Սյուզաննա Քեյսեն

Սյուզաննա Քեյսեն
Ծնվել է	նոյեմբերի 11, 1948(1948-11-11) (75 տարեկան)
Ծննդավայր	Քեմբրիջ, Մասաչուսեթս, ԱՄՆ
Մասնագիտություն	գրող, վիպասան և սցենարիստ
Քաղաքացիություն	ԱՄՆ
Կրթություն	Commonwealth School? և The Cambridge School of Weston?

Սյուզաննա Քեյսեն (անգլ.՝ Susanna Kaysen, նոյեմբերի 11, 1948(1948-11-11), Քեմբրիջ, Մասաչուսեթս, ԱՄՆ), ամերիկյան գրող, վիպասան և սցենարիստ։

Կենսագրություն

Սյուզաննա Քեյսենը ծնվել է 1948 թվականի նոյեմբերի 11-ին Քեմբրիջում՝ Մասսաչուսեթս մարզում, որտեղ էլ անցել է նրա մանկությունը։ Նա տնտեսագետ Կարլ Քեյսենի դուստրն է։ Հայրը դասավանդել է Մասսաչուսեթսի տեխնոլոգիական ինստիտուտիում և եղել է նախագահ Ջոն Քեննեդիի և նրա կնոջ՝ Աննետ Քեյսենի նախկին խորհրդականը։ Սյուզաննան ունի քույր։ Քեյսենը սովորել է Բոստոնի միջնակարգ դպրոցում և Քեմբրիջի դպրոցում։ 1967 թվականին նա ունեցավ հոգեկան խնդիրներ։

Հիվանդություն

1967 թվականին նրան ուղարկել էին McLean Hospital՝ հոգեբանական ընկճախտի բուժում անցնելու նպատակով։ Նրան հոգեկան խանգարում էին ախտորոշել ինքնասպանության փորձ կատարելու պատճառով, ինչի հետ, սակայն, նա համաձայն չէր։ Տասնութ ամիս բուժվելուց հետո նա դուրս է գրվում հիվանդանոցից։ Հետագայում իր կյանքի այս շրջանը նա նկարագրել է Ընդհատված կյանք ինքնակենսագրականում։

Ստեղծագործություն

Ընդհատված կյանք

Սյուզաննան իր կյանքի պատմության մասին գրել է ինքնակենսագրական՝ Ընդհատված կյանք (Girl, Interrupted) վերնագրով, որը լույս է տեսել 1993 թվականին, և որի մոտիվներով 1999 թվականին նկարահանվել է ֆիլմ, որտեղ Քեյսենի դերը կատարել է Վայնոնա Ռայդերը։

Ընդհատված կյանք ինքնակենսագրականում 1967 թվականի ապրիլին տասնութամյա աղջիկը ինքնասպանության փորձի արդյունքում հայտվում է Բելմոնտում գտնվող Մակլինա հիվանդանոցում, որտեղ բուժվում էին Պոլլին, Սինտիան, Լիզան, Ջորջինան, Դեյզին և ուրիշներ։ Այնտեղ Սյուզաննան ծանոթանում է Լիզա անունով բավական ագրեսիվ մի աղջկա հետ, և նրանք ընկերանում են։ Թեև նա չի ընդունում, որ դա ինքնասպանություն է, այնուամենայնիվ նրան ախտորոշում են անձնային խանգարում։

Սյուզաննան ունենում էր տեսողական պատկերների իմաստավորման դժվարություններ։ Նա համարում էր, որ հոգեպես առողջ լինելը կեղծիք է, մտացածին մի բան, որպեսզի «առողջներն» իրենց համարեն «նորմալ»։ Նա նաև բժիշկներին հարցնում էր, թե ինչպես են նրանք բուժում հոգեկան հիվանդությունը․ ուղեղն են բուժում, թե խելքը։

Հիվանդանոցում գտնվելու ընթացքում Սյուզաննան անցել է ապաանձնավորման բոլոր փուլերով։ Երբ նրան թվում էր, թե «կորցրել է ոսկորները», կրծոտում էր մատները։ Ատամնաբուժարան գնալու մտքից անգամ խելագարության էր հասնում։ Երբ նա դուրս էր գալիս ընդհանուր անզգայացման վիճակից, նրան չէին ասում, թե ինչքան երկար է տևել նրա անգիտակից վիճակը։ Ու նա վախենում էր, որ կորցրել է ժամանակը։

Մատենագրություն

• Asa, As I Knew Him, 1987, ISBN 978-0-679-75377-3
• Far Afield, 1990, ISBN 978-0-679-75376-6
• Girl, Interrupted, 1993, ISBN 978-1-85381-835-6
• The Camera My Mother Gave Me, 2001, ISBN 978-0-679-76343-7

Հղումներ

• Austin Chronicle interview with Kaysen, via the Wayback Machine
• Susanna Kaysen, ֆոտոներ, գրքեր, հեղինակի հրապարակումներ
• Susanna Kaysen — author of Girl Interrupted