Մեղվաբույծը (նկար, Կրամսկոյ)
 | |
|---|---|
 | |
| տեսակ | գեղանկար |
| նկարիչ | Իվան Կրամսկոյ |
| տարի | 1872 |
| բարձրություն | 63,5 սանտիմետր |
| լայնություն | 49,2 սանտիմետր |
| ժանր | կենցաղային ժանր |
| նյութ | յուղաներկ և կտավ |
| գտնվում է | Տրետյակովյան պատկերասրահ |
| հավաքածու | Տրետյակովյան պատկերասրահ |
պատկերված են
| |
Ծանոթագրություններ | |
«Մեղվաբույծը» (ռուս.՝ Пасечник), ռուս գեղանկարիչ, ռուսական դեմոկրատական գեղարվեստական շարժման գաղափարական առաջնորդ Իվան Կրամսկոյի նկարներից։ Հեղինակը կտավը վրձնել է 1872 թվականին։ Յուղաներկով կտավի չափերն են՝ 63,5 × 49,2 սմ[1][2]։
Կրամսկոյի նամակներում այս կտավը կոչվում է նաև «Ծերունին մեղվանոցում», «Մեղվանոցում»[1]։
Այսօր «Մեղվաբույծը» ստեղծագործությունը պահպանվում և ցուցադրվում է Տրետյակովյան պատկերասրահում (Մոսկվա, Ռուսաստան)։
Պատմություն[խմբագրել | խմբագրել կոդը]
«Մեղվաբույծը» ստեղծագործությունն առաջին անգամ հանրությանը ցուցադրվել է 1874 թվականին Սանկտ Պետերբուրգում՝ Գեղարվեստական շրջիկ ցուցահանդեսների ընկերության 3-րդ ցուցահանդեսին[1]։
Կտավը հեղինակը վաճառում է Կոզմա Սոլդատյոնկովին, որը ձեռք է բերում մասնավոր հավաքածուի համար։ 1901 թվականին, վերջինիս մահվանից հետո, համաձայն սեփականատիրոջ կտակի, կտավը փոխանցում են Ռումյանցևի թանգարանին։ Այստեղից, 1925 թվականին այն տեղափոխվում է Մոսկվա՝ Տրետյակովյան պատկերասրահ[1]։
Նկարագիր[խմբագրել | խմբագրել կոդը]
«Մեղվաբույծը» ստեղծագործությունը պատկանում է Իվան Կրամսկոյի գյուղական դիմանկարների շարքին[3]։
Կտավում հեղինակը պատկերել է ծերունի մեղվաբույծի։ Վերջինս նստել է, որ հանգստանա։ Նրա ձեռքին գերանդի է։ Նկարի հետին հատվածում՝ ծերունի թիկունքին երևում են մեղվանոցն ու փեթակները։ Զգացվում է, որ չնայած ծերությանը, մեղվանոցում աշխատանքը դարձել է այս տղամարդու կյանքի իմաստը։ Լավատեսական տրամադրությունը փոխանցվում է վառ ներկերով պատկերված արևային տեսարանից[3][4]։
Քննադատություն[խմբագրել | խմբագրել կոդը]
Գրող Վլադիմիր Պորուդոմինսկին իր գրքում այսպես է նկարագրել Կրամսկոյի կտավը[5].
|
Մեղվանոց. լուսավոր («լուսավորել է աստված») ծերունին մարգագետնում՝ փեթակներով շրջապատված։ Բոլորեքյան հոտավետ ծաղիկներ են, բարձր խոտեր, իսկ նա, սպիտակ վերնաշապիկով, նստել է գերանդին ձեռքին. վերջ, կյանքն ապրած է, մազերը արծաթապատվել են, ձեռքերը՝ խոնջացել, ուսերը կորացել են, բարեգթությունը անուժությունից է, ընկել է ինչ-որ հեռու խոհերի գիրկը... | 
|
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Государственная Третьяковская галерея — каталог собрания / Я. В. Брук, Л. И. Иовлева. — Москва: Красная площадь, 2001. — Т. 4: Живопись второй половины XIX века, книга 1, А—М. — С. 291. — 528 с. — ISBN 5-900743-56-X
- ↑ «Крамской Иван Николаевич — Пасечник, 1872» (HTML). www.art-catalog.ru. Վերցված է 23.04.2014-ին.
- ↑ 3,0 3,1 Р. Кононенко Иван Николаевич Крамской (Великие художники, том 13). — Москва: Директ-Медиа и Կոմսոմոլսկայա պրավդա, 2009. — 48 с. — ISBN 978-5-87107-186-1
- ↑ Т. В. Юденкова Крамской. — М.: Белый город, 1999. — С. 25. — 64 с. — ISBN 5-7793-0165-4
- ↑ В. И. Порудоминский И. Н. Крамской. — М.: Искусство, 1974. — С. 133. — 248 с.
Արտաքին հղումներ[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մեղվաբույծը (նկար, Կրամսկոյ) կատեգորիայում։ |
| ||||||