Պիթոններ

Վիքիպեդիայից՝ ազատ հանրագիտարանից
Jump to navigation Jump to search
Պիթոններ
Պիթոններ
Գիտական դասակարգում
Թագավորություն Կենդանիներ
Տիպ Օձեր
Ընտանիք Վիշապներ
Ցեղ Գիշատիչներ
Տեսակ Պիթոններ
Լատիներեն անվանում
Pythonidae


Պիթոններ (Pythoninae), վիշապների ընտանիքի օձերի ենթաընտանիք։

Հայտնի է պիթոնների 6 սեռ, 22 տեսակ։ Բուն պիթոնների սեռն ընդգրկում է 7 տեսակ (3-ը տարածված են արևադարձային Աֆրիկայում, 4-ը՝ Հարավային և Հարավ-Արևելյան Ասիայում)։

Կառուցվածք[խմբագրել | խմբագրել կոդը]

Մարմնի երկարությունը 1,5-ից (արքայական պիթոններ) մինչև 10 մ է (ցանցավոր պիթոններ, ամենախոշոր օձերից է, կշռում է մինչև 100 կգ)։ Գունավորումը գորշ միագույնից մինչև խայտաբղետ բծավոր է։ Ապրում են եղեգնուտներում, քարքարուտներում։ Լավ լողում և սուզվում են, երբեմն՝ բարձրանում ծառերը։

Սնունդը[խմբագրել | խմբագրել կոդը]

Սնվում են հիմնականում կաթնասուններով (խոշոր պիթոնները՝ շնագայլերով, ընձառյուծներով, մատղաշ վարազներով և այլն), ինչպես նաև մանր ողնաշարավորներով, երիտասարդ պիթոնները՝ միջատներով։ Երբեմն հարձակվում են մարդու վրա։

Բազմացումը[խմբագրել | խմբագրել կոդը]

Բազմանում են ձվադրությամբ։ Էգը դնում է մինչև 107 ձու և փաթաթվում դրանց շուրջը՝ պահպանում և տաքացնում դրանք։ Որոշ տեսակների միսն օգտագործվում է որպես սնունդ, մաշկը՝ տարբեր արտադրանքների պատրաստման համար։

Պատկերասրահ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 292 CC-BY-SA-icon-80x15.png