Արման Չիլինգարյան
![]() | |
---|---|
![]() | |
Ծնվել է | հոկտեմբերի 22, 1975 (48 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Կրթություն | Վ․ Բրյուսովի անվան պետական համալսարան (1997) |
Քաղաքացիություն | ![]() |
Մասնագիտացում | ռեժիսոր և դասախոս |
IMDb | ID ID 7681103 |
Արման Սմբատի Չիլինգարյան (հոկտեմբերի 22, 1975, Երևան, Հայկական ԽՍՀ, ԽՍՀՄ), հայ ռեժիսոր, սցենարիստ և պրոդյուսեր, Հայաստանի կինեմատոգրաֆիստների միության[1], ԱՊՀ և Բալթյան երկրների կինոկոնֆեդերացիաների միության անդամ։
Կենսագրություն
[խմբագրել | խմբագրել կոդը]1982-1992 թվականներին սովորել և ավարտել է Ս. Մ. Կիրովի անվան թիվ 12 միջնակարգ դպրոցը, 1992-1997 թվականներին՝ Երևանի Վ. Բրյուսովի անվան օտար լեզուների ինստիտուտի լեզվա-հասարակագիտական ֆակուլտետը՝ գերմաներեն լեզու և երկրագրություն մասնագիտությամբ։ 2007-2008 թվականներին մասնակցել է սցենարիստների և ռեժիսորների բարձրագույն դասընթացներին (Վ. Ի. Խոտինենկոյի խաղարկային ֆիլմերի արվեստանոց)։ 2018 թվականին Պանարմենիա մեդիա դպրոցում անցել է դասընթաց ռեժիսորների, սցենարիստների, պրոդյուսերների համար։
2013 թվականին եղել է ԱՐ հեռուստաալիքի գլխավոր ռեժիսորը, 2005-2007 թվականներին՝ Երկիր մեդիա հեռուստաալիքի «Կինոդեմքեր» հաղորդաշարի հեղինակ և վարող, 2002-2004 թվականներին՝ ԱՐ հեռուստաալիքի «Էլիտար կինո» հաղորդաշարի հեղինակ և վարող, 1996-1997 թվականներին՝ Հայաստանի հանրային ռադիոյով հեղինակել և վարել է «Ով, ինչ, որտեղ» հաղորդաշարը։ 2014 թվականից դասավանդում է Երևանի Խ. Աբովյանի անվան մանկավարժական համալսարանի կուլտուրայի ֆակուլտետում (Մոնտաժի տեսություն և պրակտիկա,կինոկոմպոզիցիա)[2]։
Հրապարակումներ
[խմբագրել | խմբագրել կոդը]- «Զրույց արվեստանոցում» Քշիշտոֆ Զանուսի, “Виноград” ամսագիր, 2007,
- «Սիրով ծայրամասերից» Բորիս Բարնետ, “Киноведческие записки” ամսագիր, 2016։
Ֆիլմագրություն
[խմբագրել | խմբագրել կոդը]- «Ցատկերթ» կարճամետրաժ խաղարկային ֆիլմ, (30 րոպե), Հայաստանի ազգային կինոկենտրոն, 2010,
- «Կյանքի համը. սուրճ-թեյ» գիտավավերագրական ֆիլմ (52 րոպե, ОРТ), 2011,
- «Վահրամ Փափազյան» վավերագրական ֆիլմ (55 րոպե), «Ավագ Պետրոսյան» վավերագրական ֆիլմ (57 րոպե), 2012,
- «Որս» կարճամետրաժ խաղարկային ֆիլմ (7 րոպե), 2012,
- «Եվ յոթերորդ օրը...» լիամետրաժ գեղարվեստական ֆիլմ, 2015,
- «Լույսի կաթիլներ» լիամետրաժ խաղարկային ֆիլմ, 2021[3][4]։
Պարգևներ
[խմբագրել | խմբագրել կոդը]- «Լավագույն ֆիլմ» մրցանակ՝ ԱՊՀ և Բալթյան երկրների կինոկոնֆեդերացիայի դեբյուտային ֆիլմերի մրցույթ, 2010[5],
- «Ցատկերթ» կարճամետրաժ խաղարկային ֆիլմի «Լավագույն ռեժիսոր» մրցանակ՝ Վերոնայի միջազգային կինոփառատոն, 2011,
- «Լավագույն ռեժիսոր» մրցանակ՝ ԱՊՀ և Բալթյան երկրների կինոկոնֆեդերացիայի դեբյուտային ֆիլմերի մրցույթ
- «Հույս» մրցանակ՝ Հայաստանի ազգային կինոակադեմիա, 2011
- «Լավագույն երաժշտություն» անվանակարգ «Armenian world music» մրցանակաբաշխություն,
- «Լույսի կաթիլներ» ֆիլմը ճանաչվել է Ճապոնիայի «Tokyo Film Awards»-ի լավագույն ֆիլմ[6]։
Ծանոթագրություններ
[խմբագրել | խմբագրել կոդը]- ↑ «Հայաստանի Կինոգործիչների Միություն. միության անդամներ». Արխիվացված է օրիգինալից 2023 թ․ սեպտեմբերի 2-ին. Վերցված է 2023 թ․ սեպտեմբերի 2-ին.
- ↑ «Արման Սմբատի Չիլինգարյան». aspu.am. Վերցված է 2023 թ․ օգոստոսի 25-ին.
- ↑ Kinoashkharh (2023 թ․ մարտի 25). «Հեռավոր ու հարազատ Երևանը Արման Չիլինգարյանի «Լույսի կաթիլներ» ֆիլմում». Kinoashkharh. Վերցված է 2023 թ․ օգոստոսի 25-ին.
- ↑ Admin, NCCA. «ԼՈՒՅՍԻ ԿԱԹԻԼՆԵՐ (2021թ.)». ncca.am. Վերցված է 2023 թ․ օգոստոսի 25-ին.
- ↑ «Фильм «Вода» представит республику на МКФ стран СНГ, Балтии и Грузии «Кыргызстан - страна короткометражных фильмов» - Новости Армении - Терт.am». Արխիվացված է օրիգինալից 2019 թ․ նոյեմբերի 7-ին. Վերցված է 2023 թ․ օգոստոսի 25-ին.
- ↑ «Կինոռեժիսոր Արման Չիլինգարյանի «Լույսի կաթիլներ» ֆիլմը լավագույնն է ճանաչվել Ճապոնիայի «Tokyo Film Awards» ֆիլմերի մրցույթում». armenpress.am. Վերցված է 2023 թ․ օգոստոսի 25-ին.
|