Օշին Չիլինգիր
Օշին Չիլինգիր | |
---|---|
Ծնվել է | 1945 |
Ծննդավայր | Դիարբեքիր, Թուրքիա |
Մասնագիտություն | գրող և հրապարակախոս |
Լեզու | թուրքերեն և հայերեն |
Քաղաքացիություն | ![]() |
Կրթություն | Ստամբուլի տեխնիկական համալսարան (1969) |
Օշին Չիլինգիր, (թուրքերեն՝ Oşin Çilingir, 1945, Դիարբեքիր, Թուրքիա - հունվարի 10, 2021, Ստամբուլ, Թուրքիա), հայ գրող, հրապարակախոս։
Կրթություն
[խմբագրել | խմբագրել կոդը]Ծնվել է 1945 թվականին, Դիարբեքիրի Ֆաթիհ Փաշա թաղամասում։ Մանկությունն անց է կացրել Հանչեփեք թաղամասում։ 1957 թվականին ավարտել է Սուլեյման Նազիֆի անվան նախակրթարանը։ Նույն տարում ընտանիքի հետ միասին փոխադրվել է Ստամբուլ։ 1963 թվականին ավարտել է Դպրեվանքի Սուրբ Խաչ հայկական վարժարանը, իսկ 1969 թվականին՝ Ստամբուլի տեխնիկական համալսարանի հանքարդյունաբերության ֆակուլտետը։
Գործունեությունը
[խմբագրել | խմբագրել կոդը]Հանքային ինժեների մասնագիտությամբ աշխատել է մի շարք կազմակերպություններում։ Զուգահեռաբար թղթակցել է տարբեր թերթերի, այդ թվում՝ «Ակօս» շաբաթաթերթին։ Եղել է Հրանտ Դինքի մտերիմ բարեկամը։ Դինքի սպանությունից որոշ ժամանակ անց՝ 2007 թվականի փետրվարի 16-ին, նա հոդված է հրապարակում, որտեղ Հրանտ Դինքին համեմատում է «Միություն և առաջադիմություն» կուսակցության կողմից սպանված մտավորականներից փաստաբան, գրող և պատգամավոր Գրիգոր Զոհրապի հետ[1][2]։
Աչքի է ընկել իր ձախակողմյան հայացքներով։ 1980-ական թվականների սկզբին «Ջիհան Աթեշ» կեղծանվամբ թղթակցել է «Դեմոկրատ» թերթին, իսկ որոշ հոդվածների տակ ստորագրում էր «Յալչըն Չիլինգիր»։
2002 թվականին «Արաս» հրատարակչությունը հրատարակել է նրա «Մեր միջի սև անցքը» գիրքը։
Վախճանվել է 2021 թվականի հունվարի 10-ին։
Ծանոթագրություններ
[խմբագրել | խմբագրել կոդը]
|