Յուրի Ամիրջանյան
| Յուրի Ամիրջանյան | |
|---|---|
| Ծնվել է | 1925 |
| Ծննդավայր | Սարինշեն, Մարտունու շրջան, Ադրբեջանական ԽՍՀ, ԱԽՖՍՀ, ԽՍՀՄ |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Աշխատավայր | Խորհրդային մանկավարժ և Հայկական պետական մանկավարժական համալսարան |
Յուրի Ավշարի Ամիրջանյան (1925, Սարինշեն, Մարտունու շրջան, Ադրբեջանական ԽՍՀ, ԱԽՖՍՀ, ԽՍՀՄ), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։
Կենսագրություն[խմբագրել | խմբագրել կոդը]
Յուրի Ամիրջանյանը ծնվել է 1925 թվականին Լեռնային Ղարաբաղի Հադրութի շրջանի Ծակուռի գյուղում, արհեստավորի ընտանիքում։ Սովորել է Տող գյուղի դպրոցում, այնուհետև միջնակարգ կրթություն ստացել է Բաքվում։ 1943 թվականին զորակոչվել է բանակ։ Առաջին ուկրաինական և Առաջին բելոռուսական ռազմաճակատներում Յուրի Ամիրջանյանը մասնակցել է Կիևի, Ժիտոմիրի, Բերդիչևի, Բելայա Ցերկովի, Վարշավայի ազատագրմանը, Օդերի անցման և Բեռլինի գրավման համար մղված մարտերին։ Երեք անգամ վիրավորվել է և ապաքինվելուց հետո վերադարձել զորամաս։ Յուրի Ամիրջանյանը պարգևատրվել է 10 մարտական մեդալներով և արժանացել խրախուսանքների[1]։
Պատերազմի ավարտից հետո Ամիրջանյանն աշխատանքի է անցել Խորհրդային Հայաստանում։ Ավարտել է Խ. Աբովյանի անվան մանկավարժական ինստիտուտի աշխարհագրական ֆակուլտետը։ 1955-1965 թվականներին որպես ուսուցիչ աշխատել է Արարատի շրջանում, հետագայում եղել ժողկրթբաժնի տեսուչ, ապա՝ վարիչ։ 1965 թվականին Ամիրջանյանը նշանակվել է «Խորհրդային մանկավարժ» ամսագրի գլխավոր խմբագրի տեղակալ, զբաղվել է գիտահետազոտական աշխատանքով։ 1973 թվականին պաշտպանել է «Պրոբլեմային իրավիճակի ստեղծումը ուսուցման պրոցեսի ակտիվացման միջոց» թեմայով ատենախոսություն[1]։
Յուրի Ամիրջանյանը տասնյակ հոդվածների և մի քանի գրքերի հեղինակ է։ Կազմել է նաև աշխարհագրության ձեռնարկ՝ բուհերն ընդունվողների համար։ 1976 թվականից Ամիրջանյանն աշխատել է Երևանի Խաչատուր Աբովյանի անվան հայկական մանկավարժական ինստիտուտի ընդհանուր մանկավարժության ամբիոնում[1]։
Երկեր[խմբագրել | խմբագրել կոդը]
- Պրոբլեմային իրավիճակները ուսուցման պրոցեսի ակտիվացման միջոցներ։ Ամիրջանյան Յուրի Ավշարի, Երևան, Լույս, 1975։
- Աշխարհագրություն (Օժանդակ ձեռնարկ բուհ ընդունվողների համար)։ Երևանի պետական համալսարան, Երևան, Երևանի համալսարանի հրատարակություն, 1978 (համահեղինակ)։
- Էսթետիկական դաստիարակության տեսություն (Ուսումնաօժանդակ ձեռնարկ)։ Պրակ 1, Խ. Աբովյանի անվան հայկական պետական մանկավարժական ինստիտուտ, Երևան, Ա. հ, 1980 (համահեղինակ)։
- Երեխայի առաջին աշխարհը։ Ամիրջանյան Յուրի Ավշարի, Երևան, Լույս, 1982։
- Մանկավարժական մի քանի սկզբունքների կիրառումը դասախոսական պրոպագանդայում, «Գիտելիք» ընկերություն, ՀԽՍՀ, Երևան, Գիտելիք, 1983 (համահեղինակ)։
- Պրոբլեմային ուսուցում։ Ուսումնական ձեռնարկ։ Ամիրջանյան Յուրի Ավշարի, Երևանի Խ. Աբովյանի անվան հայկական պետական մանկավարժական ինստիտուտ, Երևան, Ա. հ., 1984:
- Պրոբլեմային ուսուցումը և ուսուցիչը (Օժանդակ ձեռնարկ)։ Ամիրջանյան Յուրի Ավշարի, Երևան, Լույս, 1985։
- Երեխայի իմաստության ակունքները։ Ամիրջանյան Յուրի Ավշարի, Մանկավարժական ընկերություն ՀԽՍՀ, Երևան, Լույս, 1985։
- Բարոյագիտական զրույցներ։ Օժանդակ ձեռնարկ։ Երևան, Լույս, 1988 (համահեղինակ)։
- Հոդվածների ժողովածու (Ա. Ս. Մակարենկոյի ծննդյան 100-ամյակի առթիվ)։ «Գիտելիք» ընկերություն, ՀԽՍՀ, Երևան, Ա. հ., 1988 (համահեղինակ)։
- Մոսկվայի համալսարանի դերը արևելահայ երիտասարդության բուհական կրթության գործում (1860-1917 թթ.) (Ուսումնական ձեռնարկ), Խ. Աբովյանի անվան հայկական պետական մանկավարժական ինստիտուտ, Երևան, Ա. հ., 1988 (համահեղինակ)։
- Ժամանակակից դիդակտիկա։ Ամիրջանյան Յուրի Ավշարի, Երևան, Լույս, 1990։
- Հայաստանի Հանրապետության և Լեռնային Ղարաբաղի Հանրապետության տնտեսական և սոցիալական աշխարհագրություն։ Բուհական ձեռնարկ / Ս. Ա. Մելքումյան, խմբ.՝ Յու. Ամիրջանյան, Երևան, Զանգակ-97, 2000։
- Մանկավարժություն։ Ուսումնական ձեռնարկ։ Երևան, Մանկավարժ. հրատ., 2004 (համահեղինակ)։
- Ընդհանուր տնտեսական աշխարհագրություն։ [Դասագիրք]։ Երևան, Տնտեսագետ, 2005 (համահեղինակ)։
- Մանկավարժություն (Ուսումնական ձեռնարկ)։ Երկրորդ՝ լրամշակված, բարեփոխված, հրատարակություն։ Երևան, Մանկավարժ, 2005 (համահեղինակ)[2]։
- Հայաստանի Հանրապետության և Լեռնային Ղարաբաղի Հանրապետության տնտեսական և սոցիալական աշխարհագրություն։ Բուհական ուսումնական ձեռնարկ։ Երևան, Զանգակ-97, 2005 (համահեղինակ)։
- Հայաստանի Հանրապետության և Լեռնային Ղարաբաղի Հանրապետության տնտեսական և սոցիալական աշխարհագրություն։ Բուհական ձեռնարկ / Ս. Ա. Մելքումյան, խմբ.՝ Յու. Ամիրջանյան, Երևան, Զանգակ-97, 2005։
- Հայաստանի Հանրապետության և Լեռնային Ղարաբաղի Հանրապետության տնտեսական և սոցիալական աշխարհագրություն։ Բուհական ձեռնարկ / Ս. Ա. Մելքումյան, խմբ.՝ Յու. Ամիրջանյան, Երևան, Զանգակ-97, 2007։