Սամանտա Մամբա

Սամանտա Մամբա
Ծնվել է	հունվարի 18, 1983(1983-01-18) (43 տարեկան)
Ծննդավայր	Դուբլին, ÉIR
Քաղաքացիություն	ÉIR
Մասնագիտություն	դերասանուհի, հեղինակ-կատարող, մոդել, երգչուհի, կինոդերասանուհի, ստուդիական երաժիշտ և երաժիշտ
Ժանրեր	դենս փոփ
Ընտրանի	Cross?
Ամուսին(ներ)	Torray Scales?

Սամանտա Մամբա (անգլ.՝ Samantha Tamania Anne Cecilia Mumba, հունվարի 18, 1983(1983-01-18), Դուբլին, ÉIR), իռլանդացի դերասանուհի և երգչուհի։

Կենսագրություն

Սամանտա Մամբան ծնվել է 1983 թվականի հունվարի 18-ին Իռլանդիայի Դուբլին քաղաքում։ Նրա հայրը՝ ինժեներ Պիտեր Մամբան Զամբիայից է, իսկ մայրը՝ Իռլանդիայից։ Ծնողները Սամանտային երեք տարեկան հասակից տվել են Billie Barry Stage School թատերական դպրոց։ Այնտեղ նա սովորել է 13 տարի։

Կարիերա

1998 թվականին Մամբան դարձել է «The Hot Mikado» ջազային նախագծի հաղորդավար, որտեղ կարողացել է ցույց տալ իր վոկալային և դերասանական տվյալները։ Շուտով Սամանտան լքում է դպրոցը որպեսզի նվիրի իրեն երաժշտությանը և ձայնագրի դեբյուտային ալբոմ, որի ժամանակ նա ճամփորդել է Դանիայով, Շվեյցարիայով, Անգլիայով և Իռլանդիայով։

2000 թվականին թողարկվում է նրա առաջին «Gotta Tell You» անունով երգը, որը զբաղեցնում է իռլանդական, և շուտով նաև անգլիական չաթերի առաջին հորիզոնականները։ Շուտով Մամբան հայընի է դառնում ԱՄՆ-ում։ Նրա «Baby Come On Over» անունով ալբոմը վաճառվել է չորս միլիոն օրինակով։

2001 թվականին, Սուրբ ծնունդի ժամանակ թողարկվում է «Samantha Sings Christmas» նախագիծը։ 2002 թվականին Մամբան թողարկում է հերթական «I’m Right Here» (հայերեն՝ ես հենց այստեղ եմ ) անունով սինգլը։

2008 թվականի հունվարի 17-ին Մամբան հայտնվում է նաև հեռուստատեսություն, սկզբում Loose Women շոում, ապա Dancing On Ice նախագծում։

Սամանտան նկարահանվել է ֆիլմերում, և պարբերաբար հայտնվում է նորաձևության ամսագրերի էջերում։

Անձնական կյանք

2012 թվականի փետրվարի 24-ից Սամանտան ամուսնացած է ոստիկան Տորրեեմ Սքելյսոնի հետ։ Զույգերն ունեն մեկ աղջիկ՝ Սեյջ Սքելյսոնը (ծնվ. 03.03.2015):

2015 թվականի փետրվարի 10-ին, Սամանտան, լինելով արդեն 37-րդ աբաթական հղի, ավտովթարի է ենթարկվում։

Ֆիլմագրություն

Տարի		Հայերեն անվանում	Բնօրինակ անվանում	Դեր
2002	ֆ	Ժամանակի մեքենա	Time Machine	Մառա
2005	ֆ		Spin the Bottle
2005	ֆ	Ջոննի Դինամիտ	Johnny Was	Ռիտա
2005	ֆ	Տղաները ուտում են աղջիկներին	Boy Eats Girl	Ջեսիկա
2006	ֆ	Մեխվածը	Nailed	Սապֆիր
2009	ֆ		3 Crosses
2011	ֆ	Խաչը	Cross	Իշկա

Արտաքին հղումներ

• Սամանտա Մամբա (անգլ.) Internet Movie Database կայքում
• Պաշտոնական կայքը Արխիվացված 2009-08-03 Wayback Machine

Վիքիպահեստն ունի նյութեր, որոնք վերաբերում են «Սամանտա Մամբա» հոդվածին։