Սուլթանմահմուդ Թորայգիրով
Սուլթանմահմուդ Թորայգիրով | |
|---|---|
| Ծնվել է | հոկտեմբերի 29, 1893 |
| Ծննդավայր | Կոկչետավ |
| Վախճանվել է | մայիսի 21, 1920 (26 տարեկան) |
| Վախճանի վայր | Պավլոդարի մարզ |
| Մասնագիտություն | բանաստեղծ, փիլիսոփա և գրող |
| Լեզու | ղազախերեն |
| Քաղաքացիություն |  Ղազախստան |
| Կրթություն | Räsüliä? |
| Սուլթանմահմուդ Թորայգիրով Վիքիքաղվածքում | |
 Sultanmahmut Toraygirov Վիքիպահեստում | |
Սուլթանմահմուդ Թորայգիրով (ղազ.՝ Сұлтанмахмұт Торайғыров, հոկտեմբերի 29, 1893, Կոկչետավ - մայիսի 21, 1920, Պավլոդարի մարզ), ղազախ բանաստեղծ, վիպագիր, հրապարակախոս։
Կենսագրություն[խմբագրել | խմբագրել կոդը]
Սուլթանմահմուդ Թորայգիրովը ծնվել է Պավլոդարի մարզի Բայանաուլ գյուղում, անասնապահի ընտանիքում։ Մեկ տարեկան է եղել, երբ մայրը մահացել է։ 1908-1910 թվականներին սովորել է մեդրեսեում։ 1912 թվականին մեկնել է Տրոիցկ, ընդունվել է իսլամական հոգևոր դպրոց, ուսումնասիրել գիտական առարկաներ, յուրացրել ռուսերեն, կարդացել է Լերմոնտովի, Պուշկինի, Կռիլովի ստեղծագործություններից։ 1913 թվականի հուլիսին հիվանդության պատճառով ուսումը կիսատ է թողել և հեռացել է աուլ, որտեղ դասավանդել է երեխաներին։ 1913 թվականին աշխատել է «Այկապ» ղազախական առաջին ամսագրում, եղել է խմբագրության քարտուղարը։
Նրա առաջին էսսեները տպագրվել են «Այկապում»։ Միջոցների բացակայության պատճառով չի իրականացրել սեփական թերթ հիմնելու իր ցանկությունը։ Բանաստեղծություններ գրել է 1910 թվականից։ Իր ստեղծագործություններում արտացոլել է ղազախական պրոլետարիատի ծանր ու դժվարին կյանքը[1]։
Ստեղծագործություններ[խմբագրել | խմբագրել կոդը]
- «Կյանքը մոլորություններում» (ղազ.՝ АДАСҚАН ӨМІР), 1923[2]
- «Աղքատը» (ղազ.՝ КЕДЕЙ), 1922[3]
- «Գեղեցկուհի Կամար» (ղազ.՝ ҚАМАР СҰЛУ), 1933[4]
Հիշատակ[խմբագրել | խմբագրել կոդը]
- Ղազախ գրող Դիխան Աբիլևը Թորայգիրովի մասին գրել է եռագրություն («Բանաստեղծի երազանքը», 1965, «Երազանքի ճանապարհ», 1969 թվական, «Բայանաուլի ստորոտին», 1975 թվական)
- Պավլոդարի պետական համալսարանը կոչվել է Թորայգիրովի անունով
- Պավլոդարում Թորայգիրովի անունը կրող փողոցում տեղադրվել է նրա հուշարձանը (հեղինակ` Եսկեն Սերգեբաև)
- Թորայգիրովի անունով փողոցներ են կոչվել Պավլոդարում, Ալմա Աթայում, Աստանայում և Ղազախստանի այլ քաղաքներում
- Բայանաուլի մարզի Պավլոդարի շրջանում Թորայգիրովի անունով է կոչվել լիճ և բնակավայր
Ծանոթագրություններ[խմբագրել | խմբագրել կոդը]
- ↑ Ղազախ բանաստեղծներ, Հայաստան հրատարակչություն, Երևան 1968
- ↑ «АДАСҚАН ӨМІР»։ Արխիվացված է օրիգինալից 2016-03-05-ին։ Վերցված է 2016-06-04
- ↑ «КЕДЕЙ»։ Արխիվացված է օրիգինալից 2016-03-05-ին։ Վերցված է 2016-06-04
- ↑ СҰЛУ(չաշխատող հղում)
Արտաքին հղումներ[խմբագրել | խմբագրել կոդը]
- Սուլթանմահմուդ Թորայգիրով Archived 2016-04-01 at the Wayback Machine.
- Սուլթանմահմուդ Թորայգիրովի կենսագրությունը ռուսերեն Archived 2016-03-03 at the Wayback Machine.
