Ջիմ Ռիշ

Վիքիպեդիայից՝ ազատ հանրագիտարանից
Jump to navigation Jump to search
Ջիմ Ռիշ
անգլ.՝ Jim Risch
Jim Risch official portrait.jpg
Ծնվել էմայիսի 3, 1943(1943-05-03)[1] (76 տարեկան)
ԾննդավայրՄիլուոքի, Վիսկոնսին, ԱՄՆ
ՔաղաքացիությունFlag of the United States.svg ԱՄՆ
Կրոնկաթոլիկություն և ռոմանական կաթոլիկ
ԿրթությունUniversity of Idaho?, Վիսկոնսին-Միլուոկի համալսարան[2] և University of Idaho College of Law?[2]
Մասնագիտությունքաղաքական գործիչ
ԱմուսինVicki Risch?
Զբաղեցրած պաշտոններԱՄՆ սենատոր, member of the State Senate of Idaho?[2], Governor of Idaho?, Lieutenant Governor of Idaho?[2], դատախազ[2], Majority leader?[2], President pro tempore?[2], ԱՄՆ սենատոր[2], ԱՄՆ սենատոր[2], ԱՄՆ սենատոր[2], ԱՄՆ սենատոր[2] և ԱՄՆ սենատոր[2]
Քաղաքական կուսակցությունԱՄՆ Հանրապետական կուսակցություն
Կայքrisch.senate.gov[3]
Ստորագրություն
Jim Risch signature.png
Jim Risch Վիքիպահեստում

Ջեյմս (Ջիմ) Էլրոյ Ռիշ (անգլ.՝ James Elroy Risch, մայիսի 3, 1943(1943-05-03)[1], Միլուոքի, Վիսկոնսին, ԱՄՆ), ԱՄՆ սենատոր Այդահո նահանգից, Այդահո նահանգի 31-րդ նահանգապետ:

Կենսագրություն[խմբագրել | խմբագրել կոդը]

Ջեյմս Էլրոյ Ռիշը ծնվել է Վիսկոնսին նահանգի մայրաքաղաք Միլուոքիում: Նրա հոր՝ Էլրոյ Ռիշի նախնիները եղել են գերմանացիներ, իսկ մոր՝ Հելեն Լեվիի նախնիները եղել են շոտլանդացիներ և անգլիացիներ[4]:

1961 թ.-ից 1963 թվականները Ռիշը սովորել է Միլուոքի համալսարանում: Հետագայում նա տեղափոխվում է Այդահոյի համալսարան, որտեղ դառնում է Phi Delta Theta ուսանողների եղբայրության անդամ: 1965 թվականին նա ստացել է անտառային տնտեսության մասնագետի բակալավրի աստիճան: Ռիչը կրթուությունը շարունակել է նույն համալսարանի փաստաբանական քոլեջում: 1968 թվականին նա ստացել է փաստաբանական գիտությունների դոկտորի աստիճան:

Քաղաքական կարիերա[խմբագրել | խմբագրել կոդը]

Ռիշի քաղաքական կարիերան սկսվել է 1970 թվականին, երբ նա Էյդա շրջանում հաղթեց դատախազի ընտրություններում: Այդ պաշտոնում գտնվելու շրջանում Ռիշը նաև քրեական դատավարություն է դասավանդել Բոյսեի համալսարանում և գլխավորել է Այդահոյի դատախազների ասոցացիան:

1974 թվականին Ռիշը Էյդայի շրջանից ընտրվում է Այդահոյի սենատ: 1976 թվականին դարձավ մեծամասնության առաջնորդ: 1988 թվականին նրան հաջողվեց վերընտրվել: 1995 թ.-ին ևս նա ընտրվում է նույն պաշտոնում:

2001 թվականի հունվարին Ռիշը մտադիր էր զբաղեցնել նահանգի փոխնահանգապետի պաշտոնը, որն ազատվել էր Բուտչ Օթթերի ԱՄՆ Ներկայացուցիչների պալատի անդամ ընտրվելուց հետո: Միաժամանակ նահանգապետ Դիրք Քեմփթորնը նրա փոխարեն այդ պաշտոնում նշանակեց Այդահոյից ընտրված սենատոր Ջեք Ռիգսին: Բայց արդեն 2002 թվականին Ռիշին հաջողվեց հաղթել Ռիգսին հանրապետական փրայմերիզի ժամանակ և հետագայում դառնալ փոխնահանգապետ:

2006 թվականի մայիսի 26-ին, այն բանից հետո երբ Քեմփթրոնը ԱՄՆ ներքին գործերի նախարարի պաշտոնից թոշակի անցավ Ջիմ Ռիշը դարձավ Այդահոյի նահանգապետ:

2007 թվականի հոկտեմբերի 9-ին Ռիշը հայտարարեց, որ ցանկացել է զբաղեցնել Այդահոյի սենատորի թափուր տեղը[5]: 2008 թվականի մայիսին նա ընտրվում է որպես հանրապետական կուսակցության թեկնածու: Նրա հակառակորդն էր Լարրի ԼաՌոկկոն: Ռիշը հավաքելով 58 % քվե հաղթում է: Իր փոխնահանգապետի ժամկետի ավարտից երեք օր առաջ Ռիշը անցնում է թոշակի, որպեսզի 2009 թվականի հունվարի 3-ին զբաղեցնի սենատորի պաշտոնը:

Ծանոթագրություններ[խմբագրել | խմբագրել կոդը]