Ջոն Քինգ

Վիքիպեդիայից՝ ազատ հանրագիտարանից
Jump to navigation Jump to search
Ջոն Քինգ
John B. King, Jr.2015.jpg
Ծնվել է1975
ԾննդավայրԲրուքլին, Նյու Յորք, Նյու Յորք, ԱՄՆ
ՔաղաքացիությունFlag of the United States.svg ԱՄՆ
Ազգությունաֆրոամերիկացի
ԿրթությունՀարվարդի համալսարան, Կոլումբիայի համալսարան, Կոլումբիայի համալսարանի մանկավարժական քոլեջ, Եյլի իրավունքի դպրոց և Ֆիլիպսի ակադեմիա
Մասնագիտությունքաղաքական գործիչ
Զբաղեցրած պաշտոններUnited States Secretary of Education?
Քաղաքական կուսակցությունԴեմոկրատական կուսակցություն
John King, Jr. Վիքիպահեստում

Ջոն Բ. Քինգ-մլ. (անգլ.՝ John B. King Jr., 1975, Նյու Յորք), ամերիկացի քաղաքական գործիչ, ԱՄՆ կրթության նախարար Բարակ Օբամայի անձնակազմում։ (2016-2017 թթ.)

Կենսագրություն[խմբագրել | խմբագրել կոդը]

Ջոն Քինգ, կիսով չափ աֆրոամերիկացի, կիսով չափ պուերտոռիկացի։ Ութ տարեկան հասակում կորցրել է մորը (նա մահացել է սրտի կաթվածից), իսկ հայրը տառապում էր Ալցհայմերի հիվանդությամբ և մահացավ, երբ տղան դառնում էր 12 տարեկան։ Արդյունքում Ջոնն ապրել է տարբեր բարեկամների մոտ, բայց ամենից շատ սիրում էր ժամանակ անցկացնել դպրոցում, արդեն լինելով մեծ, երախտագիտություն էր հայտնում այն ուսուցիչներին, ովքեր իր խոսքերով փրկել են իր կյանքը։ Ուսման մեջ հաջողությունների շնորիիվ կրթաթոշակ է ստանում հեղինակավոր մասնավոր միջին դպրոցում Ֆիլիպսի ակադեմիայում (Էնդովեր) սովորելու համար, սակայն ըմբոստանալով խիստ կարգերի դեմ հեռացվել է դպրոցից։




Քինգը ստացել է բակալավրի աստիճան Հարվարդի համալսարանում, իսկ իրավագիտության պրոֆեսորի աստիճան Յեյլի համալսարանում։ Ավարտելով Կոլումբիայի համալսարանի մանակավարժական քոլեջը նա ստանում է կրթության պրոֆեսորի կոչում (Doctor of Education)։

1999  թվականին Բոստոնում Քինգը հիմնում է իր առաջին անկախ դպրոցը պետական ֆինանսավորմամբ, այսպես կոչված «սուբսիդավորվող դպրոց» (charter school), որը մեծ համբավ է ձեռք բերում որպես Մասսաչուսեթսի լավագույն կրթական հաստատություններից մեկը։ Հետագայում որպես Uncommon Schools ընկերության գործադիր տնօրեն, Նյու Յորքում բացում  է ևս մի քանի նմանատիպ դպրոցներ (ընդհանուր առմամբ այդ ասոցիացիան ղեկավարում էր 24 դպրոց, որտեղ անապահով ընտանիքների երեխաները ստանում են անհրաժեշտ պատրաստվածություն քոլեջներ ընդունվելու համար)։ 2011 թվականին գլխավորել է Նյու Յորքի նահանգի կրթության հանձնաժողովը, նոր պաշտոնում զբաղվել է ուսուցիչների աշխատանքի գնահատման նոր համակարգի (Common Core State Standards) ներդրմամբ, որը ենթադրում էր հաշվառում սովորղների ուսումնական առաջադիմության վերաբերյալ և անկախ «պատենտավորված դպրոցների» ցանցի ընդլայնմամբ։ Չկարողանալով հարթեցնել հարաբերությունները պրոֆմիության հետ, 2014 թվականին Նյու Յորքի ուսուցիչների Միությունը պահանջեց իր հրաժարականը։


2015 թվականի հունվարին եղել է ԱՄՆ կրթության նախարար Արնե Դունկանայի տեղակալը։ 2015 թվականի հոկտեմբերի 2-ին վերջինս հայտարարել է, որ տարվա վերջում կթողնի պաշտոնը և նախագահ Օբաման անմիջապես նշանակեց Ջոնի Քինգին նախարարի պաշտոնակատար Դունկանի հեռանալուց հետո, առանց պաշտոնական նշանակման, մինչև նախագահական լիազորությունների ժամկետի ավարտը[1]: 2016 թվականի հունվարի 1-ից Քինգը սկսում է կատարել նախարարի պարտականությունները, իսկ փետրվարին՝ Օբաման  իր նախնական նշանակությունների շրջանում առաջադրում է իր թեկնածությունը նախարարի պաշտոնում, իսկ 2016 թվականի մարտի 14-ին սենատը մեծամասնության 49 և 40 դեմ ձայներով հաստատում է այդ նշանակությունը (այդ թվում 7 հանրապետականներ կողմ են քվեարկել)[2]:

Անձնական կյանք[խմբագրել | խմբագրել կոդը]

Բոստոնում աշխատելու ժամանակաշրջանում Քինգը ծանոթացել է Ուիլիամի քոլեջի (Williams College) շրջանավարտ և մանկապարտեզի դաստիարակ Մելիսա Ստիլի հետ։ Նա տեղափոխվեց Բոստոն և արդյունքում զույգերը ունեցան երկու աղջիկ[3]:

Ծանոթագրություններ[խմբագրել | խմբագրել կոդը]

  1. Beth Fertig (2015-10-02)։ «Meet The Next Secretary Of Education»։ NPR։ Վերցված է 2016-05-18 
  2. Emma Brown (2016-03-14)։ «In bipartisan move, Senate confirms John King Jr. as U.S. Education Secretary»։ The Washington Post։ Վերցված է 2016-05-22 
  3. Greg Toppo (2016-02-07)։ «Acting Ed. Secretary: Educators 'unfairly blamed' for schools' challenges»։ USA Today։ Վերցված է 2016-05-22 

Արտաքին հղումներ[խմբագրել | խմբագրել կոդը]