Անտառային տնտեսություն

Վիքիպեդիայից՝ ազատ հանրագիտարանից
Jump to navigation Jump to search
Quercus suber corc.JPG

Անտառային տնտեսություն (անտառտնտեսություն), արտադրության բնագավառ, որն իրականացնում է անտառների կայուն կառավարումը՝ անտառապահպանությունը, անտառապաշտպանությունը, անտառվերականգնումը, անտառապատումը, անտառգույքագրումը, անտառի արդյունավետության բարձրացումը և արդյունավետ անտառօգտագործումը՝ պահպանելով անտառների կենսաբազմազանության ինքնավերականգնման կարողությունը և ապահովելով անտառների բնապահպանական, սոցիալական ու տնտեսական ներուժի արդյունավետ օգտագործումը ներկա և ապագա սերունդների համար։

Անտառային տնտեսությունները վարում են անտառշինական նախագծերով նախատեսված համալիր միջոցառումներով։ Անտառային տնտեսության գործառույթներից է նաև անտառային տարածքներում բնապահպանական պահանջների պահպանության հսկողության ապահովումը՝ անտառխախտումների արձանագրման, ապօրինի անտառային պաշարների առգրավման, խախտումների նկատմամբ տարբեր պատժամիջոցների (տուգանքներ, վնասի հատուցում, վարչական և քրեական պատասխանատվություն) կիրառման միջոցով։ Անտառային տնտեսությունների համակարգը ղեկավարում է «Հայանտառ» կազմակերպությունը, որի կազմում կա 24 անտառային տնտեսություն (2005)։ Անտառային տնտեսությունները համապատասխան մասնագիտացված ծառայությունների միջոցով հաստատած ծրագրերով իրականացնում են անտառտնտեսվարման աշխատանքներ։

ՀՀ-ում առաջին անտառային տնտեսությունը կազմակերպվել է 1924 թվականին՝ Հրազդանի շրջանում, (այժմ՝ Կոտայքի մարզում

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png