Ռամեշբաբու Պրագնանանդհա

Վիքիպեդիայից՝ ազատ հանրագիտարանից
Jump to navigation Jump to search
Ռամեշբաբու Պրագնանանդհա
թամ.՝ பிரஞ்ஞானந்தா ரமேஷ்பாபு
TataSteelChess2017-79.jpg
Պետություն(ներ)Flag of India.svg Հնդկաստան
Ծննդյան ամսաթիվօգոստոսի 10, 2005(2005-08-10) (15 տարեկան)
ԾննդավայրՉեննայ, Հնդկաստան[1]
Կոչումմիջազգային վարպետ[2], գրոսմայստեր և ՖԻԴԵ-ի վարպետ
Ներկայիս վարկանիշ2608
ՖԻԴԵ համար25059530
365chessPraggnanandhaa_R
Chesstempo համար313779
ICCF համար313779
Praggnanandhaa Rameshbabu Վիքիպահեստում

Ռամեշբաբու Պրագնանանդհա (թամ.՝ பிரஞ்ஞானந்தா ரமேஷ்பாபு), օգոստոսի 10, 2005(2005-08-10), Չեննայ, Հնդկաստան[1]), հնդիկ շախմատիստ, գրոսմայստեր, շախմատային հրաշամանուկ։ Համարվում է աշխարհում չորրորդ շախմատիստը, որը ամենաերիտասարդ տարիքում արժանացել է գրոսմայստերի կոչմանը[3][4]։

Շախմատային կարիերա[խմբագրել | խմբագրել կոդը]

Պրագնանանդհան ծնվել է 2005 թվականին՝ Հնդկաստանի Թամիլ Նադու նահանգի կենտրոն Չեննայում։ 7 տարեկանում նրան շնորհվել է ՖԻԴԵ-ի վարպետի կոչում։ Նա 2013 թվականին՝ 8 տարեկան հասակում դարձել է շախմատի պատանիների աշխարհի չեմպիոն։ 2015 թվականին նվաճել է մինչև 10 տարեկանների առաջնության չեմպիոնի տիտղոսը[5]։

2016 թվականին Պրագնանանդհան 10 տարեկան, 10 ամսական և 19 օրական հասակում դարձավ պատմության մեջ ամենաերիտասարդ միջազգային վարպետը։ Նա գրոսմայստերի իր առաջին նորմը լրացրել է 2017 թվականի նոյեմբերին, շախմատի պատանիների աշխարհի առաջնությունում, որտեղ գրավեց 4-րդ հորիզոնականը՝ վաստակելով 8 միավոր։ Նա լրացրեց գրոսմայստերի երկրորդ նորմը 2018 թվականի ապրիլի 17-ին՝ «Ֆիշերի հուշամրցաշարում»[6]։ 2018 թվականի հունիսի 23-ին նա նվաճեց իր երրորդ և վերջին գրոսմայստերի նորմը։ Օրտիզեիի «Gredine Open» մրցաշարի 8-րդ տուրում՝ նա պարտության մատնեց Լուկա Մորոնիին և 12 տարեկան, 10 ամսական և 13 օրական հասակում դարձավ երկրորդ ամենաերիտասարդ գրոսմայստերի նորմը լրացրած շախմատիստը՝ Սերգեյ Կարյակինից հետո։ Սերգեյ Կարյակինը այդ տիտղոսը նվաճել է 12 տարեկան 7 ամսական հասակում։ 2018 թվականին նա հրավիրվել է արագ շախմատի 4 պարտիա խաղալու Ուեսլի Սոի հետ։ Շատերն այն կարծիքին էին, որ դա հեշտ հաղթանակ է լինելու Ուեսլի Սոի համար, բայց 12-ամյա շախմատիստը 2.5-1.5 հաշվով հաղթող ճանաչվեց[7]։

Անձնական կյանք[խմբագրել | խմբագրել կոդը]

Պրագնանանդհաան ապրում է Չեննայի արվարձաններից մեկում։ Հայրը աշխատում է բանկում, իսկ մայրը՝ տնային տնտեսուհի է։ Նրա ավագ քույրը՝ Վեյշալի Ռամեշբաբուն երիտասարդ շախմատիստ է։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]