Ռեյչել Գրիֆիթս

Ռեյչել Գրիֆիթս
Ծնվել է	դեկտեմբերի 18, 1968 (55 տարեկան)
Ծննդավայր	Մելբուռն, Վիկտորիա, Ավստրալիա
Քաղաքացիություն	Ավստրալիա
Մասնագիտություն	դերասանուհի, կինոդերասանուհի, կինոռեժիսոր և ռեժիսոր
Ամուսին(ներ)	Andrew Taylor?
Պարգևներ և մրցանակներ	և «Ոսկե գլոբուս» մրցանակ երկրորդ պլանի լավագույն դերասանուհու համար - մինի սերիալ, հեռուստասերիալ կամ հեռուստաֆիլմ

Ռեյչել Գրիֆիթս (անգլ.՝ Rachel Anne Griffiths, դեկտեմբերի 18, 1968(1968-12-18)^[1], Մելբուռն, Վիկտորիա, Ավստրալիա), ավստրալիացի դերասանուհի և ռեժիսոր։ Նրան ճանաչում է բերել «Մյուրիելի հարասանիքը» (1994) ֆիլմում խաղացած դերը, ինչի շնորհիվ ստացել է AACTA մրցանակը՝ երկրորդ պլանի լավագույն կանացի դերի համար։ Գրիֆիթսը լայն ճանաչում է ստացել «Հաճախորդը միշտ մեռած է» (2001-2005) հեռուստասերիալում խաղացած Բրենդի Չենովիտ և «Եղբայրներ և քույրեր» հեռուստասերիալում Սարի Ուոկեր դերերով (2006-2011)։

Կինոյում և հեռուստատեսությունում աշխատելը նրան բերել է բազմաթիվ պարգևներ և անվանակարգեր՝ ներառյալ 1999 թվականի «Օսկար» մրցանակաբաշխության անվանակարգը, 2002 թվականին շահած «Ոսկե գլոբուս» կինոմրցանակը և 2003, 2008, 2009 թվականների անվանակարգերը, նաև «ԱՄՆ-ի կինոդերասանների գիլդիայի» երկու մրցանակ։ 2002, 2003, 2007 և 2008 թվականներին չորս անվանակարգ է շահել նաև «Էմմի» մրցանակաբաշխությունում։ Բացի այդ, 1994, 2006 և 2009 թվականներին շահել է «Ավստրալիայի կինոքննադատներ»-ի երեք մրցանակ։

Վաղ կյանք[խմբագրել | խմբագրել կոդը]

Ծնվել է 1968 թվականի դեկտեմբերի 18-ին Ավստրալիայում՝ արվեստի ուսուցչի և դպրոցական խորհրդատուի ընտանիքում^[4]։ 5 տարեկանում մոր և երկու կրտսեր եղբայրների հետ տեղափոխվել է Մելբուրն։ Երբ նա 11 տարեկան էր, հայրը լքել է ընտանիքը 18-ամյա աղջկա համար^[5]։

Կարիերա[խմբագրել | խմբագրել կոդը]

Գրիֆիթսը և Թոնի Կոլլետը, երբ 1994 թվականի «Մյուրիելի հարսանիքը» ֆիլմում ստացել են գլխավոր դերերը, այնքան էլ հայտնի չէին։ Ֆիլմում Գրիֆիթսի աշխատանքը քննադատների կողմից ստացել է բազմաթիվ դրական արձագանքներ, ինչպես նաև նրան բերել է «Ավստրալիայի կինոքննադատների» մրցանակը։ 1997 թվականին նա նկարահանվել է «Իմ լավագույն ընկերոջ հարսանիքը» ֆիլմում։ Նույն թվականին նա գլխավոր դեր է խաղացել «Իմ որդին ֆանատիկոս է» բրիտանական ֆիլում։

Գրիֆիթսը 1998 թվականին «Օսկար» մրցանակաբաշխությունում արժանացել է անվանակարգի «Հիլարի և Ջեքի» ֆիլմում խաղացած Հիլարի դյու Փրեի դերի համար։ Մյուս խոշոր նախագիծը 2001 թվականին «Կոկաին» ֆիլմն էր, որտեղ խաղացել է Ջոնի Դեփի և Ռեյ Լիոտայի հետ։

2001 թվականին Գրիֆիթսը ստացել է HBO հեռուստաալիքի «Հաճախորդը միշտ մեռած է» սերիալի գլխավոր դերերից մեկը։ Նախագծի շնորհիվ արժանացել է «Ոսկե գլոբուս» մրցանակին, «ԱՄՆ-ի կինոդերասանների գիլդիայի» երկու մրցանակի և երկու անվանակարգի՝ «Էմմի» մրցանակաբաշխությունում։

2006 թվականին ABC հեռուստաալիքի «Եղբայրներ և քույրեր» հեռուստասերիալում ստացել է Սալլի Ֆիլդի հերոսուհու աղջկա՝ Նոռա Ուոկերի դերը։ Այս դերը մեծ ճանաչում է բերում նրան ԱՄՆ-ում, նաև՝ երկուական անվանակարգ «Էմմի» և «Ոսկե գլոբուս» մրցանակաբաշխություններում։

Բացի դերասանական կարիերայից, Գրիֆիթսն իրեն փորձել է նաև ռեժիսուրայում։ 2000 և 2003 թվականներին իր սցենարով նկարահանել է երկու կարճամետրաժ ֆիլմ։ 2015 թվականին դեբյուտ է ունեցել հեռուստատեսությամբ՝ նկարահանելով «Կորուսյալները» երիտասարդական հեռուստասերիալի երեք էպիզոդ։

Անձնական կյանք[խմբագրել | խմբագրել կոդը]

2002 թվականի դեկտեմբերի 31-ին Գրիֆիթսը ամուսնացել է նկարիչ Էնդրյու Թեյլորի հետ։ Ամուսիններն ունեն երեք երեխա. մեկ որդի՝ Բանջո Պատրիկ (ծնված 2003 թվականին) և երկու աղջիկ՝ Ադելաիդա Ռոուզ (ծնված 2005 թվականին) ու Կլեմենտինա Գրեյս (ծնված 2009 թվականին)^[6]։

Ֆիլմագրություն[խմբագրել | խմբագրել կոդը]


Տարի	Անվանում	Բնօրինակ անվանում	Դեր	Ծանոթագրություն
1994	Մյուրիելի հարասանիքը	Muriel’s Wedding	Ռոնդա Էպինստել	AACTA կինոմրցանակ Երկրորդական պլանի լավագույն կանացի դերի համար Ավստրալիայի կինոքննադատների մրցանակ
1996	Այդպես են վարվում բոլորը	Così	Լյուսի
1996	Ջուդ	Jude	Արաբելլա
1996	Հեղափոխության երեխաները	Children of the Revolution	Աննա
1997	Իմ որդին ֆանատիկոս է	My Son the Fanatic	Բետինա / Սանդրա	Անվանակարգ՝ բրիտանական անկախ կինոյում լավագույն կանացի դերի համար մրցանակ
1997	Իմ լավագույն ընկերոջ հարսանիքը	My Best Friend’s Wedding	Սամանթա Նյուհաուս
1998	Հսկաների մեջ	Among Giants	Ջերի
1998	Հիլարի և Ջեքի	Hilary and Jackie	Հիլարի դյու Պրե	Անվանակարգ՝ «Օսկար» մրցանակաբաշխությունում երկրորդական պլանի լավագույն կանացի դերի համար մրցանակ Անվանակարգ՝ բրիտանական անկախ կինոյում լավագույն կանացի դերի համար մրցանակ Անվանակարգ՝ ԱՄՆ-ի կինոդերասանների գիլդիայի մրցանակ երկրորդական պլանի լավագույն կանացի դերի համար Չիկագոյի կինոքննադատների ասոցացիայում անվանակարգ երկրորդական պլանի լավագույն կանացի դերի համար
1998	Էմի	Amy	Տանյա Ռամուս	Անվանակարգ՝ AACTA կինոմրցանակ
1998	Ամուսնալուծված Ջեքը	Divorcing Jack	Լի Կուպեր
1999	Ես, նորից ես և կրկին ես	Me Myself I	Պամելա Դրուրի	Անվանակարգ՝ Ավստրալիական ակադեմիայի կինեմատոգրաֆիայի և հեռուստատեսության մրցանակ լավագույն կանացի դերի համար Անվանակարգ՝ Ավստրալիայի կինոքննադատների մրցանակ լավագույն կանացի դերի համար
2001	Իսկական Աննա-Մարին	Very Annie Mary	Էննի Մերի Պուխ
2001-2005	Հաճախորդը միշտ մեռած է	Six Feet Under	Բրենդա Չենովիթ	Անվանակարգ՝ AACTA կինոմրցանակ լավագույն կանացի դերի համար (2002) ԱՄՆ-ի կինոդերասանների գիլդիայի մրցանակ դրամատիկական սերիալի լավագույն դերասանական կազմի համար (2003-2004) Անվանակարգ՝ «Էմմի» մրցանակաբաշխությունում մրցանակ դրամատիկական հեռուստասերիալում լավագույն կանացի դերի համար (2002) Անվանկարգ՝ Հեռուստատեսային քննադատների ասոցիացիայի մրցանակ՝ դրամայում անհատական նվաճումների համար (2002) Անվանակարգ՝ ԱՄՆ-ի կինոդերասանների գիլդիայի մրցանակ դրամատիկական սերիալում լավագույն դերասանական կազմի համար (2002, 2005-2006)
2001	Կոկաին	Blow	Էմին Ջանգ
2001	Անգլիական սափրիչ	Blow Dry	Սանդրա
2002	Դաժան խոսք	The Hard Word	Կարոլ	Անվանակարգ՝ AACTA կինոմրցանակ լավագույն կանացի դերի համար
2002	Նորեկը	The Rookie	Լորի Մորիս
2005	Հրեշտակ	Angel Rodriguez	Նիքոլ
2006-2011	Եղբայրներ և քույրեր	Brothers and Sisters	Սարա Ուալկեր	Անվանակարգ՝ «Էմմի» մրցանակ դրամատիկական հեռուստասերիալում երկրորդական պլանի լավագույն կանացի դերի համար (2007-2008) Անվանակարգ՝ AACTA կինոմրցանակ լավագույն կանացի դերի համար (2007-2008) Անվանակարգ՝ «Ուղեկից» մրցանակ մինի-սերիալում, հեռուստասերիալում և հեռուստաֆիլմում երկրորդական պլանի լավագույն կանացի դերի համար (2007)
2006	Քայլ առաջ	Step Up	Տնօրեն Գորդան
2009	Գեղեցիկ Քեյթը	Beautiful Kate	Սալի	Անվանակարգ՝ AACTA կինոմրցանակ լավագույն կանացի դերի համար Ավստրալիայի կինոքննադատների մրցանակ լավագույն կանացի դերի համար
2010	Ռեյք	Rake	Էդի Լանգհորն	1 էպիզոդում
2011	Այրվող մարդը	Burning Man	Միրիամ
2012	Ջուլիան Ասանժի պատմությունը	Underground: The Julian Assange Story	Քրիստին Ասանժ
2013	Ճամբար	Camp	ՄակՔենզի Գրինֆիլդ	10 էպիզոդներում
2013	Փրկել միստր Բենքսին	Saving Mr. Banks	հորաքույր Էլլի
2016	Խղճի թելադրանքով	Hacksaw Ridge	Բերտա Դոս
2016	Օսիրիսի զավակը	The Osiris Child	գեներալ Լինեքս

Ծանոթագրություններ[խմբագրել | խմբագրել կոդը]

↑ ^1,0 ^1,1 Internet Broadway Database — 2000.
↑ Australian Honours Search Facility
↑ Australian Honours Search Facility
↑ Rachel Griffiths Biography (1968-)
↑ Rachel Griffiths (I) — Biography
↑ «Rachel Griffiths' Sweet Clementine». People (անգլերեն). 4 августа 2009. Արխիվացված է օրիգինալից 2014 թ․ հոկտեմբերի 6-ին.

Վիքիպահեստն ունի նյութեր, որոնք վերաբերում են «Ռեյչել Գրիֆիթս» հոդվածին։

[_53833dc596d8a7e9-1] 1,0 ^1,1 Internet Broadway Database — 2000.

[_cb80813ce47ced8e-2] Australian Honours Search Facility

[_4f60aa4122955c8c-3] Australian Honours Search Facility

[4] Rachel Griffiths Biography (1968-)

[5] Rachel Griffiths (I) — Biography

[6] «Rachel Griffiths' Sweet Clementine». People (անգլերեն). 4 августа 2009. Արխիվացված է օրիգինալից 2014 թ․ հոկտեմբերի 6-ին.

[1]

[2]

[3]

[4]

[5]

[6]