոմ |
Սուրբ Վալենտին (լատիներեն՝ Valentinius), 3-րդ դարի հռոմեացի սուրբ, որի անունը հիշատակվում է փետրվարի 14-ին՝ կապված սիրո ավանդույթի հետ։
Սրբի հետ կապված միակ հավաստի տեղեկությունն այն է, որ նահատակվել և թաղվել է Via Flaminia գերեզմանատանը Հռոմի հյուսիսում գտնվող Միլվյան կամրջի մոտ փետրվարի 14-ին։ Հստակ չէ, արդյոք այս սրբին պետք է դասել առանձին, թե նրա անունը կապված է երկու սրբերի հետ[2]։
Քանի որ նրա մասին շատ բան հայտնի չէր, Կաթոլիկ եկեղեցին հեռացրեց նրա անունը «Հռոմեական հիմնական օրացույցից»` պաշտամունքային տոնակատարությունները թողնելով տեղական օրացույցներում։
Հռոմեական կաթոլիկ եկեղեցին շարունակում է նրան ճանաչել որպես սուրբ` դասելով «Հռոմեացի նահատակված սրբերի ցանկում» և փետրվարի 14-ին թույլատրում է նրա հիշատակի ծիսակարգ բոլոր եկեղեցիներում, եթե այդ օրը տոնացույցով այլ պարտադիր եկեղեցական տոնի հետ չի համընկնում։
1960 թվականին Հռոմում կառուցվել է Վալենտինի անվան ծխական եկեղեցի։
Սուրբ Վալենտինի օրը եկեղեցական տոն է Անգլիական և Լյութերական եկեղեցիներում։ Արևելյան ուղղափառ եկեղեցին հռոմի քահանա սուրբ Վալենտինի տոնը նշում է հուլիսի 6-ին և նահատակ Վալենտինի օրը՝ հուլիսի 30-ին։ Չնայած արևելքում այս երկու սրբերի անհայտությանը, հունական ուղղափառ եկեղեցու անդամները տարբերակում են Վալենտինոս (տղամարդ) և Վալենտինա (կին) և անվանակոչության օրը արևմտյան եկեղեցու օրացույցում պահպանել են փետրվարի 14-ը[3]։
Ծանոթագրություններ
[խմբագրել | խմբագրել կոդը]- ↑ https://pantheon.world/profile/person/Saint_Valentine
- ↑ St. Valentine
- ↑ «Saint Valentine of Rome». Արխիվացված օրիգինալից 2010 թ․ ապրիլի 6-ին. Վերցված է 2010 թ․ ապրիլի 6-ին.
 | Վիքիպահեստն ունի նյութեր, որոնք վերաբերում են «Սուրբ Վալենտին» հոդվածին։ |
| ||||||
