Սիմոն Պորտ Ժակմյուս
| Սիմոն Պորտ Ժակմյուս ֆր.՝ Simon Porte Jacquemus | |
|---|---|
 | |
| Ծնվել է | հունվարի 16, 1990 (33 տարեկան) |
| Ծննդավայր | Սալոն դե Պրովանս |
| Քաղաքացիություն | Française |
| Մասնագիտություն | ոճաբան և նորաձևության դիզայներ |
| Ամուսին | Marco Maestri? |
| Պարգևներ և մրցանակներ |  |
| Կայք | jacquemus.com |
 Simon Porte Jacquemus Վիքիպահեստում | |
Սիմոն Պորտ Ժակմյուս (ֆր.՝ Simon Porte Jacquemus, հունվարի 16, 1990, Սալոն դե Պրովանս), ֆրանսիացի մոդելավորող և նորաձևության դիզայներ։ Նորաձևության Jacquemus բրենդի հիմնադիր։
Կենսագրություն[խմբագրել | խմբագրել կոդը]
Սիմոն Ժակմյուսը ծնվել է Ֆրանսիայի հարավում՝ Սալոն դե Պրովանսում։ Մեծացել է ֆերմերների համեմատաբար աղքատ ընտանիքում, տղայի դաստիարակությամբ հիմնականում զբաղվել է մայրը[1]։
2008 թվականին՝ 18 տարեկան հասակում, տեղափոխվել է Փարիզ, որտեղ մի քանի ամիս սովորել է Նորաձևության տեխնիկայի և արվեստի բարձրագույն դպրոցում (Esmod)՝ Օլիվիե Ռուստենի հետ միաժամանակ[2]։ Ապա թողել է ուսումը[3] հանուն Citizen K-ի նորաձևության ամսագրում նկարիչների հետ աշխատանքի գծով մենեջերի օգնականի պաշտոնի[4]։ Ավելի ուշ ավտովթարից մոր հանկարծակի մահը նրան դրդել է սկսել մոդելավորողի սեփական կարիերան[4]։
Կարիերա[խմբագրել | խմբագրել կոդը]
Նա 20 տարեկան էր, երբ ստեղծել է իր Jacquemus բրենդը[5], որի համար նման անվանում ընտրել է մոր օրիորդական ազգանվան պատճառով[3][6]։ Իր դիզայնները խթանել է՝ 2010 թվականին Փարիզում Վոգի նորաձևության երեկույթներից մեկի ժամանակ ընկերներին խնդրելով կրել իր ստեղծագործությունները[7]։ Այդպիսով նա ճանաչում է ձեռք բերել և արդեն 2012 թվականին հրավիրվել է իր հավաքածուն ներկայացնելու Փարիզի նորաձևության շաբաթում[5]։
Հավաքածուում օգտագործված կտորների մեծ մասը մատակարարում են արտահագուստի մատակարարները[6]։ Հագուստները հասարակ են, քիչ դետալներով, բայց օրգինալ[3]։ 2014 թվականին հավաքածու է մշակել «La Redoute»-ի համար։ 2015 թվականին Դելֆինա Արնոյի կողմից երիտասարդ հագուստի դիզայներների համար ստեղծված միջազգային մրցույթում ստացել է LVMH Prize-ի ժյուրիի հատուկ մրցանակը[8]։
2017 թվականին իր հավաքածուում ավելացրել է կոշիկի գիծը[9]։ 2018 թվականին հայտարարել է, որ զբաղվելու է նաև տղամարդու հագուստի դիզայնով․ առաջին գիծը թողարկվել է 2019 թվականին[4]։ Ի լրացում կոշիկների՝ մշակում է նաև գլխարկներ և պայուսակներ․ վերջիններիս դիզայնը հայտնի է դարձել ողջ աշխարհում[10]։
Հարազատ տարածաշրջանում նրա ներդրումը կայանում է «Ցիտրոն» ռեստորանի բացման մեջ, որը գտնվում է Լաֆայետ պատկերասրահում՝ Ելիսեյան դաշտերում, որը թողարկվել է 2019 թվականի մարտի 28-ին՝ նախկին «Virgin Megastore12»-ի փոխարեն[11]։
2019 թվականի հունիսի 24-ին նա կազմակերպել է շքերթ՝ նվիրված բրենդի տասնամյակին[12]։ Սայմոն Պորտը նորաձևության աշխարհի ներկայացուցիչներին հրավիրել է նարդոսի դաշտ և ներկայացրել իր նոր «Le coup de soleil» հավաքածուն[13]։
Նրա գարուն-ամառ 2021-ի «L'Amour» հավաքածուում առկա էին պարզության և ռոմանտիկայի թեմաները[6]։ «Ինչպես հասարակ գյուղական հարսանիք կամ բերքահավաքի տոն»,- ասել է նա ցուցադրությունից առաջ տված հարցազրույցում։ Շոուն COVID-19 համավարակի պատճառով անցկացվում էր Փարիզից մեկ ժամվա ճանապարհի վրա գտնվող ցորենի արտում։ Շոուին ներկա էին ընդամենը 100 հյուր[14]։
Անձնական կյանք[խմբագրել | խմբագրել կոդը]
Սիմոն Ժակմյուսը բացահայտ համասեռական է[4]։ 2021 թվականի հունիսի 7-ին 4 տարի ծանոթությունից հետո ամուսնացել է իտալացի թվային գործակալ Մարկո Մաեստրիի հետ[15]։
Մրցանակներ և պարգևներ[խմբագրել | խմբագրել կոդը]
LVMH ժյուրիի հատուկ մրցանակ (2015)[16]
Elle Style Awards մրցանակաբաշխության «Նորաձևության ռեժիսորի ընտրություն» մրցանակ (2017)
Ծանոթագրություններ[խմբագրել | խմբագրել կոդը]
- ↑ «Simon Porte, créateur de Jacquemus, croit au "consommez français"»։ LExpress.fr (ֆրանսերեն)։ 2011-11-14։ Վերցված է 2022-03-25
- ↑ Hartman Eviana (2015-05-07)։ «A Cheeky Peek Into the Life of Simon Porte Jacquemus»։ The New York Times։ 0362-4331։ Վերցված է 2022-03-25
- ↑ 3,0 3,1 3,2 3,3 Vogue.ua։ «5 фактов о дизайнере Симоне Порт Жакмю»։ Vogue UA։ Վերցված է 2022-03-25
- ↑ 4,0 4,1 4,2 4,3 Condé Nast (2019-03-15)։ «Все, что вам нужно знать о дизайнере Симоне Порте Жакмюсе»։ GQ Россия (ռուսերեն)։ Վերցված է 2022-03-25
- ↑ 5,0 5,1 «Jacquemus: «Делать супермодные вещи — это как-то неправильно»»։ Wonderzine։ 2013-10-08։ Վերցված է 2022-03-25
- ↑ 6,0 6,1 6,2 Вика Анистратова (2021-05-31)։ «Любовь и детская наивность: за что мир моды (и не только) полюбил Симона Порта Жакмюса»։ Горящая изба (ru-RU)։ Արխիվացված է օրիգինալից 2021-06-20-ին։ Վերցված է 2022-03-25
- ↑ «Jacquemus: Bigger Than You Think»։ The Business of Fashion (անգլերեն)։ Վերցված է 2022-03-25
- ↑ Joelle Diderich, Joelle Diderich (2016-01-20)։ «Ten of Tomorrow: Simon Porte Jacquemus»։ WWD (անգլերեն)։ Վերցված է 2022-03-25
- ↑ Condé Nast (2017-12-18)։ «The Most Memorable, Wildest, Highest Shoes of 2017»։ Vogue (անգլերեն)։ Վերցված է 2022-03-25
- ↑ Condé Nast (2018-04-09)։ «Justin Bieber Takes a Page From Jacquemus and Wears a Really Large Hat»։ Vogue (անգլերեն)։ Վերցված է 2022-03-25
- ↑ «'Citron' de Jacquemus, la nouvelle adresse où tout Paris se presse - Elle à Table»։ elle.fr (ֆրանսերեն)։ 2019-04-04։ Վերցված է 2022-03-25
- ↑ Vogue.ua։ «Jacquemus отметят свое 10-летие в Провансе»։ Vogue UA։ Վերցված է 2022-03-25
- ↑ Vogue.ua։ «Jacquemus объявили место и время проведения следующего шоу»։ Vogue UA։ Վերցված է 2022-03-25
- ↑ Condé Nast (2020-07-16)։ «Jacquemus Spring 2021 Menswear Collection»։ Vogue (անգլերեն)։ Վերցված է 2022-03-25
- ↑ Vogue.ua։ «Симон Порт Жакмюс обручился со своим бойфрендом Марко Маэстри»։ Vogue UA։ Վերցված է 2022-03-25
- ↑ «JACQUEMUS»։ LVMH PRIZE։ Վերցված է 2022-03-25
Արտաքին հղումներ[խմբագրել | խմբագրել կոդը]
| ||||||||||
