Սասուն Խաչատրյան

Վիքիպեդիայից՝ ազատ հանրագիտարանից
Սասուն Խաչատրյան
Ծնվել էնոյեմբերի 12, 1976(1976-11-12) (46 տարեկան)
ԾննդավայրԵրևան, Հայկական ԽՍՀ, Խորհրդային Սոցիալիստական Հանրապետությունների Միություն
ՔաղաքացիությունFlag of Armenia.svg Հայաստան
ԿրթությունԵՊՀ իրավաբանական ֆակուլտետ (1998)
Մասնագիտությունիրավաբան և դատախազ
ԱշխատավայրՀայաստանի Հանրապետության հատուկ քննչական ծառայություն

Սասուն Մհերի Խաչատրյան (նոյեմբերի 12, 1976(1976-11-12), Երևան, Հայկական ԽՍՀ, Խորհրդային Սոցիալիստական Հանրապետությունների Միություն), հայ իրավաբան, Հայաստանի Հանրապետության հատուկ քննչական ծառայության պետ[1], արդարադատության երրորդ դասի պետական խորհրդական[2]։

Կրթություն[խմբագրել | խմբագրել կոդը]

1993 - 1998 թվականներին սովորել է Երևանի պետական համալսարանի իրավաբանական ֆակուլտետում[3]։

1998 - 2000 թվականներին սովորել է ՀՀ ՆԳՆ բարձրագույն դպրոցի ասպիրանտուրայում։

Աշխատանքային գործունեություն[խմբագրել | խմբագրել կոդը]

2000 թվականի մայիսին աշխատանքի է անցել ՀՀ դատախազության համակարգում՝ որպես Շենգավիթ համայնքի դատախազության քննիչ։

2013 - 2014 թվականներին եղել է Երևան քաղաքի Արաբկիր և Քանաքեռ-Զեյթուն վարչական շրջանների, 2014 - 2016 թվականներին՝ Մալաթիա-Սեբաստիա վարչական շրջանի դատախազ։ 2017 - 2018 թվականներին եղել է ՀՀ գլխավոր դատախազության հատկապես կարևոր գործերի քննության նկատմամբ հսկողության վարչության պետի տեղակալ[3]։

2018 թվականի հունիսի 11-ին վարչապետ Նիկոլ Փաշինյանի առաջարկությամբ նախագահ Արմեն Սարգսյանը Սասուն Խաչատրյանին նշանակել է հատուկ քննչական ծառայության պետ[4]։

Ամուսնացած է, ունի երկու դուստր։

Ծանոթագրություններ[խմբագրել | խմբագրել կոդը]