Սինհարաջա

Սինհարաջա
Տեսակ	արգելոց, տեսարժան վայր և protected forest?
Երկիր	Շրի Լանկա
Վարչատարածք	Southern Province?
Տեղագրություն	Sabaragamuwa Province?
Հիմնվել է	1978
Մակերես	88,64 կմ² և 8864 հեկտար
Անդամակցություն	Մարդը և կենսոլորտը

Սինհարաջա, ազգային պարկ, որը գտնվում է Շրի Լանկայի հարավարևմտյան մասում, արևադարձային անտառների միակ անտառային տարածությունն է երկրում։ Սինհարաջա անտառը 1978 թվականին ընդգրկվել է կենսոլորտային տարածքների համաշխարհային ցանցում և ՅՈՒՆԵՍԿՕ-ի Համաշխարհային ժառանգության օբյեկտների ցանկում 1988 թվականին^[2]։ Բուսական և կենդանական աշխարհները հարուստ են էնդեմիկ տեսակներով, որոնցից շատերը գրանցված են Կարմիր գրքում։

Այգու տարածքը 88,64 կմ² է։ Լանդշաֆտը հովիտների և լեռնաշղթաների շարք է։ Ծառատեսակների 60 %-ն էնդեմիկ է, և դրանցից շատերը հազվագյուտ տեսակներ են։ Այս տարածքում անտառների 2 տեսակ կա.

հովիտներում և լեռնաշղթաների ստորին լանջերին աճում են Dipterocarpus ցեղի բույսեր և երկրորդական անտառը, որն աճել է հողագործության անտառահատման-այրման համակարգի կիրառումից հետո,
երկրորդ տիպի անտառը գերակշռում է այգում․ դրանք են Mesua և Doona բույսերը։

Սինհարաջայում բնակվում են բազմաթիվ հազվագյուտ թռչուններ, թիթեռներ, սողուններ և կաթնասուններ։ Դրանց թվում են հնդկական փիղը, ընձառյուծը, ցեյլոնյան կապույտ կաչաղակը, ցեյլոնյան սարյակը, պիթոնը և այլն։ Սինհարաջա ազգային պարկում կան 21 տեսակի էնդեմիկ թռչուններ և մի քանի հազվագյուտ միջատներ, սողուններ և երկկենցաղներ։

Այգու անվանումը բառացի նշանակում է «առյուծ» (սինհա) և «արքա» (ռաջա), ինչը կարող է կապված լինել մարդ-առյուծների առասպելական ցեղի կամ Շրի Լանկա առասպելական առյուծի տան հետ^[2]։