Ողջ մնալու արվեստ

Ողջ մնալու արվեստ;
Տեսակ	հասարակական կազմակերպություն և ռազմական կազմակերպություն
Երկիր	Հայաստան
Հապավում	ՈՄԱ և VOMA
Հիմնադրված	2014
Գլխադասային գրասենյակ	Երևան, Հայաստան
Կայք	voma.center/hy

Ողջ մնալու արվեստ (կրճատ՝ ՈՄԱ), ռազմահայրենասիրական հասարակական կազմակերպություն, որի նպատակն է Հայաստանում և Արցախի Հանրապետությունում ստեղծել ավելի մարտունակ բնակչություն։ Հիմնադրվել է 2014 թվականին։ Նախագահը առաջին հետախուզադիվերսիոն խմբի հիմնադիր Վովա Վարդանովն է^[1]։

Գործունեություն

«ՈՄԱ» կազմակերպության առաջնային գաղափարն այն է, որ Հայաստանից և Սփյուռքից պահեստազորի, նորակոչիկների և կամավորների պատրաստումը կօգնի ստեղծել ավելի հզոր պետություն և կդառնա իրական պահեստային բանակ^[2]։

Կազմակերպությունն իրականացնում է դասընթացներ 16 տարեկանից բարձր անձանց համար։ Դասընթացներն ընդգրկում են մի շարք ոլորտներ^[3]․

Հրազենային պատրաստություն,
նետաձգություն,
ավտոնոմ գոյատևում,
ձեռնամարտ՝ Վին-Չուն,
դանակի սպորտային նետում,
ժայռամագլցում,
կիրառական կենսաբանություն,
բուժպատրաստություն,
հոգեբանություն,
քարտեզագիտություն,
ռազմապար։

Կազմակերպությունը չունի պետական աջակցություն, գործում է Հայաստանի և Սփյուռքի քաղաքացիների ֆինանսական աջակցության շնորհիվ^[4]։

Գաղափարախոսություն

Ազգ-բանակ հայեցակարգ

Հայեցակարգի նպատակն է ստեղծել 300-800 հազար պատրաստված անձից բաղկացած պահեստազորային բանակ, որը կօգնի լրացնել մարտական գործողությունների ընթացքում բանակի կրած կորուստները, ինչպես նաև հնարավորություն կտա իրականացնել հակահարձակողական գործողություններ^[5]։

Երկիր ամրոց հայեցակարգ

Ըստ հայեցակարգի՝ Հայաստանի յուրաքանչյուր շրջան պետք է լինի ինքնապաշտպանունակ։ Դա ենթադրում է երկրի ողջ տարածքով ունենալ ապաստարաններ և թաքնված կրակակետեր, խթանել ռազմական արդյունաբերությունն ու բանակի տեխնոլոգիականությունը, դպրոցականներին նախապատրաստել զինվորական ծառայության, ապահովել աղջիկների ռազմական կրթությունը^[6]։

Հայ-ադրբեջանական պատերազմ (2020)

2020 թվականին՝ հայ-ադրբեջանական պատերազմի ընթացքում, «ՈՄԱ»-ն ակտիվ գործունեություն է ծավալել ոչ միայն բուն մարտական գործողություններին մասնակցելու, այլև կամավորական խմբերին նախապատրաստելու միջոցով։ Պատերազմի սկսվելուց անմիջապես հետո ռազմահայրենասիրական կազմակերպության հիմքի վրա սկսվել է «ՈՄԱ» գումարտակի ձևավորումը, որը 2020 թվականի սեպտեմբերի 29-ից տեղափոխվել է Արցախ՝ սկզբնական շրջանում իրականացնելով Քարվաճառի, ապա Մարտունու Կարմիր Շուկա և Թաղավարդ գյուղերի պաշտպանությունը։

Բացի այդ` պատերազմի առաջին օրերից կազմակերպությունը նախաձեռնել է արագընթաց դասընթացների իրականացում^[7]։ Ռազմաճակատ մեկնելուց առաջ հարյուրավոր կամավորներ կազմակերպության կողմից զինվորական պատրաստվածություն են անցել՝ սովորելով ողջ մնալ և գոյատևել պատերազմական պայմաններում, ցուցաբերել առաջին բուժօգնություն, ուսումնասիրել են նաև լեռնագնացություն և հոգեբանություն^[8]։

2021 թվականի մարտի 10-ին Արցախի նախագահ Արայիկ Հարությունյանը հանդիպում է ունեցել կազմակերպության մի խումբ անդամների և նախագահ Վարտանովի հետ։ Արայիկ Հարությունյանը կարևորել է զորամասի դերակատարությունը պատերազմի ժամանակ և ցուցաբերած քաջության համար ներկաներին հանձնել բարձր պետական պարգևներ^[9]։

Պատկերասրահ

ՈՄԱ-ի փրկարարական ջոկատի տեխնիկան աղետի գոտում՝ Ալավերդիում

Ծանոթագրություններ

↑ ««ՈՂՋ ՄՆԱԼՈՒ ԱՐՎԵՍՏ» • ՀԱՅԱՍՏԱՆ (ԵՐԵՎԱՆ) • ՍՓՅՈՒՌ». spyur.am. Արխիվացված է օրիգինալից 2018 թ․ փետրվարի 23-ին. Վերցված է 2021 թ․ փետրվարի 16-ին.
↑ ՈՄԱ/VoMA (2018 թ․ նոյեմբերի 3). «Повысить обороноспособность Армении вместе с VoMA». Medium (անգլերեն). Վերցված է 2021 թ․ փետրվարի 16-ին.
↑ ««Ողջ Մնալու Արվեստ» ակումբ | SportClubs.am». sportclubs.am. Արխիվացված է օրիգինալից 2022-01-26-ին. Վերցված է 2021 թ․ փետրվարի 16-ին.
↑ Paruyryan, MheR. «Նյութատեխնիկական ապահովում - VoMA.am». voma.am (ամհարերեն). Վերցված է 2021 թ․ փետրվարի 16-ին.
↑ «#ԱզգԲանակ կամ Հայաստանի պահեստազորային բանակ».(չաշխատող հղում)
↑ «VOMA CENTER - ErkirAmroc». www.voma.center. Վերցված է 2021 թ․ մարտի 6-ին.(չաշխատող հղում)
↑ Technologies, Peyotto. «Կամավորականների մարզումները առաջնագիծ մեկնելուց առաջ. ՏԵՍԱՆՅՈՒԹ». factor.am. Վերցված է 2021 թ․ փետրվարի 16-ին.
↑ «Ողջ մնալու արվեստը. առաջնագծի համար պատրաստվող կանայք ու տղամարդիկ` լուսանկարներում». Sputnik Armenian. Վերցված է 2021 թ․ փետրվարի 16-ին.
↑ «Արցախի Հանրապետության Նախագահի պաշտոնական կայք». president.nkr.am. Արխիվացված է օրիգինալից 2021 թ․ ապրիլի 12-ին. Վերցված է 2021 թ․ մարտի 21-ին.

Արտաքին հղումներ

[1] ««ՈՂՋ ՄՆԱԼՈՒ ԱՐՎԵՍՏ» • ՀԱՅԱՍՏԱՆ (ԵՐԵՎԱՆ) • ՍՓՅՈՒՌ». spyur.am. Արխիվացված է օրիգինալից 2018 թ․ փետրվարի 23-ին. Վերցված է 2021 թ․ փետրվարի 16-ին.

[2] ՈՄԱ/VoMA (2018 թ․ նոյեմբերի 3). «Повысить обороноспособность Армении вместе с VoMA». Medium (անգլերեն). Վերցված է 2021 թ․ փետրվարի 16-ին.

[3] ««Ողջ Մնալու Արվեստ» ակումբ | SportClubs.am». sportclubs.am. Արխիվացված է օրիգինալից 2022-01-26-ին. Վերցված է 2021 թ․ փետրվարի 16-ին.

[4] Paruyryan, MheR. «Նյութատեխնիկական ապահովում - VoMA.am». voma.am (ամհարերեն). Վերցված է 2021 թ․ փետրվարի 16-ին.

[5] «#ԱզգԲանակ կամ Հայաստանի պահեստազորային բանակ».(չաշխատող հղում)

[6] «VOMA CENTER - ErkirAmroc». www.voma.center. Վերցված է 2021 թ․ մարտի 6-ին.(չաշխատող հղում)

[7] Technologies, Peyotto. «Կամավորականների մարզումները առաջնագիծ մեկնելուց առաջ. ՏԵՍԱՆՅՈՒԹ». factor.am. Վերցված է 2021 թ․ փետրվարի 16-ին.

[8] «Ողջ մնալու արվեստը. առաջնագծի համար պատրաստվող կանայք ու տղամարդիկ` լուսանկարներում». Sputnik Armenian. Վերցված է 2021 թ․ փետրվարի 16-ին.

[9] «Արցախի Հանրապետության Նախագահի պաշտոնական կայք». president.nkr.am. Արխիվացված է օրիգինալից 2021 թ․ ապրիլի 12-ին. Վերցված է 2021 թ․ մարտի 21-ին.

[1]

[2]

[3]

[4]

[5]

[6]

[7]

[8]

[9]