Պիոների ջութակը
 ռուս.՝ Скрипка пионера | |
|---|---|
| Տեսակ | մուլտֆիլմ |
| Ժանր | մանկական ֆիլմ և ռազմական ֆիլմ |
| Ռեժիսոր | Բորիս Ստեպանցև |
| Սցենարիստ | Յուրի Յակովլև |
| Բեմադրող նկարիչ | Անատոլի Սավչենկո |
| Երաժշտություն | Միխայիլ Զիվ |
| Օպերատոր | Միխայիլ Դրույան |
| Երկիր |  ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Թվական | 1971 |
«Պիոների ջութակը» (ռուս.՝ «Скрипка пионера»), խորհրդային նկարված մուլտֆիլմ, որ ստեղծվել է ռեժիսոր Բորիս Սպետանցևի կողմից 1971 թվականին։
Սյուժե
[խմբագրել | խմբագրել կոդը]Մուլտֆիլմը նվիրված է Հայրենական մեծ պատերազմի իրադարձություններին։ Այն պատմում է պատանի պիոների սխրանքի մասին, որը կյանքը տալիս է հանուն հայրենիքի։
Գերմանացի նվաճողների հարձակումն ուղեկցվում է Գերմանիայում մեծ ժողովրդականություն վայելող «Ա՜խ, իմ սիրելի Ավգուստին» երգի լեյտմոտիվով, որը շրթհարմոնով կատարում է նրանցից մեկը՝ գերմանացի գնդացրորդը տանկի վրա։ Նա փորձում է պատանի հայրենասերին ստիպել նվագակցել իրեն ջութակով։ Դրան ի պատասխան պատանին սկսում է նվագել «Ինտերնացիոնալը» և զոհվում՝ խոցվելով ֆաշիստի գնդացրի համազարկով։ Ֆիլմի վերջում խորհրդային պիոներները խոնարհում են իրենց գլուխներն ի հիշատակ պատանի հերոսի։
Նախատիպ
[խմբագրել | խմբագրել կոդը]Թեև պաշտոնապես հաստատված չէ, բայց մուլտֆիլմը հավանաբար ոգեշնչվել է հերոս պիոներ Մուսյա Պինկենզոնի մահից, որն իր ընտանիքի հետ գնդակահարվել է գերմանացիների կողմից 1942 թվականի նոյեմբերին․ մահապատժից առաջ 11-ամյա Պինկենզոնն իր ջութակով նվագել է «Ինտերնացիոնալը», ինչի համար անմիջապես տեղում սպանվել է։
Վերաթողարկում
[խմբագրել | խմբագրել կոդը]2000-ական թվականներին VHS-ով թողարկվել է «Պիոներիա երկիր» հավաքածուում նույն ստուդիայի կողմից՝ «Կարմիր փողկապների արկածները», «Сказка о Мальчише-Кибальчише», «Արծվի ձագը», «Երգ պատանի թմբկահարի մասին» և «Ավրորա» մուլտֆիլմերի հետ միասին։
Թեմատիկ ցուցադրություններ
[խմբագրել | խմբագրել կոդը]- 2008 — ցուցադրվել է «КИНОТЕАТР.DOC» նախագծում՝ «Արխիվ։ 1960-1980-ական թվականների խորհրդային մուլտֆիլմերը Հայրենական մեծ պատերազմի մասին» սեանսում»[1],
- 2015 — Մայիսի կինոցուցադրություն «Нагорная» պատկերասրահում, ցուցադրության թեման՝ Մուլտիպլիկացիան և պատերազմը, հերոս պիոներներ, հանդիսատեսը՝ մանկապարտեզի նախապատրաստական խումբ և կրտսեր դպրոցականներ[2]։
Ծանոթագրություններ
[խմբագրել | խմբագրել կոդը]- ↑ Советские мультфильмы 1960-80-х годов о Великой Отечественной войне.16.05.2008
- ↑ «Кинопоказы мая в галерее «Нагорная»». Արխիվացված է օրիգինալից 2016 թ․ դեկտեմբերի 22-ին. Վերցված է 2019 թ․ ապրիլի 17-ին.
Արտաքին հղումններ
[խմբագրել | խմբագրել կոդը]- Պիոների ջութակը մուլտֆիլմը «Անիմատոր.ռու» կայքում
- Պիոների ջութակը Արխիվացված 2019-04-17 Wayback Machine
|
