Սերգեյ Չետվերուխին

Սերգեյ Չետվերուխին
Անձնական տեղեկություն
Սեռ՝	արական
Բնօրինակ անուն	ռուս.՝ Сергей Александрович Четверухин
Մասնագիտացում	գեղասահորդ և գեղասահքի մարզիչ
Երկիր	ԽՍՀՄ
Ծննդյան ամսաթիվ	հունվարի 12, 1946 (79 տարեկան)
Ծննդավայր	Մոսկվա, ԽՍՀՄ
Պարգևներ ; և

Սերգեյ Չետվերուխին (ռուս.՝ Сергей Александрович Четверухин, հունվարի 12, 1946(1946-01-12), Մոսկվա, ԽՍՀՄ), խորհրդային գեղասահորդ, հանդես է եկել որպես մենասահորդ։ ԽՍՀՄ սպորտի վաստակավոր վարպետ։ ԽՍՀՄ առաջին մենասահորդ–գեղասահորդը (Սերգեյ Վոլկովի հետ), ով հանդես է եկել Ձմեռային օլիմպիական խաղերում (1968, Գրենոբլ), 1968 թվականի Ձմեռային ունիվերսիադայի չեմպիոն (առաջին անգամ խորհրդային պատմության մեջ)։ Առաջին խորհրդային գեղասահորդը՝ Օլիմպիական խաղերի (արծաթ՝ 1972, Սապպորո, Ճապոնիա), Աշխարհի (բրոնզ՝ 1971 թվական) և Եվրոպայի (բրոնզ՝ 1969 թվական) մրցանակակիր։ Ներկա պահին՝ գեղասահքի մարզիչ՝ Կանադայում։

Կարիերա

Գեղասահքով սկսել է զբաղվել բավականին ուշ՝ 1955 թվականին։ Իր կրտսեր եղբոր՝ Ալեքսեյի հետ եկել է մոսկովյան Պատանի պիոներների ստադիոն։ Մարզվել է Տատյանա Տոլմաչովայի ղեկավարությամբ։ Նրա ղեկավարությամբ էլ 1963 թվականին ընդգրկվել է ԽՍՀՄ ազգային հավաքականի կազմ և հասել է միջազգային մակարդակի, որտեղ նրա դեբյուտը հաջող էր առաջին հերթին պայմանավորված լավ կատարված դպրոցական ֆիգուրներով։

1968 թվականի աշնանից Չետվերուխինը սկսել է մարզվել Ստանիսլավ Ալեքսեևիչ Ժուկի ղեկավարությամբ։ Գրենոբլում անցկացված օլիմպիական խաղերում զբաղեցրել է 9-րդ տեղը՝ անհաջող կատարելով կրկնակի ակսելը և եռակի սալխը։ 1967-ից 1971 թվականը հինգ անգամ անընդմեջ դարձել է ԽՍՀՄ չեմպիոն (կրկին՝ 1973):

Միջազգային ասպարեզում սուր պայքար է եղել չեխ մարզիկ Օնդրեյ Նեպելայի (ում այդպես էլ չկարողացավ հաղթել՝ մնալով երկրորդը Եվրոպայի և Աշխարհի առաջնություններում) և ֆրանսիացի Պատրիկ Պերայի հետ։ 1971 թվականի Աշխարհի առաջնությունում առաջին անգամ դարձավ երրորդը, չնայած ազատ ծրագրում ութերորդն էր երկու վայրէջքից հետո։ Օլիմպիադա-72-ում հաղթեց ազատ ծրագրում։ 1972 թվականի Աշխարհի առաջնությանը հանդես եկավ շատ կայուն, ազատ ծրագրում ստացավ երկու 6.0, իսկ 1973 թվականին 6.0 գնահատականներ ստացավ կարճ և ազատ ծրագրերի համար՝ վերջինիս հաղթանակով։

Շատ փորձագետներ համոզված էին, որ մի տարի էլ մնալով գեղասահքում, նա կհաղթեր մայրցամաքի և աշխարհի առաջնությունները, այնքան բարձր էր նրա հեղինակությունը այդ ժամանակ։ Սակայն Սերգեյը որոշեց հեռանալ սպորտից, ինչպես ինքն այն ժամանակ ասեց, չի ուզում`իր մասին ասեն, որ ինքը, վերջապես, հասավ ոսկուն, երբ նրա բոլոր հիմնական մրցակիցներն ավարտեցին կատարումները։

Մարզչական գործունեություն

Ավարտելով ելույթները սիրողական սպորտում՝ սկսել է զբաղվել մարզչական գործունեությամբ։ Սակայն առաջին փորձը Վլադիմիր Կովալյովի հետ անհաջող էր^[1]։ Դրանից առաջ նա որոշ ժամանակ աշխատել է Մոսկվայի բալետ սառույցի վրա՝ որպես մենակատար։

Ներկա պահին Սերգեյ Չետվերուխինը ապրում և աշխատում է Կանադայում, ուր տեղափոխվել է 1990 թվականին կանադացի գեղասահորդուհի Դոնա Ջակսոնի հրավերով։ Աշխատել է մարզիչ Մոնրեալում, հիմա աշխատում է Տորոնտոյում։ Սերգեյի եղբայրը՝ Ալեքսեյ Չետվերուխինը, տեղափոխվել է Կանադա Սերգեյի տեղափոխվելուց մեկ տարի հետո։ Մինչև 2008 թվականը մարզում էր Կանադայի պատանիների հավաքականըref>Тренер Сергей Четверухин Արխիվացված 2010-06-22 Wayback Machine</ref>, իսկ հետո վերադարձել է Ռուսաստան^[2]։

Պարգևներ

«Պատվո նշան» շքանշան (03.03.1972)

Սպորտային ձեռքբերումներ

Սպորտային ձեռքբերումներ	1962-63	1963-64	1964-65	1965-66	1966-67	1967-68	1968-69	1969-70	1970-71	1971-72	1972-73
Ձմեռային օլիմպիական խաղեր						9				2
Գեղասահքի աշխարհի առաջնություն			17		13	9	8	6	3	2	2
Գեղասահքի Եվրոպայի առաջնություն			10	12	5	5	3	4	2	2	2
Գեղասահքի ԽՍՀՄ առաջնություն	5	2	3	2	1	1	1	1	1		1
Գեղասահքի Ձմեռային ունիվերսիադայի մեդալակիրների ցուցակ				2		1		2
ԽՍՀՄ ժողովուրդների սպարտակիադա				2

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Սերգեյ Չետվերուխին» հոդվածին։

[1] Впереди идущий (Доброва Л.)

[2] «Тарасова все замечает»

[1]

[2]