Ջիա Խան

Վիքիպեդիայից՝ ազատ հանրագիտարանից
Jump to navigation Jump to search
Ջիա Խան
Jiah Khan walks the ramp for Cotton Council show (9).jpg
Ծննդյան թիվ՝փետրվարի 20, 1988(1988-02-20)[1]
Ծննդավայր՝Նյու Յորք, Նյու Յորք, ԱՄՆ
Վախճանի թիվ՝հունիսի 3, 2013(2013-06-03)[2][1] (25 տարեկան)
Վախճանի վայր՝Մումբայ, Հնդկաստան
Քաղաքացիություն՝Flag of the United States.svg ԱՄՆ
Flag of India.svg Հնդկաստան
Մասնագիտություն՝դերասանուհի, երգչուհի և մոդել
IMDb։ID 2318317
therealjiahkhan.com

Նաֆիսա «Ջիա» Խան (հինդի՝ नफीसा «जिया» खान, փետրվարի 20, 1988(1988-02-20)[1], Նյու Յորք, Նյու Յորք, ԱՄՆ - հունիսի 3, 2013(2013-06-03)[2][1], Մումբայ, Հնդկաստան), հնդիկ դերասանուհի և երգչուհի։ Իր կարիերայի ընթացքում հասցրել է նկարահանվել ընդամենը 3 ֆիլմում, որոնցից երկուսը վարձույթում վաստակել են ավելի քան 1 մլրդ ռուփի։ Իր առաջին դերի համար առաջադրվել է Filmfare Award մրցանակի` Լավագույն կանացի դեբյուտ անվանակարգում:

Կենսագրություն[խմբագրել | խմբագրել կոդը]

Նաֆիսա Խանը (իսկական անունը՝ Ջիա) ծնվել է 1988 թվականի փետրվարի 20-ին, Նյու Յորքում՝ Ալի Ռիզվի Խանի և դերասանուհի Ռաբիա Ամինի ընտանիքում։ Հետագայում նրա ծնողները բաժանվել են։ Մոր հաջորդ ամուսնությունից Ջիան երկու կրտսեր քույր ուներ՝ Կավիտան և Կարիշման[3]։

Դերասանուհի դառնալը Ջիայի երազանքն է եղել վեց տարեկանից, երբ նա դիտել է «Ուրախ մարը» ֆիլմը, որում խաղում էր Ուրմիլա Մատոնդկարը։ Խանը որպես կեղծանուն օգտագործել է Ջիա անունը՝ ի պատիվ «Ջիա» (1998) ֆիլմում Անջելինա Ջոլիի հերոսուհու[4]։

2004 թվականին, տասնվեց տարեկանում, նա հավակնում էր խաղալ Tumsa Nahin Dekha ֆիլմի գլխավոր դերում, սակայն տարիքի պատճառով չի անցել քասթինգը, և նրան փոխարինել է Դիյա Միրզան։ Երկու տարի անց նորամուտը նշել է «Հեշտ չէ հավատալ սիրուն» ֆիլմում` չնայած դրա սադրիչ համատեքստին։ Ֆիլմը ձախողվել է վարձույթում, սակայն նրա դերը արժանացել է քննադատների գովասանքին[5]։

2008 թվականին թողարկվել է «Գաջինի» ֆիլմը, որտեղ նա խաղացել է գլխավոր հերոսի պատմությունն ուսումնասիրող բժշկական քոլեջի ուսանողուհու դերը, և որը դարձել էր Հնդկաստանի այդ տարվա տարվա և կինեմատոգրաֆի ամենահասութաբեր ֆիլմն այդ պահին[6]։

2010 թվականին Խանը գրեթե ավարտել է նկարահանումները «Պարիր հանուն շանսի» ֆիլմում, որտեղ նրա գործընկերը պետք է դառնար Շահիդ Կապուրը, սակայն հեռացել է նախագծից, և նրան փոխարինել է Ժենելիա Դե Սոուզան։ Նույն տարում թողարկվել է նրա վերջին` «Լիքը տունը» Ֆիլմը, որտեղ նա խաղում է գլխավոր հերոսի նախկին կնոջ դերը։ Ֆիլմը բացասական արձագանքներ է ստացել քննադատների կողմից, սակայն կոմերցիոն հաջողություն է ունեցել։ Նա համաձայնություն է տվել նաև մի քանի ֆիլմերում մասնակցելու համար, որոնցից էր Aap Ka Saaya-ն, որտեղ պետք է խաղար Ռանբիր Կապուրի կնոջ դերը, ֆիլմը, սակայն, այդպես էլ չի ավարտվել[7]։

Ֆիլմագրություն[խմբագրել | խմբագրել կոդը]

Իր կյանքի ընթացքում դերասանուհին նկարահանվել է միայն երեք ֆիլմերում:


Տարի Հայերեն անվանում Բնօրինակ անվանում Դեր
2007 ֆ Հեշտ չէ հավատալ սիրուն Nishabd Ջիա
2008 ֆ Գաջինի Ghajini Սունիտա
2010 ֆ Լիքը տուն Housefull Դևիկա Սամտանի

Անձնական կյանք[խմբագրել | խմբագրել կոդը]

Դերասանուհու վերջին ընկերը, որի հետ նա սկսել է հանդիպել 2012 թվականի սեպտեմբերին, Սուրաջ Պանչոլին էր՝ հնդիկ դերասաններ Ադիտա Պանչոլիի և Զարինա Վահաբի որդին։

Մահ[խմբագրել | խմբագրել կոդը]

25-ամյա Ջիան 2013 թվականի հունիսի 3-ին կախվել է Ջուհուի (Մումբայ, Հնդկաստան) իր տանը և մահացած է հայտնաբերվել իր մոր կողմից՝ երեկոյան ժամը 11:23-ին[8]։

Դատական փորձաքննությունը ցույց է տվել, որ աղջկա արյան մեջ ալկոհոլ է եղել։

Մի քանի օր անց հայտնաբերվել է դերասանուհու` ինքնասպանությունից առաջ գրած վեց էջանոց գրությունը։ Դրանում Ջիան դիմել է անհայտ տղամարդու՝ խոստովանելով, որ սիրում է նրան և բողոքելով նրա վատ վերաբերմունքից։

Այն բանից հետո, երբ Ջիայի մայրը հրապարակել է այդ գրությունը, 2013 թվականի հունիսի 10-ին Սուրաջ Պանչոլին կալանավորվել է` ինքնասպանության հասցնելու մեղադրանքով[9] և բանտում անցկացնելով 21 օր, ազատ է արձակվել 50 հազար ռուփի գրավի դիմաց[10]։

2013 թվականի հոկտեմբերին Ջիայի մայրը հայտարարել է, որ իր դուստրը սպանվել է «իրեն շատ մոտ ինչ-որ մեկի կողմից», և հրապարակել էր անկախ բժշկական փորձաքննության եզրակացությունը, որում նշվում էր «մեծ հավանականության» մասին, որ դերասանուհու մահը «կախաղանի միջոցով սպանություն էր»:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Find a Grave — 1995.
  2. 2,0 2,1 2,2 Bollywood actor Jiah Khan commits suicide
  3. Farhana Farook (2013-07-09)։ «"I know Jiah is in a safe place now" - Rabia Khan» (անգլերեն)։ Filmfare։ Վերցված է 2014-09-05 
  4. «Had destiny sealed Jiah Khan’s fate the day she renamed herself?» (անգլերեն)։ Zee Media։ 4 June 2013։ Վերցված է 2014-09-05 
  5. «Nishabd is a total loss»։ Rediff.com։ 2007-03-05։ Վերցված է 2013-06-04 
  6. «Box Office 2008»։ Box Office India։ Վերցված է 2013-06-04 
  7. «Bollywood actor's movies after demise- Scoopwhoop»։ Scoopwhoop.com։ 2016-03-21 
  8. «Failing career, troubled love life killed 25-year-old Jiah Khan?» (անգլերեն)։ Hindustan Times։ 2013-05-06։ Արխիվացված է օրիգինալից 2013-06-06-ին։ Վերցված է 2014-09-05 
  9. Singh Vijay V (11 June 2013)։ «Aditya Pancholi's son Suraj held for abetting Jiah Khan's suicide» (անգլերեն)։ The Times of India։ Վերցված է 2014-09-05 
  10. «HC grants Suraj Pancholi bail, downplays Jiah Khan letter» (անգլերեն)։ DNA։ 2 July 2013։ Վերցված է 2014-09-05 

Արտաքին հղումներ[խմբագրել | խմբագրել կոդը]