Ռոբերտ ՄակՔի

Ռոբերտ ՄակՔի
Ծննդյան թիվ՝	հունվարի 30, 1941(1941-01-30) (83 տարեկան)
Ծննդավայր՝	Դետրոյթ, Միչիգան, ԱՄՆ
Քաղաքացիություն՝	ԱՄՆ
Մասնագիտություն՝	գրող, սցենարիստ և դրամատուրգ
Պարգևներ՝	Ֆուլբրայթի ծրագիր
IMDb։	ID 0571210
mckeestory.com

Ռոբերտ ՄակՔի (անգլ.՝ Robert McKee, հունվարի 30, 1941(1941-01-30), Դետրոյթ, Միչիգան, ԱՄՆ), ամերիկացի սցենարիստ, կինոսցենարներ գրելու արվեստի տեսաբան։ Հայտնիություն է ձեռք բերել «Story» գիրքը գրելուց հետո, որը հոլիվուդյան շատ սցենարիստների ուղեցույցն է։

ՄակՔին հանդիսանում է սցենարական արվեստի ամենահայտնի ուսուցիչներից մեկը։ Հայտնի գրողներ և դերասաններ, ինչպիսիք են՝ Ջեֆրի Ռաշը, Պոլ Հագիսը, Ակիվա Գոլդսմանը, Ջոան Ռիվրզը,Դեյվիդ Բոուին, Քըրք Դուգլասը, Ջոն Քլիզը և շատ շատերը մասնակցել են նրա սեմինարներին։

Կենսագրություն

Վաղ կյանք և կարիերայի սկիզբ

Ծնվել է 1941 թվականի հունվարի 30-ին։ Իր թատերական կարիերան սկսել է 9 տարեկանից՝ «Martin the Shoemaker» թատրոնում գլխավոր դերեր կատարելով։ Ծննդավայրում անցկացվող թատերական ներկայացումներում հիմնականում պատանիների դերեր էր կերտում։ Ավարտել է Միչիգանի համալսարանի անգլիական գրականության ֆակուլտետը՝ բակալավրի կոչումով։ Ուսանելու տարիներին ավելի քան երեսուն ներկայացումների ռեժիսոր է եղել։

«Story» սեմինարների մեկնարկ

1983 թվականին ՄակՔին ընդունվել է Հարավային Կալիֆոռնիայի համալսարանի կինոյի և հեռուստատեսության ֆակուլտետ, որտեղ սկսել է առաջարկել իր հայտնի սեմինարը՝ «Story»-ն։ Մեկ տարի անց ակտիվորեն սկսվեց տարածվել դասընթացի ծրագիրը, որը մեծ աղմուկ բարձրացրեց ողջ աշխարհում։

1984 թվականից աշխարհի տարբեր երկրներից ավելի քան 50,000 ուսանողներ են մասնակցել նրա սեմինարներին։

Ծանոթագրություններ

Վիքիպահեստն ունի նյութեր, որոնք վերաբերում են «Ռոբերտ ՄակՔի» հոդվածին։