Փարիզի նորաձևության շաբաթ

Փարիզի նորաձևության շաբաթ
Տեսակ	նորաձևության շաբաթ
Ենթաեսակ	նորաձևության շաբաթ
Երկիր	Ֆրանսիա
Վայր	Փարիզ
Առաջինը	1973
parisfashionweek.fhcm.paris​(ֆր.)​(անգլ.)
Paris Fashion Week Վիքիպահեստում

Փարիզի նորաձևության շաբաթ, աշխարհի ամենակարևոր նորաձևության չորս շաբաթներից վերջինը։ Փարիզում նորաձևության շաբաթը միշտ եզրափակում է սեզոնը և համարվում է ամենահեղինակավորը նորաձևության աշխարհում։ Այն տեղի է ունենում վեց ամիսը մեկ։

Մեծ քառյակ

Փարիզի նորաձևության շաբաթը «Մեծ քառյակ» նորաձևության շաբաթներից մեկն է։ Մյուսներն են Լոնդոնի նորաձևության շաբաթ, Միլանի նորաձևության շաբաթ և Նյու Յորքի նորաձևության շաբաթը։ Սկզբում անցկացվում է Նյու Յորքի նորաձևության շաբաթը, որին հետևում են Լոնդոնը, Միլանը, ապա Փարիզը։

Պատմություն

Նորաձևության շաբաթն անցկացվում է 1973 թվականից։ Այն կազմակերպվում է Բարձր նորաձևության և Ready-to-wear-ի ֆրանսիական ֆեդերացիայի կողմից։ Անցկացվում է Լուվրի պալատում, ցուցահանդես-վաճառքը՝ Թյուիլրի այգու մոտ։ Փարիզն ունի նորաձևության համաշխարհային արտադրության մայրաքաղաքի չհայտարարված վիճակ, ինչի շնորհիվ նորաձևության յուրաքանչյուր շաբաթ, Ready-to-wear֊ի յուրաքանչյուր ցուցադրություն դարձնում են մեծամաշտաբ տոն։ Փարիզի նորաձևության շաբաթն ավելի շատ ներկայացվում է որպես արվեստ, քան թե վաճառքի առարկա։ Ավանդաբար ցանկացած ցուցադրություն իսկական շոու է՝ նախապես մտածված սցենարով և ռեժիսուրայով։

Դիզայներներ

Փարիզյան նորաձևության շաբաթը մեծ հետաքրքրություն է առաջացնում նորաձևության բնագավառում և բարձր հասարակության մոտ։ Իրենց հավաքածուներն են ներկայացնում նորաձևության հնագույն տներն ու ամենահռչակավոր դիզայներները․

• Chanel
• Christian Dior
• Louis Vuitton
• Balmain
• Balenciaga
• Gareth Pugh
• Mugler
• Celine
• Karl Lagerfeld
• Elie Saab
• Chloe
• Nina Ricci

2011-12 աշուն-ձմեռ հավաքածու

2011-12 թվականների աշուն-ձմեռ հավաքածուներում ցուցադրվում են արդիականությունը չկորցնող տղամարդկանց աքսեսուարներ, որոնք հարմարեցված են կանացի զգեստապահարանին, մինիմալիզմին բնորոշ գծեր և յոթանասունականների շունչը։

Հաջորդ սեզոնի ամենանորաձև գույներն են համարվել սպիտակի, երկագույնի և նարնջագույնի երանգները։ Դրանց համադրությունն առկա է եղել օվկիանոսի երկու կողմերում ստեղծված բոլոր հավաքածուներում։

Փարիզում նորաձևության շաբաթվա գլխավոր ինտրիգը Ջոն Գալիանոյի հեռանալուց հետո Dior-ի հավաքածուի ցուցադրությունն էր։ Դերձակը 15 տարի աշխատել է այդ նորաձևության տան համար, բայց այժմ կրեատիվ տնօրենի պարտականությունը զբաղեցնում է Բիլ Գեիթենը։ Հավաքածուն դարձել է երևակայության և գույների իրական խելահեղություն։ Այն հանրության կողմից լավ ընդունելության է արժանացել։

Փարիզի նորաձևության շաբաթվա նորեկը եղել է հայտնի ռեփեր Քանյե Ուեսթը, ով որոշել էր դառնալ դիզայներ՝ ի հիշատակ իր հանգուցյալ մոր։ Առաջին շարքերը զբաղեցրել էին շոու-բիզնեսի աստղերը, ովքեր ստացել էին հրավիրատոմսեր, բայց հավաքածուն անհաջող էր և խիստ բացասական գնահատականի է արժանացել քննադատների կողմից։

Տղամարդկանց նորաձևության շաբաթը Փարիզում

2011 թվականի հունիսի 22-26֊ը կայացել է տղամարդկանց հավաքածուների ցուցադրությունը։ Դիզայներ Alexander Wang-ը ներկայացրել է սպորտային համազգեստ՝ կեդեր, բաճկոն և հուդի։ Dior Homme-ում շեշտը հիմնականում դրված էր հիանալիորեն կարված սպիտակ բաճկոնի վրա։ Givenchy-ն գրեթե բոլոր իրերը՝ սկսած կոստյումներից, վերջացած սպորտային իրերից, զարդարել է դրախտային թռչուններ ներկայացնող անսովոր զարդանախշերով։ Փոլ Սմիթը ներկայացրել է մի հավաքածու, որտեղ չկար ոչ մի շերտանախշ, բայց փոխարենը կային կոստյումներ ինդիգո և նարնջագույն գույներով։

Հայտնի հյուրեր

Փարիզում նորաձևության շաբաթվա նպատակը ոչ միայն նոր հավաքածուների ցուցադրություն, այլև աշխարհիկ երեկույթների շարք։ Միջոցառմանը սովորաբար ներկա են լինում ամենահռչակավոր և ամենահայտնի դերասանները, երգչուհիները և հեռուստաստղերը, ինչպիսիք են՝ Քլաուդիա Շիֆեր, Թենդի Նյուտոն, Կլեր Դենս, Օլիվե Թիսկենս, Յուջինիա և Սթարվոս Նիարհոս։