Ջուդ Բելինգեմ

Վիքիպեդիայից՝ ազատ հանրագիտարանից
Ջուդ Բելինգեմ
անգլ.՝ Jude Bellingham[1]
Քաղաքացիությունը  Միացյալ Թագավորություն
Ծննդյան ամսաթիվ հունիսի 29, 2003(2003-06-29)[2][3] (20 տարեկան)
Ծննդավայր Stourbridge, Dudley, Ուեսթ Միդլանդս, Արևմտյան Միդլենդս, Անգլիա, Միացյալ Թագավորություն[4]
Հասակ 186 սանտիմետր
Դիրք կիսապաշտպան

Ջուդ Վիկտոր Ուիլյամ Բելինգեմ (անգլ.՝ Jude Victor William Bellingham, հունիսի 29, 2003(2003-06-29)[2][3], Stourbridge, Dudley, Ուեսթ Միդլանդս, Արևմտյան Միդլենդս, Անգլիա, Միացյալ Թագավորություն[4]), անգլիացի ֆուտբոլիստ, «Ռեալ Մադրիդ» ակումբի կիսապաշտպան, Եվրոպայի փոխչեմպիոն։

Ակումբային կարիերա[խմբագրել | խմբագրել կոդը]

Բիրմինգեմ Սիթի[խմբագրել | խմբագրել կոդը]

Բելինգեմը «Բիրմինգհեմ Սիթի» ակադեմիային է միացել 8 տարեկան հասակում։ Նորամուտը հիմնական թիմում նշել է 2019 թվականի օգոստոսի 6-ին անգլիական լիգայի գավաթի խաղում։ 16 տարեկան և 38 օրական ֆուտբոլիստը դարձել է ակումբի պատմության մեջ ամենաերիտասարդ խաղացողը[5]։ Օգոստոսի 31-ին «Սթոք Սիթիի» դեմ խաղում Ջուդը գոլ է խփել և դարձել ակումբի պատմության ամենաերիտասարդ գոլի հեղինակը։

Աստիճանաբար ֆուտբոլիստը դարձել է մեկնարկային կազմի խաղացող և օգնել իր ակումբին պահպանել իր տեղը Անգլիայի ֆուտբոլային լիգայի առաջնությունում։ Ընդհանուր առմամբ Բելինգեմը անգլիական ակումբի կազմում անցկացրել է 44 հանդիպում, որոնցում դարձել է 4 գոլի հեղինակ[6]։

«Դորտմունդի Բորուսիա»[խմբագրել | խմբագրել կոդը]

2019/20 մրցաշրջանի կեսին Դորտմունդի «Բորուսիան», անգլիական «Չելսի» և «Մանչեսթեր Յունայթեդ» ակումբները հայտարարել են իրենց հետաքրքրությունը ֆուտբոլիստի նկատմամբ[7]։ Կարմիր Սատանաների նախկին մարզիչ Ալեքս Ֆերգյուսոնը նույնիսկ Բելինգեմին շրջայց է կատարել Կարինգթոնում գտնվող Թրաֆորդի ուսումնական կենտրոն[8]։ Այնուամենայնիվ, հուլիսի 20-ին ֆուտբոլիստը 23 միլիոն եվրոյի դիմաց տեղափոխվել է դորտմունդյան ակումբ և դարձել ֆուտբոլի պատմության մեջ ամենաթանկ 17-ամյա ֆուտբոլիստը։ Բելինգեմը վերցրել է 22 համարի մարզաշապիկը, որի տակ խաղում էր «Բիրմինգհեմում»։

Նա իր նորամուտը նշել է 2020 թվականի սեպտեմբերի 14-ին Գերմանիայի գավաթի խաղարկության ժամանակ՝ դորտմունդյան ակումբի կողմից խաղալով «Դուիսբուրգ» ակումբի դեմ։ Նույն խաղում բացել է հաշիվը։ Բելինգեմը դարձել է ակումբի պատմության ամենաերիտասարդ ռմբարկուն՝ 17 տարեկան և 77 օրական, 5 օր անց՝ սեպտեմբերի 19-ին «Բորուսիա Մյոնխենգլադբախի» դեմ խաղում դարձել է գոլի հեղինակ։

Բելինգեմը սեպտեմբերին Բունդեսլիգայում ճանաչվել է «ամսվա նորեկ»[9]։ Նա Չեմպիոնների լիգայում իր նորամուտը նշել է հոկտեմբերի 20-ին՝ դառնալով մրցաշարի պատմության մեջ ամենաերիտասարդ անգլիացին՝ 17 տարեկանում և 117 օրական[10]։ 2021 թվականի ապրիլի 14-ին նա խփել է իր առաջին գոլն այդ մրցաշարում՝ հաշիվ բացելով «Մանչեսթեր Սիթիի» հետ քառորդ եզրափակչի առաջին խաղում[11]։ Մայիսի 13-ին նա նվաճել է Գերմանիայի գավաթը։ Ակումբը եզրափակչում 4-1 հաշվով հաղթել է «ՌԲ Լայպցիգին»։ Բելինգեմն ընդգրկվել էր մեկնարկային կազմում, 25-րդ րոպեին դեղին քարտ է ստացել, իսկ ընդմիջմանը փոխարինվել[12]։ Դա եղել է իր առաջին գավաթը մեծահասակների կարիերայում։ Հանդես է եկել Անգլիայի երիտասարդական հավաքականներում, եղել է մինչև 15, 16 և 17 տարեկանների հավաքականների ավագը։ 2019 թվականին Անգլիայի Մ 17 հավաքականի կազմում նա մասնակցել է «Syrenka Cup» գավաթի ընկերական մրցաշարին, Բելինգեմի թիմը նվաճել է գավաթը, իսկ ինքը՝ Բելինգեմը ճանաչվել է մրցաշարի լավագույն խաղացողը։

Ազգային հավաքական[խմբագրել | խմբագրել կոդը]

Բելինգեմը խաղացել է Անգլիայի երիտասարդական հավաքականներում, եղել է մինչև 15, 16 և 17 տարեկան հավաքականների ավագ։

2019 թվականին Անգլիայի Մ 17 հավաքականի կազմում նա մասնակցել է «Syrenka Cup» գավաթի ընկերական մրցաշարին, որը նվաճեց իր թիմը, իսկ ինքը՝ Բելինգհեմը, ճանաչվել է մրցաշարի լավագույն խաղացող[13]։

2020 թվականի նոյեմբերի 10-ին առաջին անգամ հրավիրվել է Անգլիայի հիմնական հավաքական։ Նոյեմբերի 13-ին Իռլանդիայի դեմ խաղում նա նշել է նորամուտը։ Բելինգեմը 73-րդ րոպեին փոխարինել է Մեյսոն Մաունտին[14]։

2021 թվականին ընդգրկվել է Անգլիայի հավաքականի կազմում՝ Եվրոպայի առաջնությանը մասնակցելու համար[15]։ Խորվաթիայի դեմ խմբային փուլի առաջին խաղում նա փոխարինման է դուրս եկել 82-րդ րոպեին և ճանաչվել պատմության մեջ ամենաերիտասարդ ֆուտբոլիստը՝ 17 տարեկան և 349 օրական[16]։ Վեց օր անց այդ ռեկորդը գերազանցել է Լեհաստանի ֆուտբոլի ազգային հավաքականի խաղացող Կացպեր Կոզլովսկին, որը նորամուտը նշել էր 17 տարեկան հասակում Եվրոպայի առաջնության ժամանակ[17]։

Ընդհանուր առմամբ Բելինգեմը մրցաշարում անցկացրեց 3 հանդիպում և թիմի հետ նվաճել արծաթե մեդալ։

Նվաճումներ[խմբագրել | խմբագրել կոդը]

«Դորտմունդի Բորուսիա»[խմբագրել | խմբագրել կոդը]

Անգլիայի հավաքական[խմբագրել | խմբագրել կոդը]

  • Եվրոպայի փոխչեմպիոն

Անձնական[խմբագրել | խմբագրել կոդը]

  • Բունդեսլիգայի ամսվա նորեկ (սեպտեմբեր, 2020)
  • Բունդեսլիգայի լավագույն նորեկ (2020/2021)

Ծանոթագրություններ[խմբագրել | խմբագրել կոդը]

  1. ↑ https://usabios.com/sports/jude-bellingham-number-email-and-house-address-stats-worth/
  2. ↑ 2,0 2,1 Transfermarkt.com(բազմ․) — 2000.
  3. ↑ 3,0 3,1 FBref.com(բազմ․)
  4. ↑ 4,0 4,1 4,2 https://www.transfermarkt.co.uk/jude-bellingham/profil/spieler/581678
  5. ↑ «BELLINGHAM CREATES BLUES HISTORY» (անգլերեն). BCFC.com. Արխիվացված է օրիգինալից 2020 թ․ ապրիլի 30-ին. Վերցված է 2021 թ․ հուլիսի 14-ին.
  6. ↑ «BELLINGHAM EXPRESSES HIS GRATITUDE» (անգլերեն) — bcfc.com. Արխիվացված է օրիգինալից 2021 թ․ ապրիլի 30-ին. Վերցված է 23 июля 2020 года-ին.
  7. ↑ «Chelsea open talks to beat Manchester United to potential £50million transfer» (անգլերեն) — caughtoffside.com. Վերցված է 21 марта 2020 года-ին.Կաղապար:Неавторитетный источник
  8. ↑ ««Боруссия» заключила контракт с 17-летним Беллингемом» (ռուսերեն) — sport-express.ru. Վերցված է 20 июля 2020 года-ին.
  9. ↑ «Haaland and Reyna shine as Dortmund youngsters down Gladbach» (անգլերեն) — france24.com. Վերցված է 19 сентября 2020 года-ին.
  10. ↑ «Jude Bellingham became the youngest English player in Champions League history as he started in Borussia Dortmund's 3-1 defeat at Lazio» (անգլերեն) — bbc.com. Վերցված է 20 октября 2020 года-ին.
  11. ↑ «Borussia Dortmund 1-2 Man City (Agg: 2-4): Pep Guardiola reaches first Champions League semi-final with City» (անգլերեն) — skysports.com. Վերցված է 14 апреля 2021 года-ին.
  12. ↑ «Borussia Dortmund teach RB Leipzig's Nagelsmann a lesson in German Cup triumph» (անգլերեն) — www.dw.com. Վերցված է 14 мая 2021 года-ին.
  13. ↑ «Puchar Syrenki U-17: Przegrywamy po karnych z Anglią» (լեհերեն) — junior.weszlo.com. Վերցված է 10 сентября 2021 года-ին.
  14. ↑ «England 3-0 Republic of Ireland: Jack Grealish shines in Wembley friendly win» (անգլերեն) — skysports.com. Վերցված է 13 ноября 2020 года-ին.
  15. ↑ «Euro 2020: Trent Alexander-Arnold named in England's 26-man squad» (անգլերեն) — bbc.com. Վերցված է 1 июня 2021 года-ին.
  16. ↑ «Полузащитник сборной Англии Беллингем — самый молодой игрок в истории Евро» (ռուսերեն) — championat.com. Վերցված է 13 июня 2021 года-ին.
  17. ↑ Steel, Andrew. (2021 թ․ հունիսի 20). «Poland starlet Kozlowski breaks Bellingham's Euros record for youngest-ever player just six days after it was set» (անգլերեն). Goal.com.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Ջուդ Բելինգեմ» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
Ստացված է «https://hy.wikipedia.org/w/index.php?title=Ջուդ_Բելինգեմ&oldid=9404056» էջից