Պուեբլայի երկրաշարժ (2017)
| Պուեբլայի երկրաշարժ | |
|---|---|
 | |
 | |
| Տեսակ | երկրաշարժ |
| Երկիր |  Մեքսիկա |
| Տեղանք | Պուեբլա դե Սարագոսա |
| Տարեթիվ | 2017 թվականի սեպտեմբերի 19 ժամը 13:14 |
| Մագնիտուդ ռիխտերի սանդղակով | 7,1 Mw |
| Տուժած երկրներ (տարածաշրջաններ) | Մեքսիկա |
| Զոհվածներ | 248 + |
| Վիրավորներ | 2633 |
 2017 Puebla earthquake Վիքիպահեստում | |
Պուեբլայի երկրաշարժ (իսպ.՝ Terremoto de Puebla), 7,1 մագնիտուդ ուժգնությամբ երկրաշարժ, որը տեղի է ունեցել 2017 թվականի սեպտեմբերի 19-ին Մեքսիկայի կենտրոնական հատվածում՝ Պուեբլա դե Սարագոսա քաղաքի մոտ։ Երկրաշարժի էպիկենտրոնը գտնվել է քաղաքից 55 կիլոմետր դեպի հարավ, իսկ Մեխիկոյից՝ 120 կիլոմետր հեռավորության վրա։ Երկրաշարժը տեղի է ունեցել տեղի ժամանակով ժամը 13:14-ին (Երևանի ժամանակով ժամը 22:14-ին): Երկրաշարժը մեծ ավերածություններ է առաջացրել Պուեբլա և Մորելոս նահանգներում, ինչպես նաև Մեխիկոյի ագլոմերացիայում[1][2][3]։ Երկրաշարժի արդյունքում զոհվել է ավելի քան 248 մարդ[4]։
Երկրաշարժը տեղի է ունեցել սեպտեմբերի 19-ին։ 32 տարի առաջ հենց այդ օրը Մեքսիկայում տեղի էր ունեցել մեկ այլ ավերիչ երկրաշարժ, որի ժամանակ զոհվել էր ավելի քան 10 000 մարդ[5][6]։
«Reuters» լրատվական գործակալությունը տարածել է հաղորդագրություն, համաձայն որի մայրաքաղաք Մեխիկոյում զոհերի թիվը հասել է 117-ի։ Քաղաքապետի խոսքերով, 44 շենքեր խիստ վնասվել են կամ փլուզվել, այդ թվում դպրոցներ և բնակելի շենքեր[7]։
Վերջին երկու շաբաթների ընթացքում սա երկրորդ ավերիչ երկրաշարժն էր, որը տեղի է ունեցել Մեքսիկայում։ Առաջինը տեղի էր ունեցել Չիապասում, որի ժամանակ զոհվել էր առնվազն 33 մարդ։
Երկրաշարժի օջախը եղել է 51 կիլոմետր խորության վրա։ Ստորգետնյա ցնցման ուժգնությունը էպիկենտրոնում եղել է 8-9 բալ[8]։ «The Guardian»-ի փոխանցմամբ, զոհերի թիվը հասել է առնվազն 248-ի, որոնցից 22-ը դպրոցականներ են[9]։
Մեքսիկայի նախագահ Էնրիկե Պենիա Նիետոն հայտարարել է, որ դպրոցներից մեկի փլատակների տակից դպրոցականների 22 դիեր են հայտնաբերվել։ Եվս 30-ը համարվում են անհետ կորած[10]։ «CNN»-ի փոխանցմամբ, ամբողջ գիշեր մարդիկ ձեռքերով փորել են, հեռացրել քարերը՝ հույս ունենալով, որ կարող են փրկել մարդկանց[11]։
Ծանոթագրություններ[խմբագրել | խմբագրել կոդը]
- ↑ «M 7.1 - 5km ENE of Raboso, Mexico»։ United States Geological Survey։ սեպտեմբերի 19, 2017։ Վերցված է սեպտեմբերի 19, 2017
- ↑ Almasy Steve, Simon Darran (սեպտեմբերի 19, 2017)։ «Central Mexico earthquake kills dozens, topples buildings»։ CNN։ Վերցված է սեպտեմբերի 19, 2017
- ↑ «Mueren 4 tras sismo; caen 29 edificios»։ Reforma։ սեպտեմբերի 19, 2017։ Վերցված է սեպտեմբերի 19, 2017
- ↑ «Более 240 человек погибли в результате сильного землетрясения в Мексике»։ DW։ 2017-09-20։ Վերցված է 2017-09-20
- ↑ «Powerful Earthquake Shakes Mexico On 32nd Anniversary Of Deadly Temblor»։ NPR։ սեպտեմբերի 19, 2017։ Վերցված է սեպտեմբերի 19, 2017
- ↑ «Starkes Erdbeben erschüttert Mexiko» [Strong earthquake shakes Mexico] (գերմաներեն)։ Tagesschau։ սեպտեմբերի 19, 2017։ Վերցված է սեպտեմբերի 19, 2017
- ↑ «Հզոր երկրաշարժ Մեքսիկայում․ առնվազն 226 մարդ զոհվել է»։ «Ազատ Եվրոպա/Ազատություն» ռադիոկայան։ Վերցված է 2017-09-20
- ↑ «Երկրաշարժ Մեքսիկայում. 30 երեխա համարվում է անհետ կորած. թարմացված» (հայերեն)։ Վերցված է 2017-09-20
- ↑ Agren David, Angeles Nina Lakhani Rory Carroll in Los, Jones Sam (2017-09-20)։ «At least 225 dead after powerful earthquake hits central Mexico»։ The Guardian (en-GB)։ ISSN 0261-3077։ Վերցված է 2017-09-20
- ↑ «Huge quake kills more than 200 in Mexico»։ BBC News (en-GB)։ 2017-09-20։ Վերցված է 2017-09-20
- ↑ CNN Nicole Chavez,։ «Mexico earthquake: A rush to save lives amid 'new national emergency'»։ CNN։ Վերցված է 2017-09-20