Ռոբերտ Ճեպեճյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Ռոբերտ Ճեպեճյան
Ծնվել է օգոստոսի 2, 1909(1909-08-02)
Ծննդավայր Այնթապ, Թուրքիա
Մահացել է 2000
Մահվան վայր Հալեպ, Սիրիա
Կրթություն Բեյրութի ամերիկյան համալսարան
Մասնագիտություն ակնաբույժ և հասարակական գործիչ
Գիտական աստիճան բժշկական գիտությունների թեկնածու
Վիքիդարան Ռոբերտ Ճեպեճյան

Ռոբերտ (Ռոպերտ) Ավետիսի Ճեպեճյան (օգոստոսի 2, 1909(1909-08-02), Այնթապ, Թուրքիա - 2000, Հալեպ, Սիրիա), հայ ակնաբույժ, կոկորդաբան, հասարակական գործիչ: Բժշկական գիտությունների թեկնածու (1970, Երևան

Կենսագրություն[խմբագրել | խմբագրել կոդը]

1934 թվականին ավարտել է Բեյրութի ամերիկյան համալսարանի բժշկական ֆակուլտետը։ 1935 թվականից ապրել է Հալեպում, ուր 1948 թվականին հիմնել է «ճեպեճյան ակնաբուժարանը», որը 1971 թվականից ակնաբույժների պատրաստման կենտրոն է։ Ռոբերտ Ճեպեճյանը կատարել է աչքի (հատկապես տրախոմա) և կոկորդի հիվանդությունների բուժման ու կանխարգելման աշխատանքներ։ Սիրիայում առաջինն է կիրառել ակնաբուժության ժամանակակից մեթոդները։ 1947 թվականին կատարել է աչքի եղջերապաավասաման վիրահատություն։ Մշակել է կոպերն անշարժացնելու նոր եղանակ դիթիլինով, առաջարկել ակնագնդի մեջ թափանցած երկաթի բեկորները հանող մագնիս և ակնաբուժական մի շարք գործիքներ։ 1948 թվականին հիմնել է Աչազրկության կանխարգելման սիրիական ընկերությունը, որի նախաձեռնությամբ 1955 թվականին Հալեպում բացվել է կույրերի առաջին դպրոցը: 1968-1970 թվականներին ղեկավարել է ՀԲԸՄ Սիրիայի մասնաճյուղը, 1968 թվականին ստեղծել ՀԲԸՄ «Մատենագիտական հանձնախումբ»: Հրատարակել է ցեղասպանությանը և փախստականներին նվիրված նյութեր, ալբոմներ:

Նկարչություն[խմբագրել | խմբագրել կոդը]

Զբաղվել է նաև նկարչությամբ, ունեցել է մի շարք ցուցահանդեսներ: 1955 թվականին Զարեհ Գաբլանի հետ հիմնել է «Մարտիրոս Սարյան» նկարչական ակադեմիան: Ճեպեճյանի նախաձեռնությամբ Հայաստան են տեղափոխվել նկարիչներ Արմիսի և Ժիրայր Օրագյան ի որոշ գործիր, բազմաթիվ ձեռագրեր, հնատիպ գրքեր, հայկական ժանյակների հավաքածու և այլն[1]:

Պարգևներ[խմբագրել | խմբագրել կոդը]

  • ՀՀ ԳԱԱ Մեսրոպ Մաշտոցի հուշամեդալ

Երկեր[խմբագրել | խմբագրել կոդը]

  • Ինքնակենսագրութիւն, յուշեր եւ գործունեութիւններ, Հալեպ, 1999:

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր 2, Երևան, 2007 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 96 CC-BY-SA-icon-80x15.png