Նոր Հռոմ։ Սուրբ Հրեշտակի ամրոցը

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Նոր Հռոմ։ Սուրբ Հրեշտակի ամրոցը
Schedrin NewRome.jpg
տեսակգեղանկար
նկարիչՍիլվեստր Շչեդրին
տարի1821
նյություղաներկ և կտավ
գտնվում էՏրետյակովյան պատկերասրահ
հավաքածուՏրետյակովյան պատկերասրահ
Ծանոթագրություններ

Նոր Հռոմ։ Սուրբ Հրեշտակի ամրոցը, Սիլվեստր Ֆեոդոսի Շչեդրինի նկարների շարքը, որը գրվել է վաղ հռոմեական շրջանում (1821-1825)։

Պատկերված է Տիբերի ափը, նկարչի տան մոտակայքը։

Այս շարքը շրջադարձային փուլ է Շեդրինի ստեղծագործության մեջ։ Առաջին հերթին նորովի է մեկնաբանվում սյուժեն. ջրի մեջ ձկնորսական նավակներ, մարդկանց հետ, բնակելի տների պատեր, ահա թե ինչ է առաջին պլանում, իսկ «հին» Հռոմը (Սուրբ Հրեշտակի ամրոցը և Սուրբ Պետրոսի տաճարը) տեղակայվում է խորքում և դառնում յուրօրինակ ֆոն։ Այս բնապատկերների շարքը շատ հաջող փորձը է բացօթյա տարածքում գեղանկարչության վարպետ Շեդրին-պլեների համար։ Այդ բնապատկերներում փոխվում են նաև գունային գամման. առաջին շեդրինական աշխատանքների ստվերոտ շագանակագույն երանգներին այժմ փոխարինելու են գալիս ավելի ցուրտ՝ արծաթափայլ, կապույտ և կանաչավուն երանգները։

Ժամանակակիցներից մեկի խոսքով՝ «նկարիչը պետք է կրկներ այդ տեսարանն ութ անգամ... Ամեն անգամ նա փոխում էր օդը և նկարի տոնը»։

Կոմպոզիցիոն միասնությունը ձեռք է բերվում Տիբերի պատկերի շնորհիվ։ Եթե աջից և հեռվից վեր են խոյանում Սուրբ Հրեշտակի ամրոցի, Սուրբ Պետրոսի տաճարի և Վատիկանի պալատի վեհ շինությունները, որոնք մարմնավորում են «հին Հռոմը», ապա ձախից կոմպոզիցիան փակում է քաղաքի աղքատիկ տները՝ «Նոր Հռոմ» (Տրաստևերե թաղամաս)։ Դրանով Շեդրինն ընդգծում է, որ «Հավերժական քաղաքում» կողք կողքի գոյություն ունի բարձրը և ցածրը, հավերժականը և ժամանակավորը։ Հատուկ խնամքով պատկերված են հասարակ հռոմեացիները Տիբերի ափին՝ նկարին տալով իրական կենսունակություն և արժանահավատություն։

«Նոր Հռոմ։ Սուրբ Հրեշտակի ամրոց» նկարը մեծ հաջողություն է ունեցել և հետագայում նկարիչը հաճախ է կրկնել այդ մոտիվը տարբեր լուսավորության ժամանակ։ Պետական Տրետյակովյան պատկերասրահում պահվում է կտավի երեք տարբերակները։

Աղբյուրներ[խմբագրել | խմբագրել կոդը]

  • Государственная Третьяковская галерея. Искусство XII — начала XX века. — М.: СканРус, 2007. — С. 114. — ISBN 978-5-93221-120-5