Միջերկրականը արծաթանման (նկար)
Միջերկրականը արծաթանման | |
---|---|
տեսակ | բնանկար |
նկարիչ | Վարդան Մախոխյան |
տարի | 1910-ական թվականներ |
ժանր | բնանկար |
գտնվում է | Հայաստանի պետական պատկերասրահ |
հավաքածու | Հայաստանի ազգային պատկերասրահ |
հիմնական թեմա | ալեկոծության տպավորության ամբողջականության պատկեր |
Ծանոթագրություններ |
Միջերկրականը արծաթանման, Վարդան Մախոխյանի ծովանկարներից, որում նկարիչը ուշադրության է արժանացրել ծովի յուրահատուկ կոլորիտը։
Նկարագրություն[խմբագրել | խմբագրել կոդը]
Ծովը նկարչի կողմից պատկերված է լայն ընդգրկումով` տարբեր հատվածներում ստեղծելով ալիքների բազմատեսակ շարժումներ։ Նկարում մի տեղ ալիքը մեջքը ուռեցրած` ալիքների շեղջի վրա է գրոհում, մի ուրիշ տեղ` զորությունը կորցրած փուլ է գալիս։ Երրորդում այն, ժայռի ստորոտում ուժեղ բախումից խորտակված, բյուրավոր ցայտերով վեր շպրտված, ափի մոտ ուժասպառ եղած, թավալվում է` կազմելով ժանեկանման փրփուրներ։ Մեկ ուրիշ հատվածում ալիքը փոս է ընկած և ծույլ-ծույլ տարուբերվում է։
Մախոխյանի ծովանկարների յուրահատկությունը այն է, որ նա, պատկերելով ծովը այլակերպությունների պահին, երբեք աչքաթող չի արել ջրի նյութական հատկությունը, թափանցիկությունը, անորոշությունը, շարժման արագընթացությունը և այլն։
Ջուրը նրա գործերում ներկայացվում է գեղանկարչական իր բազմերանգությամբ և երբեք չի վերածվում դեկորային գեղեցկության։ Կամիլ Մոկլերը, նկատելով Մախոխյանի այդ առավելությունը, նրան համեմատում է եվրոպացի նկարիչների հետ` առավելություն տալով հայ նկարչին[1]։
Քննադատների արձագանքները[խմբագրել | խմբագրել կոդը]
Կամիլ Մոկլերը գրել է.
Մեկ ուրիշ քննադատ ավելի պատկերավորությամբ է հաստատում Մախոխյանի ծովանկարների ռեալիստական հատկությունները։