Շուխոնց Ավետարան
| Շուխոնց Ավետարան | |
|---|---|
| Տեսակ | ձեռագիր |
| Գրիչ | Բարսեղ |
| Տարեթիվ | 1669 թվական |
| Վայր | Նոր Ջուղայի Սուրբ Ամենափրկիչ վանք |
| Թերթեր | 280 |
| Նյութ | թուղթ |
| Չափս | 23 x 17,5 |
| Գիր | բոլորաձև երկաթագիր |
| Կազմ | թավշապատ տախտակ |
| Պահպանակ | մագաղաթ |
| Պատառիկ պահպանակ | մագաղաթ |
| Համար | 6436 |
| Ժողովածու | Մատենադարան |
| Տեղադրություն | Երևան |
«Շուխոնց ավետարան», թղթե ձեռագիր մատյան։
Պատմություն[խմբագրել | խմբագրել կոդը]
Գրվել է 1669 թվականին Նոր Ջուղայի Սուրբ Ամենափրկիչ վանքում (գրիչ՝ Բարսեղ)։ 1750-1760 թվականներին Ավետարանը եղել է Շուխյան գերդաստանի (Աշտարակում) սեփականությունը (այստեղից էլ՝ անվանումը)։ Այն նվիրաբերվել է տեղի Սուրբ Ամենափրկիչ եկեղեցուն, ապա տարվել Կարմրավոր Սուրբ Աստվածածին եկեղեցի, 1931 թվականից Մատենադարանում է (ձեռ. № 6436, 280 թերթ, 23 x 17,5 սմ, երկսյուն, բոլորաձև երկաթագիր)։
Պահպանակները (4) մագաղաթից են, կազմը թավշապատ տախտակ է՝ արծաթե բարձրաքանդակ կրկնակազմով։
«Շուխոնց ավետարան» նկարազարդված է 3 ավետարանիչների դիմապատկերներով, 10 խորանով, կիսախորանով, լուսանցազարդերով։
2008 թվականից ամեն տարի Թարգմանչաց տոնին «Շուխոնց ավետարան» Մատենադարանից տարվում է Օշականի Սբ Մեսրոպ Մաշտոց եկեղեցի, որպեսզի ուխտավորները հաղորդակցվեն Ավետարանի հրաշագործ զորությանը[1][2][3]։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|