Ջո Ադամով
| Ջո Ադամով | |
|---|---|
| Ծնվել է | հունվարի 7, 1920 |
| Ծննդավայր | Բաթում, Ռուսական կայսրություն |
| Մահացել է | դեկտեմբերի 18, 2005 (85 տարեկան) |
| Մահվան վայր | Մոսկվա, Ռուսաստան |
| Քաղաքացիություն |  ԽՍՀՄ և  Ռուսաստան |
| Կրթություն | Մոսկվայի պետական մանկավարժական համալսարան (1942) |
| Մասնագիտություն | լրագրող, ռադիոլրագրող, թարգմանիչ և հաղորդավար |
Ջո Ադամով (իսկական անունը՝ Իոսիֆ Համայակի Ադամով[1], հունվարի 7, 1920, Բաթում, Ռուսական կայսրություն - դեկտեմբերի 18, 2005, Մոսկվա, Ռուսաստան), հայկական արմատներով խորհրդային և ռուս ռադիոլրագրող, թարգմանիչ, հաղորդավար։
Կենսագրություն[խմբագրել | խմբագրել կոդը]
Ջո Ադամովը ծնվել է 1920 թվականի հունվարի 7-ին Բաթումում, ազգությամբ հայ է։ Նրա հայրը Լոնդոնում խորհրդային առևտրային ներկայացուցչության պաշտոնյա է եղել և յոթ տարեկանում որդուն՝ Իոսիֆին, ընդունել է բրիտանական դպրոց։ Ավելի ուշ՝ 1930-ականներին, երբ ընտանիքը վերադարձել է Մոսկվա, Ադամովը սովորել է հատուկ ամերիկյան դպրոցում[2]։ 1942 թվականին ավարտել է Մոսկվայի մանկավարժական ինստիտուտը[3]։ Շուտով նա աշխատանքի է անցել Մոսկվայի ռադիոյի անգլերեն խմբագրությունում որպես հաղորդավար։
1957-1990 թվականներին ԱՄՆ-ում վարել է «Մոսկվայի փոստային պայուսակ» հայտնի ռադիոհաղորդումը։ Հաղորդումը պատասխանում էր ունկնդիրների հարցերին ԽՍՀՄ խորհրդային կյանքի և քաղաքականության բոլոր ասպեկտների վերաբերյալ։ Իր ծաղկման գագաթնակետին մոսկովյան փոստի պայուսակ լսողները ամեն տարի հազարավոր նամակներ էին ուղարկում Ադամովին։ Որպես լրագրող և հաղորդավար՝ Ադամովը հարցազրույց է վերցրել բազմաթիվ արևմտյան քաղաքական գործիչների և լրագրողների հետ, այդ թվում՝ Դուայթ Էյզենհաուերի, Էլեոնոր Ռուզվելտի, Ուոլթեր Քրոնքայթի և Լարի Քինգի հետ։
Սառը պատերազմի տարիներին Ադամովի հաղորդումները, ինչպես և «Ռադիո Մոսկվա»-ի բոլոր հաղորդումները, ուշադրությամբ ուսումնասիրվել են արևմտյան կառավարությունների կողմից, ինչի մասին խորհրդային իշխանությունները քաջատեղյակ են եղել։
|
Ադամովը որոշ առումներով իրեն պահում էր որպես խորհրդային քաղաքացի։ Նա պարկեշտ էր, ասում է, որ վարում է ժանգոտ սև 16-տարվա «Վոլգա» սեդան և կարող է նվազագույն հուշումներով խոսել տարբեր թեմաների շուրջ։ Նա ընդունում էր, որ իր հաղորդումներում հաճախ ներառում է ԱՄՆ-ի քննադատությունը։ «Մենք չենք փորձում նսեմացնել ձեր երկիրը», - ասում էր նա սրտանց։ «Մենք մեզ ուղղակի թույլ ենք տալիս չհամաձայնվել ձեր արտաքին քաղաքականության հետ։ Նրա խոսքով, մի անգամ հիասթափված ունկնդիրը նրան հարցրել է, թե արդյոք նա կարող է ինչ-որ դրական բան գտնել ԱՄՆ-ի մասին ասելու համար։ «Ես ասացի, որ ինձ դուր են գալիս ձեր մեքենաները։ Որ ինձ դուր են գալիս ձեր սուպերմարկետները։ Որ ես հիանում եմ ամերիկացիների արդյունավետությամբ, գործերի նկատմամբ նրանց գործնական մոտեցումներով»։ Երբեմն թվում է, թե Ադամովն անկեղծորեն սիրում էր Խորհրդային Միության գաղափարական և ռազմական թշնամուն։ Նա հիշում է Երկրորդ համաշխարհային պատերազմի մասին, երբ Խորհրդային Միությունն ու ԱՄՆ-ը դաշնակիցներ էին։ «Մենք դաշնակիցներ էինք, ուշադրություն դարձրեք,- ասում էր նա և ես կցանկանայի, որ մենք նորից լինեինք այդ կարգավիճակում։ | 
|
In some respects, Adamov looks and acts like a Soviet everyman. He's portly, says he drives a rusty, black 16-year-old Volga sedan, and can, with minimal prompting, hold forth on a wide range of topics. ... He admits that more often than not, his explanations include criticism of the US. ``We're not trying to belittle your country, he says, cordially. ``We just beg to differ on your foreign policy. One frustrated listener, he says, once asked him if he could find something positive to say about the US. ``I said, I like your cars. That I like your supermarkets. That I admire Americans' efficiency, their businesslike approach to things. ... At times, Adamov seems genuinely fond of the Soviet Union's ideological and military nemesis. He reminisces about World War II, when the Soviet Union and the US were working together. "We were allies, mind you, he says, and I wish we could be again.[4]"
Ջո Ադամովը 1960 թվականին ԽՍՀՄ տարածքում խփված ամերիկյան ինքնաթիռի օդաչուի՝ Ֆրենսիս Փաուերսի պաշտոնական թարգմանիչն է եղել դատավարության ժամանակ։
Ադամովը մահացել է 2005 թվականի դեկտեմբերի 18-ին, Մոսկվայում։
Ծանոթագրություններ[խմբագրել | խմբագրել կոդը]
- ↑ pron. yos-eef adamof
- ↑ Thatcher, Gary (1986 թ․ հուլիսի 9). «Comrade Joe Adamov tells it all to you». Christian Science Monitor. Վերցված է 2018 թ․ օգոստոսի 22-ին.
- ↑ «Joe Adamov Passed Away». Voice of Russia. 2005 թ․ դեկտեմբերի 21. Արխիվացված է օրիգինալից 2005 թ․ դեկտեմբերի 21-ին. Վերցված է 2018 թ․ օգոստոսի 22-ին.
- ↑ Comrade Joe Adamov tells it all to you // Christian Science Monitor, July 9, 1986
