Շահապոնք (լեռ)

Անվան այլ կիրառումների համար տե՛ս՝ Շահապոնք (այլ կիրառումներ)

Շահապոնք
Տեսակ	լեռ
Երկիր	Հայաստան և  Ադրբեջան
Վարչատարածքային միավոր	Սյունիքի մարզ և Շահբուզի շրջան
Լեռնաշղթա	Զանգեզուրի լեռներ

Շահապոնք, Ջամալ, լեռնագագաթ Հայաստանի Սյունիքի մարզի և Նախիջևանի սահմանագլխին, Զանգեզուրի լեռների կատարային մասում, Արևիս գյուղից 7,5 կմ արևմուտք։ Բարձրությունը՝ 3204 մետր։

Զանգեզուրի լեռնշղաթայի հյուսիսային մասի բարձունքներից է։ Ունի զառիթափ ու մերձալպյան բուսականությամբ ծածակված լանջեր։ Ծովի մակարդակից ունի 3204 մ բարձրություն։

Կազմված է պալեոգենի և նեոգենի հրաբխային ապարներից։ Կատարային մասը լերկ է, ժայռոտ։ Պահպանվել են հնագույն սառցապատման ռելիեֆի ձևեր։ Լանդշաֆտը լեռնամարգագետնային է։ Ստորոտին VI դարում կառուցվել է համանուն բերդը։ Պահպանվել են պարիսպների ավերակները, խեցեղեն իրեր, խաչքարերի բեկորներ, մատուռներ։ 1386 թվականին Լենկթեմուրի բանակի դեմ Շահապոնքի հերոսական դիմադրության մարտերին մասնակցել է այդ ժամանակ բերդում հոգևոր ծառայություն կատարող փիլիսոփա Գրիգոր Տաթևացին։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։