Ռազմիկ Տոնյան

Ռազմիկ Տոնյան
Ծննդյան անուն	Ռազմիկ Գևորգի Բեկլարյան
Ծնվել է	ապրիլի 22, 1934(1934-04-22) (90 տարեկան) կամ 1933
Ծննդավայր	Հրազդան, Հայկական ԽՍՀ, ԱԽՖՍՀ, ԽՍՀՄ
Մասնագիտություն	բանաստեղծ
Քաղաքացիություն	ԽՍՀՄ և  Հայաստան
Կրթություն	Մաքսիմ Գորկու անվան գրականության ինստիտուտ
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Աշխատավայր	ՀԽՍՀ Մշակույթի նախարարություն
Ռազմիկ Տոնյան Վիքիդարանում

Ռազմիկ Տոնյան (Ռազմիկ Գևորգի Բեկլարյան, գրական անուն է դարձրել իր տոհմական Միլիտոնյան ազգանվան երկրորդ մասը) (ապրիլի 22, 1934(1934-04-22) կամ 1933, Հրազդան, Հայկական ԽՍՀ, ԱԽՖՍՀ, ԽՍՀՄ), հայ բանաստեղծ։ ԽՍՀՄ գրողների միության անդամ 1958 թվականից։ ԽՄԿԿ անդամ 1966 թվականից։

Կենսագրություն

Ռազմիկ Տոնյանը ծնվել է 1934 թվականի ապրիլի 22-ին, ՀԽՍՀ Հրազդանի շրջանի Մաքրավանք գյուղում (այժմ՝ Հրազդան քաղաքի շրջագծի մեջ)։ Ավարտել է Մոսկվայի Մաքսիմ Գորկու անվան գրականության ինստիտուտի գրական երկամյա բարձրագույն դասընթացները։ 1957-1960 թվականներին դասավանդել է Երևանի Ավետիք Իսահակյանի անվան դպրոցում։ 1960-1963 թվականներին որպես խմբագիր աշխատել է ՀԽՍՀ մշակույթի նախարարության հրատարակչութիունների և պոլիգրաֆ արդյունաբերության գլխավոր վարչությունում, 1963-1967 թվականներին՝ մամուլի պետական կոմիտեում։ 1969-1974 թվականներին եղել է Արարատի «Արարատ» շրջանային թերթի խմբագիր, 1974-1977 թվականներին՝ Հայհրատպետկոմի քաղաքական-գեղարվեստական գրականության բաժնի պետ, 1977-1978 թվականներին՝ «Սովետական գրող» հրատարակչության գեղարվեստական գրականության խմբագրության վարիչ։ 1978 թվականից եղել է «Սովետական գրող» հրատարակչության գլխավոր խմբագրի տեղակալ։

Երկեր

• Իրիկնային նվագներ, Երևան, Հայպետհրատ, 1957, 86 էջ։
• Անավարտ խոստովանություն, Երևան, Հայպետհրատ, 1964, 124 էջ։
• Ուշանում ես, արև, 1982։

Ծանոթագրություններ

Վիքիդարանն ունի նյութեր, որոնք վերաբերում են «Ռազմիկ Տոնյան» հոդվածին։