Պրիտիպալ Սինգհ
| Պրիտիպալ Սինգհ | |
|---|---|
 | |
| Անձնական տեղեկություն | |
| Սեռ՝ | արական |
| Մասնագիտացում՝ | field hockey player |
| Երկիր՝ |  Հնդկաստան,  Բրիտանական Հնդկաստան և Հնդկաստանի տիրապետություն |
| Ծննդյան ամսաթիվ՝ | հունվարի 28, 1932 |
| Ծննդավայր՝ | Nankana Sahib, Lahore Division, Փանջաբ, Բրիտանական Հնդկաստան, Բրիտանական կայսրություն |
| Մահվան ամսաթիվ՝ | մայիսի 20, 1983 (51 տարեկան) |
| Մահվան վայր՝ | Լուդհիանա, Patiala division, Փենջաբ, Հնդկաստան |
| 175 սանտիմետր | |
Պարգևներ | |
Պրիտիպալ Սինգհ (Prithipal Singh. հունվարի 28, 1932, Nankana Sahib, Lahore Division, Փանջաբ, Բրիտանական Հնդկաստան, Բրիտանական կայսրություն - մայիսի 20, 1983, Լուդհիանա, Patiala division, Փենջաբ, Հնդկաստան[2]), հնդիկ մականորդ։ Օլիմպիական խաղերի եռակի մեդալակիր։
Պրիտիպալը սիկհ էր։ Մասնակցել է միմյանց հաջորդած երեք օլիմպիդաների՝ (1960, 1964, 1968 թթ.)՝ յուրաքանչյուրում մեդալ նվաճելով։ Մեկական ոսկե, արծաթե և բրոնզե մեդալի իր հավաքածուով նա օլիմպիական խաղերի պատմության մեջ ամենահաջողակ մականորդներից մեկն է համարվում։ Բացի այդ, 1962 թվականի ասիական խաղերի արծաթե մեդալակիր է և 1966 թվականի այդ խաղերի ոսկե մեդալակիր։ Սինգհը հանդես է եկել պաշտպանական դիրքում, սակայն, տիրապետելով հուժկու հարվածների, հաճախ մասնակցել է նաև իր թիմի գրոհներին, աչքի ընկել որպես գոլահար, ճանաչվել մի շարք հեղինակավոր մրցաշարերի ռմբարկու[3]։ Օլիմպիական խաղերում ընդհանուր առմամբ դարձել է 22 գոլի հեղինակ։ Ընդ որում՝ գոլերի մեծ մասը խփել է կարճ անկյունայինի հմուտ խաղարկման և 11 մետրանոցների դիպուկ իրացման շնորհիվ։ Ազգային հավաքականում իր նորամուտը նշել է 1958 թվականին։ Որոշ ժամանակ անց դարձել է թիմի ավագ[4]։
Իր ձեռքբերումների համար Պրիտիպալ Սինգհը 1961 թվականին արժանացել է Արջունա մրցանակի[5] 1967 թվականին՝ Պադմա Շրի շքանշանի։
Սինգհը նաև գյուղատնտես-գիտնական էր և դասախոս։ Նրան համալսարանի տարածքում սպանել է իր ուսանողներից մեկը[6]։
Կինոռեժիսոր Բաբիթա Փուրին 2015 թվականին փաստա-դրամատիկական ֆիլմ է նկարահանել Պրիտիպալ Սինգհի մասին[7][8]։
Ծանոթագրություններ[խմբագրել | խմբագրել կոդը]
- ↑ 1,0 1,1 https://web.archive.org/web/20210101021344/https://www.hockeyindia.org/hall-of-fame/arjuna-award
- ↑ Prithipal Singh Biography and Olympic Results (անգլերեն)
- ↑ Torschützenliste 1968 bei Olympedia.org, abgerufen am 2. Februar 2021
- ↑ «sikhhockeyolympians.com». Արխիվացված է օրիգինալից 2011 թ․ հուլիսի 16-ին. Վերցված է 2024 թ․ փետրվարի 9-ին.
- ↑ «List of Arjuna Awardees» (PDF). yas.nic.in (անգլերեն).
- ↑ Porträt bei www.sikhsinhockey.com, abgerufen am 2. Februar 2021
- ↑ «YouTube». YouTube. Վերցված է 2021 թ․ հունիսի 16-ին.
- ↑ «Prithipal Singh». Վերցված է 2020 թ․ ապրիլի 17-ին.