Սուրբ Ղազանչեցոց եկեղեցու հրթիռակոծություն (2020)

Սուրբ Ղազանչեցոց եկեղեցու հրթիռակոծություն;
	Ադրբեջանական հրիռակոծությունից վնասված Սուրբ Ղազանչեցոց եկեղեցին
Տեսակ	հրթիռակոծություն
Երկիր	Արցախ
Գրոհի վայր	Շուշի
Տեղադրանք	Սուրբ Ամենափրկիչ Ղազանչեցոց և Շուշի
Գրոհի նպատակ	Ավերել Սուրբ Ղազանչեցոց եկեղեցին
Տարեթիվ	2020 թվականի հոկտեմբերի 8
Զոհվածներ	0
Վիրավորներ	11
Կազմակերպիչներ	Ադրբեջանի զինված ուժեր

Սուրբ Ղազանչեցոց եկեղեցու հրթիռակոծություն կամ Սուրբ Ամենափրկիչ Ղազանչեցոց եկեղեցու հրետանային ռմբակոծություն, Ադրբեջանի զինված ուժերի կողմից^[1]^[2] երկու անգամ Շուշիի Սուրբ Ղազանչեցոց եկեղեցու հրթիռակոծություն, ինչի հետևանքով փլուզվել է տանիքի մի մասը։ Հրետանակոծությունը տեղի է ունեցել Արցախի վիճելի տարածքի համար Հայաստանի և Ադրբեջանի միջև մղվող ինտենսիվ զինված պատերազմի 11-րդ օրը։

Երկրորդ հարվածի հետևանքով ծանր վիրավորվել է ռուս լրագրող^[3]․ վիրավորվել է նաև 10 այլ խաղաղ բնակիչ։

ՀՀ ԱԳՆ-ն Ղազաչեցոց եկեղեցու թիրախավորման վերաբերյալ տարածել է հետևյալ հայտարարությունը․ «Սա Ադրբեջանի ռազմաքաղաքական ղեկավարության հերթական հանցագործությունն է, որը բացահայտում է նրա հակամարդկային Էությունը։ Այնուհանդերձ, այս քայլը լիովին տեղավորվում է տասնամյակներ ի վեր իրականացվող հայատյացության քաղաքականության մեջ։ Ադրբեջանը, որն ամբողջովին բնաջնջել է հայկական մշակութային ժառանգությունը Նախիջևանում և հայ ժողովրդի պատմական հայրենիքի այլ մասերում, այժմ փորձում է Արցախի դեմ սանձազերծած ռազմական ագրեսիայի շրջանակներում հայրենիքից և պատմական հիշողությունից զրկել արցախահայությանը»^[4]։ Ադրբեջանի պաշտպանության նախարարությունը պաշտոնապես հերքել է իր մասնակցությունն այս հրետանակոծությանը^[5], իսկ ադրբեջանական պետական լրատվական գործակալությունը պնդել է, որ հարձակման հետևում կանգնած է Հայաստանը^[6]։