Մյուրիել Պենիկո
| Մյուրիել Պենիկո | |
.jpg)
| |
| Կուսակցություն՝ | Renaissance |
|---|---|
| Կրթություն՝ | Փարիզ-Նանթեր համալսարան, Ստրասբուրգի համալսարան և Փարիզի համալսարան |
| Մասնագիտություն՝ | գործադիր տնօրեն, քաղաքական գործիչ, գործարար և international forum participant |
| Ծննդյան օր | մարտի 31, 1955[1] (68 տարեկան) |
| Ծննդավայր | Վերսալ |
| Քաղաքացիություն | .svg){kind=small} Ֆրանսիա
|
| Կայք՝ | gouvernement.fr/ministre/muriel-penicaud |
| Պարգևներ |
 ,  և  |
Մյուրիել Պենիկո (ֆր.՝ Muriel Pénicaud, մարտի 31, 1955[1], Վերսալ), ֆրանսիացի կին գործարար, աշխատանքի նախարար (2017-2020)։
Կենսագրություն[խմբագրել | խմբագրել կոդը]
Վաղ տարիներ[խմբագրել | խմբագրել կոդը]
1975 թվականին Փարիզ-Նանտերի համալսարանում ստացել է պատմության բակալավրի աստիճան, 1976 թվականի՝ դասավանդման մեթոդիկայի մագիստրոսի աստիճան (Sciences de l'éducation)։ 1980 թվականին Ստրասբուրգի համալսարանում ստացել է կլինիկական հոգեբանության գծով գիտությունների խորացված ուսումնասիրության դիպլոմ (DEA), 1995 թվականին մասնակցել է «INSEAD»-ի դասընթացին[2]։
1976-1985 թվականներին զբաղվել է տեղական ինքնակառավարման մարմինների հարցերով, այդ թվում՝ տեղական ինքնակառավարման պետական ծառայության ազգային կենտրոնում (CNFPT), գլխավորել է մանկության և պատանեկության հարցերով Լոթարինգիայի կենտրոնը (CLEJ — Centre lorrain pour l’enfance et la jeunesse)[3]։
Ձեռնարկատիրական գործունեություն[խմբագրել | խմբագրել կոդը]
1993-1996 թվականներին աշխատել է «Danone» խմբի կադրերի ուսուցման գծով տնօրեն։ 1996-2000 թվականներին եղել է «Danone» խմբի մենեջերների որակավորման բարձրացման գծով տնօրեն, 2000-2002 թվականներին եղել է կադրային քաղաքականության գծով տնօրեն։
2002-2008 թվականներին աշխատել է «Dassault Systèmes»-ի գլխավոր տնօրենի տեղակալ, որտեղ նույնպես պատասխանատու էր կադրային քաղաքականության համար։
2008-2013 թվականներին զբաղեցրել է «Danone» խմբի կադրերի գծով տնօրենի պաշտոնը։
2014-2017 թվականներին եղել է «Business France» գործակալության գլխավոր տնօրեն։
Աշխատել է «Orange» ընկերությունում, 2014 թվականին ընդգրկվել է Փարիզի «Aéroports de Paris» օդանավակայանների կառավարող ընկերության ղեկավարության կազմում[4]։
Քաղաքական փորձ[խմբագրել | խմբագրել կոդը]
Պենիկոն իր գործունեությունն սկսել է Աշխատանքի նախարարությունում, այդ թվում՝ 1990-ական թվականների սկզբին եղել է աշխատանքի նախարար Մարտին Օբրիի խորհրդականը։ 2006-2009 թվականներին գլխավորել է Աշխատանքի, զբաղվածության և մասնագիտական ուսուցման ազգային ինստիտուտը (Institut national du travail, de l’emploi et de la formation professionnelle): Ղեկավարել է Սոցիալական երկխոսության բարձրագույն խորհուրդը[5]։
2017 թվականի մայիսի 17-ին ստացել է աշխատանքի նախարարի պաշտոնն Էդուարդ Ֆիլիպի կառավարությունում[6]։
2017 թվականի հունիսի 21-ին այդ պաշտոնը պահպանել է Ֆիլիպի երկրորդ կառավարության ձևավորման ժամանակ։
2020 թվականի հուլիսի 6-ին կառավարության կազմից հեռացվել է Կաստեքսի կաբինետի ձևավորման ժամանակ, որտեղ աշխատանքի նախարարի պաշտոնն ստացել է Էլիզաբեթ Բորնը[7]։
Ծանոթագրություններ[խմբագրել | խմբագրել կոդը]
- ↑ 1,0 1,1 Munzinger Personen (գերմ.)
- ↑ «Muriel Pénicaud» (ֆրանսերեն)։ LSA Commerce & Consommation։ 2011-06-01։ Վերցված է 2017-05-20
- ↑ «Muriel Pénicaud, D.G. de Business France sera en Israël (6 au 8 Septembre)»։ Chambre de commerce France-Israël (ֆրանսերեն)։ Israel valley։ Արխիվացված է օրիգինալից 2015-10-25-ին։ Վերցված է 2017-05-20
- ↑ «Muriel Pénicaud : « Aujourd’hui, il y a des besoins et des opportunités de business partout dans le monde »» (ֆրանսերեն)։ La Croix։ 2016-07-04։ Վերցված է 2017-05-20(չաշխատող հղում)
- ↑ «Qui est Muriel Pénicaud, la nouvelle ministre du Travail ?» (ֆրանսերեն)։ Europe 1։ 2017-05-17։ Վերցված է 2017-05-20
- ↑ «Gouvernement Édouard Philippe : qui sont les ministres de Macron» (ֆրանսերեն)։ Le Figaro։ 2017-05-17։ Վերցված է 2017-05-20
- ↑ «Remaniement : qui sont les ministres du gouvernement Castex» (ֆրանսերեն)։ Le Figaro։ 2020-07-06։ Վերցված է 2020-07-06
Արտաքին հղումներ[խմբագրել | խմբագրել կոդը]
- Sarah Belouezzane et Bertrand Bissuel (2017-05-18)։ «Muriel Pénicaud, les ressources humaines au ministère du travail» (ֆրանսերեն)։ Le Monde։ Վերցված է 2017-05-20
| ||||||
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մյուրիել Պենիկո կատեգորիայում։ |