Ռոբերտ Ֆուլտոն

Վիքիպեդիայից՝ ազատ հանրագիտարանից
Jump to navigation Jump to search
Ռոբերտ Ֆուլտոն
Robert Fulton
Fulton.jpg
Ծնվել է14 նոյեմբերի, 1765
ԾննդավայրԱՄՆ-ի դրոշը ԱՄՆ, Փենսիլվանիա
Մահացել է24 փետրվարի, 1815
Մահվան վայրՆյու Յորք
ՔաղաքացիությունԱՄՆ
Ազգությունամերիկացի
Մասնագիտությունինժեներ, գյուտարար
Պարգևներ և
մրցանակներ
Ազգային գյուտարարների փառքի սրահ
ԱնդամությունAmerican Antiquarian Society[1]
Ստորագրություն
Robert Fulton signature.svg
Robert Fulton Վիքիպահեստում

Ռոբերտ Ֆուլտոն (Fulton, 14 նոյեմբերի, 1765, Փենսիլվանիա, ԱՄՆ24 փետրվարի, 1815, Նյու Յորք), ամերիկացի գյուտարար, գործնականորեն պիտանի առաջին շոգենավի ստեղծողը։ 1790-ական թթ․ զբաղվել է նավերի շարժման համար շոգու կիրառման պրոբլեմով։ 1797-ից ապրել է Փարիզում, որտեղ 1800 թ. կառուցել և հաջողությամբ փորձարկել է «Նաուտիլուս» սուզանավը (ուներ ժամանակակից սուզանավերի հիմնական գծերը)։

1803 թ. Ֆուլտոն Մեն գետում ցուցադրել է առաջին շոգենավը, որը շարժվում Էր 7, 5 կմ/ժ արագությամբ։ Ֆուլտոյի գյուտերի չարժանացան ֆրանսիական կառավարության հավանությանը, և նա տեղափոխվեց ԱՄՆ, որտեղ կառուցեց անվավոր «Կլերմոնտ» շոգենավը, որում տեղակայված Էր 20 ձիաուժ (14, 7 կվտ) հզորությամբ շոգեմեքենա։ 1807 թ. օգոստոսին Հուդզոն գետով Նյու Յորք և Օլբանի քաղաքների միջև այդ շոգենավը կատարեց առաջին երթը։ Հետագայում Ֆուլտոն կառուցեց մի քանի անվավոր շոգենավեր, այդ թվում նաև աշխարհում առաջին «Դեմոլոգոս» (կամ «առաջին») ռազմանավը, որը կիրառվեց անգլիացիների դեմ մղվող պատերազմում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png
  1. http://www.americanantiquarian.org/memberlistf