Ռոուզ Լավել
Քաղաքացիությունը | ԱՄՆ | ||
---|---|---|---|
Ծննդյան ամսաթիվ | մայիսի 14, 1995[1] (28 տարեկան) | ||
Ծննդավայր | Ցինցինատի, Օհայո, ԱՄՆ | ||
Հասակ | 1,65 ± 0,001 մետր[1] | ||
Դիրք | կիսապաշտպան | ||
| |||
| |||
| |||
| |||
|
Ռոզմարի Քեթլին Լավել (ֆր.՝ Romarin Kathleen Lavelle,մայիսի 14, 1995[1], Ցինցինատի, Օհայո, ԱՄՆ), ամերիկացի ֆուտբոլիստուհի, «ՕԼ Ռեյն» ակումբի և ԱՄՆ ֆուտբոլի ազգային հավաքականի կիսապաշտպան։ 2019 թվականի աշխարհի չեմպիոն։
2020 թվականի օգոստոսին տեղափոխվել է անգլիական «Մանչեսթեր Սիթի», որի հետ 2020 թվականին դարձել է Անգլիայի գավաթակիր։
Կարիերա[խմբագրել | խմբագրել կոդը]
Ուսանողական[խմբագրել | խմբագրել կոդը]
Ուսանողական մակարդակում երեք մրցաշրջան խաղացել է «Վիսկոնսին Բաջերս» թիմում, որը ներկայացնում է Վիսկոնսինի համալսարանը Մադիսոնում։ Այս թիմի կազմում նա 2014 թվականին դարձել Է Մեծ տասնյակի չեմպիոն, այնուհետև 2015 և 2016 թվականներին երկու անգամ անընդմեջ ճանաչվել է լավագույն կիսապաշտպան[2]։
Ակումբային[խմբագրել | խմբագրել կոդը]
2017 թվականի հունվարին «Բոստոն Բրեյքերս» ակումբը ընտրել է նրան Կանանց ֆուտբոլի ազգային լիգայի դրաֆթում ընդհանուր 1 համարի ներքո։ «Բեյքերսի» կազմում նա մասնակցել է 10 հանդիպման և խփել 2 գնդակ՝ միևնույն ժամանակ բաց թողնելով մրցաշրջանի մեծ մասը ծնկատակի ջիլի վնասվածքի պատճառով։
Կարիերայում նրա հաջորդ ակումբը դարձել է «Վաշինգտոն Սփիրիտը», որը նրան ընտրել է նոր դրաֆթում՝ առաջին համարի ներքո[3]։ Spirit-ի կազմում երկու մրցաշրջաններում նա խաղացել է 17 խաղ և խփել 1 գոլ, բայց 2020-ի մրցաշրջանը տուժել է COVID-19 համաճարակի պատճառով, բայց նա խաղացել է Challenge Cup-ում իր թիմի կազմում։
2020 թվականի օգոստոսի 18-ին տեղափոխվել է անգլիական «Մանչեսթեր Սիթի»՝ «քաղաքայինների» հետ կնքելով մեկ մրցաշրջանի պայմանագիր[4]։ «Սիթիի» կազմում նվաճել է Անգլիայի գավաթը եզրափակչում «Էվերթոնի» նկատմամբ լրացուցիչ ժամանակում 3։ 1 հաշվով տարած հաղթանակից հետո[5]։
2021 թվականի մայիսին վերադարձել է ԱՄՆ, որտեղ պայմանագիր է կնքել «ՕԼ Ռեյն» ակումբի հետ, որին պատկանում էին նրա իրավունքները «Վաշինգտոն Սփիրիթից» փոխանակվելուց հետո[6]։ Որի հետ նա պայմանագիր է կնքել։ «Ռեյնի» կազմում նա 2022 թվականին հաղթել է կանանց ֆուտբոլի լիգայի կանոնավոր առաջնությունում և կանանց ֆուտբոլի գավաթում։
Միջազգային[խմբագրել | խմբագրել կոդը]
2019 թվականի մայիսին ընդգրկվել է ԱՄՆ ֆուտբոլի ազգային հավաքականի կազմում՝ մասնակցելու Աշխարհի առաջնությանը[7]։ Թաիլանդի հավաքականի հետ խաղում, որն ավարտվեց ամերիկացիների հաղթանակով 13։ 0 հաշվով, նա դուբլի հեղինակ է դարձել, իսկ մրցաշարի վերջում ամերիկացիները դարձել են աշխարհի չեմպիոն՝ եզրափակչում հաղթելով Հոլանդիայի հավաքականին 2:0 հաշվով։ Եզրափակիչում երկրորդ գոլը խփել է Լավելը[8]։
Ամերիկյան հավաքականի կազմում 2021 թվականի ամռանը խաղացել է Օլիմպիական խաղերում, որտեղ ամերիկուհիները նվաճել են բրոնզե մեդալներ։
2023 թվականի ամռանը խաղացել է աշխարհի առաջնությունում, սակայն ծնկի վնասվածքի պատճառով սահմանափակ խաղաժամանակ է ունեցել[9], իսկ 1/8 եզրափակիչի հանդիպումը Շվեդիայի հավաքականի հետ բաց է թողել դեղին քարտերի պատճառով[10]։ Շվեդիայի հավաքականի հետ հանդիպումն ավարտվել է ԱՄՆ-ի հավաքականի համար 120 րոպե խաղաժամանակից հետո 11-մետրանոցներով պարտությամբ և մրցաշարից դուրս մնալով[11]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Soccerdonna (գերմ.) — 2010.
- ↑ «Badgers' Rose Lavelle Named Big Ten Midfielder of the Year». The Sports Daily (անգլերեն). 2016 թ․ հոկտեմբերի 28. Արխիվացված օրիգինալից 2021 թ․ օգոստոսի 9-ին. Վերցված է 2023 թ․ հունիսի 4-ին.
- ↑ «Washington Spirit selects USWNT midfielder Rose Lavelle with top overall pick in NWSL Dispersal Draft». washingtonspirit.com. 2018 թ․ հունվարի 30. Արխիվացված օրիգինալից 2018 թ․ հունվարի 31-ին. Վերցված է 2018 թ․ հունվարի 30-ին.
- ↑ Oatway, Caroline (2020 թ․ օգոստոսի 18). «Rose Lavelle joins City». www.mancity.com. Արխիվացված օրիգինալից 2023 թ․ ապրիլի 20-ին. Վերցված է 2023 թ․ հունիսի 4-ին.
- ↑ «Mewis scores as City beat Everton in FA Cup final». ESPN. 2020 թ․ նոյեմբերի 1. Արխիվացված օրիգինալից 2023 թ․ մայիսի 10-ին. Վերցված է 2023 թ․ հունիսի 4-ին.
- ↑ «OL Reign Acquires Midfielder Rose Lavelle». OL Reign. 2020 թ․ օգոստոսի 16. Արխիվացված օրիգինալից 2023 թ․ ապրիլի 16-ին. Վերցված է 2023 թ․ հունիսի 4-ին.
- ↑ «Meet the USA's 2019 FIFA Women's World Cup Team». www.ussoccer.com. Արխիվացված օրիգինալից 2020 թ․ դեկտեմբերի 20-ին. Վերցված է 2023 թ․ հունիսի 4-ին.
- ↑ Clark, Dave. «Rose Lavelle scores goal for USWNT in FIFA Women's World Cup final, earns Bronze Ball». Cincinnati.com (անգլերեն). Արխիվացված օրիգինալից 2019 թ․ օգոստոսի 18-ին. Վերցված է 2019 թ․ նոյեմբերի 18-ին.
- ↑ «Rose Lavelle injury: Why USWNT star is on limited minutes at 2023 Women's World Cup». www.sportingnews.com (ամերիկյան անգլերեն). 2023 թ․ հուլիսի 27. Արխիվացված օրիգինալից 2023 թ․ օգոստոսի 7-ին. Վերցված է 2023 թ․ օգոստոսի 7-ին.
- ↑ «Rose Lavelle picks up second yellow card, will be suspended for USWNT's next match». FOX Sports (ամերիկյան անգլերեն). Արխիվացված օրիգինալից 2023 թ․ օգոստոսի 6-ին. Վերցված է 2023 թ․ օգոստոսի 7-ին.
- ↑ Peterson, Anne M. «US loses to Sweden on penalty kicks in its earliest Women's World Cup exit ever». ABC News (անգլերեն). Արխիվացված օրիգինալից 2023 թ․ օգոստոսի 7-ին. Վերցված է 2023 թ․ օգոստոսի 7-ին.
Արտաքին հղումներ[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ռոուզ Լավել» հոդվածին։ |
|