Շաբ Գողթնեցի

Վիքիպեդիայից՝ ազատ հանրագիտարանից
Jump to navigation Jump to search
Շաբ Գողթնեցի
Գողթանի տեր
1-ին դար
 
Մասնագիտություն՝ նախարար
Ծննդյան օր 1-ին դար
Ծննդավայր Գողթն, Վասպուրական, Մեծ Հայք
Դինաստիա Գողթնեցիներ
Քաղաքացիություն Standard of the Artaxiad dynasty.svg Մեծ Հայք
Ամուսին Նշնա Գողթնեցի
Զավակներ Խոսրով Գողթնեցի

Շաբ Գողթնեցի (նաև՝ Շաբիթ Գողթնեցի[1][2], 1-ին դար, Գողթն, Վասպուրական, Մեծ Հայք), հայ նախարար Մեծ Հայքում, Գողթն գավառի տանուտեր, Գողթնեցիների նախարարական տոհմից[3][4][5]։

Կենսագրություն[խմբագրել | խմբագրել կոդը]

Շաբ իշխանի որդին էր Խոսրովը, թոռը՝ Վահանը, և կինը՝ Նշնան[1][2][3][5]։ Ըստ Ստեփանոս Օրբելյանի պատմության՝ Շաբ իշխանի կառավարման ժամանակ` մ.թ. 1-ին դարի կեսին[1], Բարդուղիմեոս առաքյալը Պարսկաստանից վերադառնալիս իր աշակերտների հետ գալիս է Ատրպատականով և անցնելով Արաքս գետը՝ մտնում է Սյունիք նահանգի սահմանները, ու սկսում է քարոզել Որդվատ գյուղում, Արևիք գավառում, Բաղքում և Գողթնում։ Տեղացիները, ընդունելով նրա քարոզությունը, մկրտվում են` Բարդուղիմեոս առաքյալի ձեռքով[5]։ Ապա նա կառուցում է եկեղեցի Գողթնի արևմտյան ծայրամասում, մի ժայռի վրա, իրենց կացարանի տեղում։ Եկեղեցու անունը դնում են Տյառնընդառաջ։ Այնուհետև Բարդուղիմեոսը Գողթն գավառի համար վերակացու է նշանակում իր աշակերտներից մեկին՝ Կումսին, ձեռնադրելով նրան եպիսկոպոս, իսկ ինքը գնում է Վանանդ գյուղ (Երնջակ գավառ)։ Որոշ ժամանակ անց մահանում է Կումսին, և տեղացի հավատացյալները չկամենալով առանց առաջնորդի մնալ, իրենց առաջնորդ դարձրին մի օտարականի՝ Բաբելաս անունով[2][3]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 «Սիսական. Տեղագրութիւն Սիւնեաց աշխարհի», Ղևոնդ Ալիշան, Վենետիկ, 1893, էջ 310բ.
  2. 2,0 2,1 2,2 «Արշալոյս քրիստոնէութեան Հայոց», Ղևոնդ Ալիշան, Վենետիկ, 1901, էջ 33.
  3. 3,0 3,1 3,2 «Սյունքի պատմություն», Ստեփանոս Օրբելյան, թարգմ., ներած. և ծանոթ.՝ Աշոտ Աբրահամյան, Երևան, 1986, գլուխ Զ, էջ 76-77.
  4. «Հայոց անձնանունների բառարան», Հրաչյա Աճառյան, Երևան, 1942, Հատոր 4, Ցուցակ 1, Էջ 100․
  5. 5,0 5,1 5,2 «Նախիջևան։ Բնաշխարհիկ պատկերազարդ հանրագիտակ», Արգամ Այվազյան, Երևան, 1995, էջ 310.