Չիչկան

Անվան այլ կիրառումների համար տե՛ս՝ Չիչխան (այլ կիրառումներ)

Չիչկան
Բնութագիր
Երկարություն	29 կմ
Ավազանի մակերես	192 կմ²
Ջրի ծախս	1,74 մ³/վ
Ջրահոսք
Ակունքի տեղակայում	Շիրակի լեռնաշղթա
Գետաբերանի տեղակայում	Փամբակ
Կոորդինատներ	40°51′17″ հս․. լ. 44°11′05″ ավ. ե.
Տեղակայում
Հոսող հոսքեր	Բարակձոր, Շնագայլ, Մասրաջուր, Տոպար, Քարաղբյուր և Քողտիկ
Երկիր	Հայաստան
Երկրամաս	Շիրակի մարզ և Լոռու մարզ

Չիչկան, Չաչխան, Չիչխան, գետ Հայաստանի Շիրակի և Լոռու մարզերում, Փամբակի ձախ վտակը։ Սկիզբ է առնում Շիրակի լեռնաշղթայի հյուսիսարևելյան լանջերից՝ 2250 մ բարձրությունից։ Երկարությունը 29 կմ է, ջրհավաք ավազանը՝ 192 կմ²։ Վերին հոսանքում հոսում է ընդարձակ գետահովտով։ Թռչկանի ջրվեժից ներքև ընդունում է կիրճի տեսք և բացվում Շիրակամուտ գյուղի շրջանում։ Սնումը հալոցքային (42 %) և ստորերկրյա (35 %) է, վարարումը՝ մարտ-հունիսին, որի ընթացքում ձևավորվում է տարեկան հոսքի 62 %-ը։ Տարեկան միջին ծախսը 1,74 մ³/վ է։ Ջրերն օգտագործվում են ոռոգման նպատակով հատկապես Շիրակամուտի ջրանցքով, որը 1988 թվականի Սպիտակի երկրաշարժից հետո փլվածքներից փակվել էր։ 1993 թ. այն մաքրվեց և ջրանցքը կրկին սկսեց գործել։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 51)։