Սիմոն դը Մոնֆոր

Վիքիպեդիայից՝ ազատ հանրագիտարանից
Jump to navigation Jump to search
Սիմոն դը Մոնֆոր
Simon de Montfort bas-relief in the U.S. House of Representatives chamber.jpg
Ծնվել էմայիսի 23, 1208
ԾննդավայրՄոնֆոր Լամորի
Մահացել էօգոստոսի 4, 1265 (57 տարեկանում)
Մահվան վայրԻվշեմ, Wychavon, Վուստերշիր, Անգլիա
ՔաղաքացիությունԱնգլիայի թագավորություն
Մասնագիտությունքաղաքական գործիչ
ԱմուսինEleanor of Leicester
Ծնողներհայր՝ Simon de Montfort, 5th Earl of Leicester, մայր՝ Alix de Montmorency
Զբաղեցրած պաշտոններLord High Steward
ԵրեխաներEleanor de Montfort, Henry de Montfort, Guy de Montfort, Count of Nola, Amaury de Montfort, Canon of York և Simon VI de Montfort
Simon V of Montfort Վիքիպահեստում

Սիմոն դը Մոնֆոր, Լեսթերի 6-րդ կոմս (մայիսի 23, 1208, Մոնֆոր Լամորի - օգոստոսի 4, 1265, Իվշեմ, Wychavon, Վուստերշիր, Անգլիա), որոշ աղբյուրներում նշում են Սիմոն V դը Մոնֆոր, որպեսզի տարբերեն նրան նույնանուն ազգականներից, եղել է ազնվական ֆրանսիական սերմամբ և Անգլիական պերության անդամ, ով գլխավորել է բարոններին ընդդեմ Անգլիայի թագավոր Հենրի III-ի իշխանության, որն իր կիզակետին հասավ Երկորդ բարոնական պատերազմի ժամանակ: Թագավորական ուժերի դեմ մի քանի սկզբնական հաղթանակներից հետո նա դե ֆակտո դարձավ երկրի ղեկավար[1] և մեծ դեր ունեցավ Անգլիայի սահմանադրական զարգացման մեջ:

Իր կառավարման ընթացքում Մոնֆորը հրավիրեց երկու նշանավոր խորհրդարաններ: Առաջինը կրճատեց թագավորի անսահմանափակ իշխանությունը, իսկ երկրորդը ներառում էր քաղաքների հասարակ բնակչությունը[1]: Այս պատճառով Մոնֆորը այսօր համարվում է ժամանակակից խորհրդարանական ժողովրդավարության հիմնադիրներից մեկը[2]: Որպես Լեսթերի կոմս նա վտարեց հրեաներին քաղաքից և որպես երկրի ղեկավար չեղարկեց հրեաներին նկատմամբ պարտավորությունները: Լոնդոնում և Վորքեսթերում տեղի ունեցած դեպքերի պատճառով տեղի ունեցան ջարդեր[3][4]: Դրանից ուղիղ մեկ տարի անց Մոնֆորը սպանվեց թագավորական զորքերի կողմից Իվեշամի ճակատամարտում[1]:

Կենսագրություն[խմբագրել | խմբագրել կոդը]

Սիմոն դը Մոնֆորը Լեստերի 5-րդ կոմս Սիմոն IV Մոնֆորի կրտսեր որդին էր: Ավագ եղբայր Ամորի VI դը Մոնֆորի մահից հետո Սիմոն դը Մոնֆորը ստացավ Լեստերի կոմսությունը և հաստատվեց Անգլիայում 1236 թվականին: Գեղեցկադեմ Մոնֆորը շուտով գերեց Հենրիխ III-ի քրոջը՝ Էլեոնորային և հասարակությունից գաղտնի 1238 թվականին ամուսնացավ նրա հետ՝ արքայի համաձայնությամբ: Բանն այն է, որ անգլիացիները չէին սիրում Մոնֆորին, և երբ իմացվեց, հոգևորականությունն արտահայտեց իր վրդովմունքը այդ ամուսնության առթիվ՝ այն ճանաչելով անօրինական: Էլեոնորան խոստացավ հրաժարվել ամուսնությունից: Բարոնները նույնպես դժգոհ էին և պահանջում էին Մոնֆորի հեռացումը Թագավորական խորհրդից: Այդ առթիվ մոնֆորը մեկնեց Հռոմ, հանդիպեց Գրիգոր IX պապին, նրանից ստացավ Էլեոնորայի հետ ամուսնության թույլտվություն: Վերադառնալով Անգլիա, նա դարձավ արքայի մերձավորը: Բայց շուտով գժտվեց Հենրիխ III-ի հետ և փախավ Ֆրանսիա, որտեղ մնաց մինչև 1240 թվականը: Միայն եպիսկոպոս Ռոբերտ Գրոստետի շնորհիվ նա կարողացավ վերադառնալ Անգլիա:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 21 CC-BY-SA-icon-80x15.png
  1. 1,0 1,1 1,2 Կաղապար:Cite DNB
  2. Քաղվածելու սխալ՝ Սխալ <ref> պիտակ՝ Jobson2012 անվանումով ref-երը տեքստ չեն պարունակում:
  3. Քաղվածելու սխալ՝ Սխալ <ref> պիտակ՝ massacres անվանումով ref-երը տեքստ չեն պարունակում:
  4. See Delaney (2002), p. 217–218 on London