Յոզեֆ Օբերբաուեր

Վիքիպեդիայից՝ ազատ հանրագիտարանից
Jump to navigation Jump to search
Յոզեֆ Օբերբաուեր
բուլղար․՝ Йозеф Обербауер
Ծնվել է1853
ԾննդավայրՍանկտ Լեոնհարդ
Վախճանվել է1926
Մահվան վայրՍոֆիա, Բուլղարիա
Մասնագիտությունճարտարագետ և նկարիչ
Joseph Oberbauer Վիքիպահեստում

Յոզեֆ (Իոսիֆ) Օբերբաուեր (բուլղար․՝ Йозеф (Йосиф) Себастиан Обербауер, 1853, Սանկտ Լեոնհարդ, Տիրոլ, Ավստրիական կայսրություն - 26 ապրիլի, 1926, Սոֆիա, Բուլղարական թագավորություն), ավստրիական ծագմամբ բուլղարացի ինժեներ և նկարիչ[1]:

Կենսագրություն[խմբագրել | խմբագրել կոդը]

Յոզեֆ Օբերբաուերը ծնվել է Ավստրիական կայսրության Տիրոլ նահանգի Սանկտ Լեոնհարդ քաղաքում[2] (ներկայում՝ Ավստրիա), պետական պաշտոնյայի ընտանիքում։ Հայրենի քաղաքում սովորել է տարրական դպրոցում, ապա Ինսբրուքում ավարտել է միջնակարգ դպրոցը։ Ունենալով նկարչական տաղանդ՝ Յոզեֆ Օբերբաուրը երազում էր ստանալ նկարչական կրթություն, սակայն հայրը պնդում է, որ նա ստանա ինժեների մասնագիտություն, և Յոզեֆ Օբարբաուերն ընդունվում է Գրացի համալսարան։ Երեք տարի անց մահանում է Յոզեֆ Օբերբաուրի հայրը, և նրա ընտանիքը հայտնվում է ֆինանսական ծանր վիճակում։ Յոզեֆ Օբերբաուերը որոշում է Գրացի քաղաքապետարանին վաճառել իր մի քանի ջրանկարները, որոնցում պատկերված էին քաղաքային տեսարաններ Գրացից։ Տեսնելով Յոզեֆ Օբերբաուերի տաղանդը՝ նրան առաջարկում են ուսումը շարունակել Վիեննայի Գեղարվեստի ակադեմիայում: Երկու տարի սովորելուց հետո Օբերբաուերը կրկին ստիպված է լինում կիսատ թողնել ուսումը ֆինանսական խնդիրների պատճառով։ Որոշ ժամանակ նա աշխատել է որպես ուսուցիչ՝ փորձելով շարունակել ուսումը, սակայն դա անել նրան չի հաջողվում։

1889 թվականին Յոզեֆ Օբերբաուերը վերադարձել է Սոֆիա, աշխատել քաղաքապետարանում՝ մասնակցելով քաղաքի առաջին կադաստրային քարտեզի ստեղծման աշխատանքներին։ Հետագայում նա մի կարճ ժամանակ աշխատել է Բուլղարական երկաթգծի շինարարությունում և կրկին աշխատանքի է անցել Սոֆիայի քաղաքապետարանում, որտեղ աշխատել է մինչև իր կյանքի վերջը։

Ութ նկարիչների խմբի կազմում Յոզեֆ Օբերբաուերը մասնակցել է «Խոնարհվի՛ր, Բուլղարիա՛, այն գերեզմաններին, որոնցով ծածկված ես» ալբոմի ստեղծմանը[3]:

Յոզեֆ Օբերբաուերը մահացել է 1926 թվականին Սոֆիայում։

Յոզեֆ Օբերբաուերն ամուսնացած է եղել և ունեցել է մեկ որդի՝ Իոսիֆը, և երեք դուստր՝ Եկատերինան, Ֆրիդան ու Աննան։

Սոֆիայի Լոզենեց շրջանի փողոցներից մեկը կրում է Յոզեֆ Օբերբաուերի անունը։ Նրա անունով է կոչվել նաև Սոֆիայի Ամերիյան քոլեջում տրվող կրթաթոշակը։

Աշխատանքներ[խմբագրել | խմբագրել կոդը]

Յոզեֆ Օբերբաուերը թողել է գեղանկարչական մեծ ժառանգություն։ Իր նկարներում նա արտացոլել է Սոֆիայի կերպարը՝ հին քաղաքի փողոցները, եկեղեցիներն ու վանքերը, որոնցից շատերը չեն պահպանվել մինչև մեր օրերը[4]: Նրա ջրանկարներում պատկերված են նաև Ռիլայի վանական համալիրը, ինչպես նաև տեսարաններ Նեսեբիր, Կյուստենդիլ, Մազարաչևո, Պլովդիվ, Կոպրիվշտիցա քաղաքներից։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]