Մեթյու Բրիգս
 անգլ.՝ Matthew Briggs | |||
|---|---|---|---|
 | |||
| Քաղաքացիությունը |
.svg){kind=small} Միացյալ Թագավորություն և  Գայանա | ||
| Ծննդյան ամսաթիվ | մարտի 6, 1991[1] (34 տարեկան) | ||
| Ծննդավայր | Լոնդոն, Միացյալ Թագավորություն | ||
| Հասակ | 189 սանտիմետր | ||
| Քաշ | 75 կիլոգրամ | ||
| Դիրք | պաշտպան և եզրային պաշտպան | ||
|
| |||
|
| |||
|
| |||
|
| |||
|
| |||
Մեթյու Էնթոնի Բրիգս (անգլ.՝ Matthew Anthony Briggs, մարտի 6, 1991[1], Լոնդոն, Միացյալ Թագավորություն), անգլիացի և գայանացի ֆուտբոլիստ, «Մոլդոն ընդ Տիփթրի» ակումբի և Գայանայի հավաքականի պաշտպան։
Ակումբային կարիերա
[խմբագրել | խմբագրել կոդը]8 տարեկան հասակից խաղացել է «Ֆուլհեմ»-ում։ Առավել հաճախ հանդես է գալիս ձախ եզրային պաշտպանի դիրքում, բայց կարող է նաև խաղալ որպես կենտրոնական պաշտպան կամ ձախ եզրային կիսապաշտպան։
2007 թվականի մայիսի 13-ին «Ֆուլհեմի» կազմում նշել է նորամուտը «Միդլսբրո»-ի դեմ խաղում՝ փոխարինման դուրս գալով հանդիպման 77-րդ րոպեին[2]։ Նա դարձել է Պրեմիեր Լիգայի պատմության մեջ ամենաերիտասարդ խաղացողը՝ խաղադաշտ դուրս գալով 16 տարեկանում և 65 օրականում՝ գերազանցել է նախկին ռեկորդի հեղինակ Ջեյմս Վոնին 206 օրով[2]։
2010 թվականին հունվարին նա մեկ ամսի ժամկետով վարձավճարով տեղափոխվել է «Լեյտոն Օրիենտ» ակումբ։
2010 թվականի օգոստոսի 25-ին նշել է նորամուտը «Ֆուլհեմ»-ի մեկնարկային կազմում՝ 56 րոպե խաղալով Ֆուտբոլային լիգայի գավաթի խաղարկության՝ «Պորտ Վեյլ»-ի դեմ խաղում[3]։ 2010 թվականի նոյեմբերի 10-ին «Ֆուլհեմի» մեկնարկային կազմում նշել է նորամուտը Պրեմիեր լիգայում՝ «Չելսի»-ի դեմ խաղում փոխարինելով վնասվածք ստացած Կառլոս Սալսիդոյին։ Այնուհետև խաղացել է «Արսենալի» դեմ, որից հետո 8 շաբաթով դուրս է մնացել ոտքի վիրահատության պատճառով։
2011 թվականի հուլիսի 14-ին խփել է իր առաջին գոլը «Ֆուլհեմ»-ի կազմում՝ աչքի ընկնելով Եվրոպայի լիգայի որակավորման փուլի՝ «Կրուզեյդերս» ակումբի դեմ խաղում[4]։
2012 թվականի փետրվարին դիմել է «Ֆուլհեմ»-ի գլխավոր մարզիչ Մարտին Յոլին՝ խաղային պրակտիկա ստանալու խնդրանքով, որից հետո մեկամսյա ժամկետով վարձավճարով մեկնել է «Պիտերբորո Յունայթեդ»[5]։
2015 թվականի հունիսի 22-ին 2 տարվա պայմանագիր է կնքել «Կոլչեստեր Յունայթեդ» ակումբի հետ[6]։
2017 թվականի սեպտեմբերի 1-ին կարճաժամկետ պայմանագիր է կնքել «Չեստերֆիլդ» ակումբի հետ[7]։
2018 թվականի մարտի 10-ին միացել է «Բարնետ» ակումբին՝ ոչ պայմանագրային հիմունքներով[8]։
Կարիերան հավաքականում
[խմբագրել | խմբագրել կոդը]Հանդես է եկել Անգլիայի մինչև 16, 17, 19 և 21 տարեկանների ազգային հավաքականներում։
2015 թվականից հանդես է գալիս Գայանայի հավաքականում։
Ներառվել է Գայանայի հավաքականի կազմում՝ մասնակցելու ԿՈՆԿԱԿԱՖ-ի 2019 թվականի Ոսկե գավաթի խաղարկությանը[9][10]։
Ձեռքբերումներ
[խմբագրել | խմբագրել կոդը]- Ակումբային
Անգլիայի հավաքական (մինչև 19)
- Եվրոպայի երիտասարդական առաջնության եզրափակչի մասնակից (2009)
- Անձնական
- Պրեմիեր լիգայի պատմության ամենաերիտասարդ խաղացողը (նորամուտը նշել է 16 տարեկան 65 օրականում)
Ծանոթագրություններ
[խմբագրել | խմբագրել կոդը]- ↑ 1,0 1,1 Soccerway(բազմ․)
- ↑ 2,0 2,1 «Middlesbrough 3–1 Fulham» (անգլերեն). BBC Sport. 2007 թ․ մայիսի 13.
- ↑ «Fulham 6 - 0 Port Vale» (անգլերեն). BBC Sport. 2010 թ․ օգոստոսի 25.
- ↑ «Crusaders 1-3 Fulham» (անգլերեն). Fulham FC. Արխիվացված է օրիգինալից 2012 թ․ սեպտեմբերի 25-ին.
- ↑ «Briggs Loan Deal» (անգլերեն). Fulham FC. Արխիվացված է օրիգինալից 2012 թ․ հոկտեմբերի 29-ին.
- ↑ «U's snap up left-back Briggs» (անգլերեն). gazette-news.co.uk.
- ↑ «Matthew Briggs: Chesterfield sign free agent defender on short-term deal». BBC Sport (անգլերեն). 2017 թ․ սեպտեմբերի 1. Վերցված է 2019 թ․ հունիսի 21-ին.
- ↑ «Signing | Matthew Briggs signs for the Bees on non-contract basis». Barnet Football Club (անգլերեն). 2018 թ․ մարտի 10. Արխիվացված է օրիգինալից 2019 թ․ հունիսի 21-ին. Վերցված է 2019 թ․ հունիսի 21-ին.
- ↑ Rawle Toney (2019 թ․ մայիսի 30). «Briggs, three debutants named in Golden Jaguars 23-man Gold Cup squad». Guyana Chronicle (անգլերեն). Վերցված է 2019 թ․ հունիսի 21-ին.
- ↑ «GFF release final 23-man squad ahead of Concacaf Gold Cup 2019 Alex Murray, Sheldon Holder, Daniel Wilson and Pernell Schultz included». Kaieteur News (անգլերեն). 2019 թ․ մայիսի 31. Վերցված է 2019 թ․ հունիսի 21-ին.
 | Վիքիպահեստն ունի նյութեր, որոնք վերաբերում են «Մեթյու Բրիգս» հոդվածին։ |
| ||||||
