Մաքսուտ Շադաև

Վիքիպեդիայից՝ ազատ հանրագիտարանից
Մաքսուտ Շադաև
 
Կրթություն՝ Russian State Social University?
Մասնագիտություն՝ պետական ծառայող
Ծննդյան օր նոյեմբերի 11, 1979(1979-11-11) (44 տարեկան)
Ծննդավայր Մոսկվա, ԽՍՀՄ
Քաղաքացիություն  Ռուսաստան
 
Պարգևներ
Պատվո շքանշան և «Հայրենիքին մատուցած ծառայությունների համար» շքանշանի երկրորդ աստիճանի մեդալ

Մաքսուտ Շադաև (նոյեմբերի 11, 1979(1979-11-11), Մոսկվա, ԽՍՀՄ), ռուս պետական և քաղաքական գործիչ։ Ռուսաստանի Դաշնության թվային զարգացման, կապի և զանգվածային հաղորդակցությունների նախարար՝ 2020 թվականի հունվարի 21-ից[1][2]։ Ռուսաստանի լրագրողների միության անդամ։

Կենսագրություն[խմբագրել | խմբագրել կոդը]

Մաքսուտ Իգորևի Շադաևը ծնվել է Մոսկվայում՝ 1979 թվականի նոյեմբերի 11-ին։

1999 թվականից աշխատել է տեղեկատվական-հաղորդակցական տեխնոլոգիաների ոլորտում գործող ընկերություններում։

2004 թվականին ավարտել է աշխատանքի և սոցիալական զարգացման նախարարության Մոսկվայի պետական սոցիալական համալսարանը` (այժմ՝ Ռուսաստանի պետական սոցիալական համալսարան) սոցիոլոգիայի աստիճանով։ Նույն թվականին նշանակվել է ՌԴ տեղեկատվական տեխնոլոգիաների և կապի նախարար Լեոնիդ Ռեյմանի խորհրդական։ 2006 թվականի փետրվարի 6-ին նշանակվել է պետական ծրագրերի, ենթակառուցվածքների զարգացման և տվյալ գերատեսչության սահմանափակ ռեսուրսի օգտագործման դեպարտամենտի տնօրեն։

2000-2001 թվականներին ղեկավարել է «Էյդվայզերս» ընկերության Իլյա Պոնոմարյովի «Arrava Internet Management» նախագիծը, որը հիմնվել է ՅՈՒԿՕՍ-ից եկածների և Սան Մատեոյում (ԱՄՆ) գրանցվածների կողմից[3][4][5]։ 2000 թվականի հունիսին ընկերությունը հայտարարել է ռուսական շուկայում աշխատանքի մեկնարկի մասին[6], ռուսական իրավաբանական անձ «Առավա ինտերնետ Մենեջմենթ» ՓԲԸ-ն հիմնադրվել է Մոսկվայում 2000 թվականի օգոստոսին հիմնադիրներ Ռուսլան Կնյազևի և Պյոտր Կվիտեկի կողմից, գլխավոր տնօրենն էր Պոնոմարյովը[7]։ 2000 թվականի հոկտեմբերին եղել է «Arrava Internet Advisors» ընկերության ինտերնետ-ռազմավարության տնօրեն[8]։

2002-2004 թվականներին աշխատել է  Անատոլի Կարաչինսկու IBS Group հոլդինգում, որտեղ նշանակվել է ինտերնետ-լուծումների բաժնի բիզնեսի զարգացման պետի պաշտոնում, իսկ 2003 թվականի հուլիսին դարձել է բիզնեսի զարգացման գծով տնօրեն[3]։

2007 թվականի հոկտեմբերի 9-ին Ռեյմանի հետ մտել է դաշնային գույքի կառավարման դաշնային գործակալության «Ռոսինֆոկոմինվեստ» վենչուրային հիմնադրամի տնօրենների խորհուրդ, որի ստեղծումն իրականացրել է ՌԴ-ի Տեղեկատվական կապի նախարարությունը[9]։

Այն բանից հետո, երբ 2008 թվականի մայիսին տեղեկատվական տեխնոլոգիաների և կապի նախարարության փոխարեն ստեղծվեց ՌԴ կապի և զանգվածային հաղորդակցությունների նախարարությունը՝ Իգոր Շեգոլևի գլխավորությամբ, այնտեղ զբաղեցրեց տեղեկատվայնացման և տեղեկատվական տեխնոլոգիաների ոլորտում պետական քաղաքականության դեպարտամենտի տնօրենի պաշտոնը։

2008 թվականի աշնանը նա դարձավ Ռուսաստանի Դաշնության նախագահի աշխատակազմի ղեկավար Սերգեյ Նարիշկինի օգնականը, պատասխանատու էր նախագահին կից տեղեկատվական հասարակության զարգացման խորհրդի աշխատանքների կազմակերպման համար, ինչպես նաև կենսաչափական անձնագրերի ստեղծման նախագծի համար։ 2009 թվականի փետրվարին ընդգրկվել է Ռուսաստանի նախագահի կառավարչական կադրերի ռեզերվի «առաջին հարյուրյակում»։ Եղել է կոնստրուկտորների խորհրդի նախագահը՝ նոր սերնդի անձնագրային և վիզաների փաստաթղթերի պատրաստման, ձևակերպման և վերահսկման պետական համակարգի գլխավոր կոնստրուկտոր (ԱԳԱՊԾ)[10]։

2012 թվականին դարձել է Ռուսաստանի Դաշնության դաշնային ժողովի Պետական դումայի նախագահ Սերգեյ Նարիշկինի խորհրդականը։ Պատասխանատու էր «Էլեկտրոնային խորհրդարան» նախագծի իրականացման համար։

2014 թվականի փետրվարի 11-ին նշանակվել է Մոսկվայի մարզի պետական կառավարման, տեղեկատվական տեխնոլոգիաների և կապի նախարար։ Ընդգրկվել է Մոսկվայի մարզի կառավարության կազմում, որը գլխավորում է շրջանի նահանգապետ Անդրեյ Վորոբյովը։ 2016 թվականի սեպտեմբերի 29-ին դարձել է նաև Մերձմոսկովյան կառավարության նախագահի տեղակալ։ Նրա ղեկավարությամբ գործարկվել է «Դոբրոդել» պորտալը՝ Մոսկվայի մարզի բողոքների և առաջարկությունների միասնական գիրքը։ 2018 թվականի սեպտեմբերի 14-ին, Մոսկվայի մարզի կառավարության հրաժարականից հետո, չի ընդգրկվել նրա նոր կազմում՝ հասարակական հիմունքներով զբաղեցնելով նահանգապետ Անդրեյ Վորոբյովի խորհրդականի պաշտոնը։

Կոմերսանտ օրաթերթի տվյալներով՝ 2017 թվականի մայիսից աշխատել է նաև ՌԴ նախագահի աշխատակազմի ղեկավարի առաջին տեղակալ Սերգեյ Կիրիենկոյի հասարակական հիմունքներով խորհրդական՝ ղեկավարելով սոցիալական ցանցերում տարածաշրջանային իշխանությունների տեղեկատվական քաղաքականությունը[11]։

2018 թվականի սեպտեմբերի 26-ին նշանակվել է «Ռոստելեկոմ» ԲԲԸ փոխնախագահ թվային հարթակների գծով, իսկ 2019 թվականի փետրվարից այդ պաշտոնը համատեղել է «ՌՏ Լաբս» ԲԸ գլխավոր տնօրենի պաշտոնի հետ, որի բաժնետոմսերի 100 տոկոսը պատկանում է պետական օպերատորին։

2020 թվականի հունվարի 21-ին Ռուսաստանի նախագահ Վլադիմիր Պուտինի հրամանագրով նշանակվել է Ռուսաստանի թվային զարգացման, կապի և հաղորդակցությունների նախարարի պաշտոնում[12], ընդ որում՝ Պետխորհրդի նիստում Շադաևի առաջին նախաձեռնությամբ նոր պաշտոնում, որը հնչեցվել է Պետխորհրդի նիստում, առանց դատարանի որոշման քաղաքացիների մասին տվյալների հասանելիության տրամադրումը օպերատիվ ծառայողներին[13][14], սակայն Դմիտրի Պեսկովի զգուշավոր արձագանքից հետո հայտնել է, որ իրեն սխալ են հասկացել[15]։

Մոսկվայի շրջանի պետական խորհրդականի պաշտոնակատար, 1-ին կարգ։

Ընտանիք[խմբագրել | խմբագրել կոդը]

Ունի երկու երեխա։

Մրցանակներ[խմբագրել | խմբագրել կոդը]

  • Պատվո շքանշան (2010 թվականի նոյեմբերի 18)՝ տեղեկատվության էլեկտրոնային կրիչներ պարունակող արտասահմանյան անձնագրերի շրջանառության մեջ մտնելը ժամանակին ապահովելու համար[16]
  • «Հայրենիքին մատուցած ծառայությունների համար» 2-րդ աստիճանի շքանշան (2019 թվականի մայիսի 29)՝ ձեռք բերված աշխատանքային հաջողությունների և երկարամյա բարեխիղճ աշխատանքի համար[17]։

Ծանոթագրություններ[խմբագրել | խմբագրել կոդը]

  1. Путин назначил нового министра по цифровому развитию и связи // Cnews
  2. Новым главой Минкомсвязи назначили Максута Шадаева // РИА Новости
  3. 3,0 3,1 Максут Шадаев возглавил «РТ лабс» Cnews.ru
  4. Arrava намерена развивать электронный бизнес
  5. https://www.ridus.ru/news/77243
  6. http://www.pressroom.ru/release.php?id=10576
  7. http://anone.ru/news/1/2013-04-08-144
  8. В Рунет за советами «Консалтинг» Приложение №201 от 26.10.2000
  9. https://www.kommersant.ru/doc/815315
  10. http://voskhod.ru/news/211-fgup_nii_voskhod_prinyal_uchastie_v_24_y_mezhdunarodnoy_vystavke_telekommunikatsionnogo_oborudovaniya/
  11. Региональным чиновникам подобрали интернет-штурмана // Коммерсантъ
  12. Подписаны указы о назначении министров Правительства Российской Федерации // Президент России
  13. «Министр связи предложил открыть силовикам доступ к данным россиян» kommersant.ru от 29.01.2020.
  14. «Министр Шадаев предлагает открыть персональные данные граждан силовикам» vedomosti.ru от 29.01.2020.
  15. «В Кремле назвали новой инициативу дать силовикам доступ к данным россиян» «РБК» 29 января 2020.
  16. Указ Президента Российской Федерации от 18.11.2010 г. № 1443 «О награждении государственными наградами Российской Федерации» // Президент России
  17. Указ Президента Российской Федерации от 29.05.2019 г. № 240 «О награждении государственными наградами Российской Федерации» // Президент России

Արտաքին հղումներ[խմբագրել | խմբագրել կոդը]