Միավորված ազգերի կազմակերպության հայաստանյան գրասենյակ

Վիքիպեդիայից՝ ազատ հանրագիտարանից

Միավորված ազգերի կազմակերպության հայաստանյան գրասենյակը հանդիսանում է Միավորված ազգերի կազմակերպության մշտական ներկայացուցչությունը Հայաստանում։ Ընկերության գլխամասային գրասենյակը գտնվում է Հայաստանի մայրաքաղաք Երևանում[1]։

Պատմություն[խմբագրել | խմբագրել կոդը]

Հայաստանը Միավորված Ազգերի Կազմակերպությանը անդամակցում է սկսած 1992 թվականի մարտի 2-ից, իսկ 1992 թվականի դեկտեմբերին Միավորված ազգերի կազմակերպությունը բացել է իր ներկայացուցչությունը Երևանում[2]։ Հայաստանում ՄԱԿ-ի գրասենյակը ղեկավարում է մշտական համակարգողը, որը համակարգում է ՄԱԿ-ի բոլոր գործողությունները երկրի մակարդակով[3]։ Հայաստանում իրենց գործունեությունն են իրականացնում 20 մշտական և ոչ մշտական գործակալություններ, այդ թվում՝ Պարենի և գյուղատնտեսության կազմակերպությունը, Աշխատանքի միջազգային կազմակերպությունը, Միգրացիայի միջազգային կազմակերպությունը, ՄԱԿ-ի Արդյունաբերական զարգացման կազմակերպությունը, ՅՈՒՆԵՍԿՕ-ն, Առողջապահության համաշխարհային կազմակերպությունը և այլն[4]։ Համաշխարհային բանկը Միջազգային ֆինանսական կորպորացիան և Արժույթի միջազգային հիմնադրամը նույնպես գրասենյակներ ունեն երկրում։

Գործառույթներ[խմբագրել | խմբագրել կոդը]

Հայաստանում ՄԱԿ-ի ներկայացուցչությունը սերտորեն համագործակցում է ՀՀ կառավարության հետ՝ աջակցելու երկրին կայուն զարգացման առանցքային նպատակների և զարգացման ազգային առաջնահերթությունների իրականացման գործում։ ՄԱԿ-ը և Հայաստանի կառավարությունը միասին աշխատում են ավելի լայն շահագրգիռ կողմերի, այդ թվում՝ քաղաքացիական հասարակության, գիտական շրջանակների, խորհրդարանի, մասնավոր հատվածի և զարգացման այլ գործընկերների հետ համագործակցությամբ։ «Հայաստանի վերափոխման ռազմավարություն մինչև 2050 թվական» ծրագրի առանցքային նպատակներից են մարդկանց բարեկեցության բարձրացումը, ներառական կանաչ տնտեսության զարգացումը, լավ կառավարման և ժողովրդավարական բարեփոխումների խթանումը, գենդերային հավասարության աջակցությունը, աղքատության և սովի վերացումը, ջրի որակի և սանիտարական պայմանների բարելավումը, տնտեսության զարգացումը և անհավասարության նվազեցումը[2]։

ՄԱԿ-ի գրասենյակը նաև աջակցում է 2020 թվականին Լեռնային Ղարաբաղի պատերազմից հետո Լեռնային Ղարաբաղից և նրա շրջակայքից տեղահանված մարդկանց, ինչպես նաև Հայաստանում տուժած համայնքների առավել հրատապ մարդասիրական կարիքների բավարարմանը[5]։

Մշտական համակարգող[խմբագրել | խմբագրել կոդը]

Հայաստանում ՄԱԿ-ի մշտական համակարգողները՝

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «UNITED NATIONS OFFICE IN ARMENIA (UN) – International Organizations»։ www.mfa.am։ Արխիվացված է օրիգինալից 2022-01-30-ին։ Վերցված է 2022-07-12 
  2. 2,0 2,1 «The United Nations in Armenia | United Nations in Armenia»։ armenia.un.org։ Արխիվացված է օրիգինալից 2022-05-13-ին։ Վերցված է 2022-07-12 
  3. «The UN Resident Coordinator Office | United Nations in Armenia»։ armenia.un.org։ Արխիվացված է օրիգինալից 2022-05-14-ին։ Վերցված է 2022-07-12 
  4. «Un Entities | United Nations in Armenia»։ armenia.un.org։ Արխիվացված է օրիգինալից 2022-07-04-ին։ Վերցված է 2022-07-12 
  5. «Nagorno-Karabakh Crisis Response | United Nations in Armenia»։ armenia.un.org (չաշխատող հղում)
  6. «Minister Vahram Dumanyan receives Acting UN Resident Coordinator in Armenia Lila Pieters Yahia»։ escs.am։ Արխիվացված է օրիգինալից 2022-07-14-ին։ Վերցված է 2022-07-12 
  7. «President Armen Sarkissian received the UN Resident Coordinator in Armenia – Press releases – Updates – The President of the Republic of Armenia»։ www.president.am։ Արխիվացված է օրիգինալից 2021-03-05-ին։ Վերցված է 2022-07-12 
  8. «United Nations in Armenia»։ armenia.un.org։ Արխիվացված է օրիգինալից 2022-07-09-ին։ Վերցված է 2022-07-12 
  9. «Bradley Busetto:»։ Regional Post։ Արխիվացված է օրիգինալից 2022-07-14-ին։ Վերցված է 2022-07-12 
  10. «Armenian PM receives UN Resident Coordinator Bradley Busetto»։ armenpress.am։ Արխիվացված է օրիգինալից 2018-01-30-ին։ Վերցված է 2022-07-12 
  11. «The newly appointed UN Permanent Representative presents the copies of her credentials to Foreign Minister of Armenia»։ www.mfa.am։ Արխիվացված է օրիգինալից 2021-02-26-ին։ Վերցված է 2022-07-12 

Արտաքին հղումներ[խմբագրել | խմբագրել կոդը]