Մարտուն Գրիգորյան (ճարտարապետ)
Անվան այլ կիրառումների համար տե՛ս՝ Մարտուն Գրիգորյան (այլ կիրառումներ)
| Մարտուն Գրիգորյան | |
|---|---|
| Ծնվել է | սեպտեմբերի 5, 1925 (98 տարեկան) |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Կրթություն | ՀԱՊՀ |
| Պարգևներ |  |
Մարտուն Արմենակի Գրիգորյան (սեպտեմբերի 5, 1925, Երևան, Հայկական ԽՍՀ, ԱԽՖՍՀ, ԽՍՀՄ), հայ ճարտարապետ, ՀԽՍՀ վաստակավոր ճարտարապետ (1983)։
Կենսագրություն[խմբագրել | խմբագրել կոդը]
1950 թվականին ավարտել է Երևանի պոլիտեխնիկական ինստիտուտը։ 1958-1979 թվականներին եղել է Հայպետնախագիծ ինստիտուտի գլխավոր ճարտարապետ։ 1968 թվականից դասավանդել է ԵՊԻ-ում, դոցենտ։
Մարտուն Գրիգորյանի ԳՀ աշխատանքները վերաբերում են շենքի տարբեր տարրերի խնայողական և երկարակեցություն ապահոված լուծումներին, հավաքովի տնաշինությանը[1]։
Ստեղծագործական գործունեություն[խմբագրել | խմբագրել կոդը]
Մարտուն Գրիգորյանի նախագծերով կառուցվել են՝
- Երևանում Հայաստանի երաժշտական ընկերության բնակելի և վարչաակումբային համալիր, Երևան, 1966
- Գյումրիում Սանէպիդկայանի համալիր, 1954 (դիմացել է 1988 թվականի երկրաշարժին)
- Հրազդան-Հանքավան մայրուղուն առընթեր՝ արագընթաց տրանսպորտի փորձարարական «Մարմարիկ» պոլիգոնը, 1981-1983
- Կառույցներ Կապանում, Ջերմուկում, Աշտարակում, Մարտունիում
- Կազմել է Երևանի Կոնդ թաղամասի մանրամասն հատակագիծը (1967-1969)
- Նոր Ամբերդի գիտական կենտրոնի նախագիծը (1979-1980)
- Երկրաշարժից տուժած բնակելի շենքերի վերափոխման և ամրացման նախագծերը (1989, իրագործել են Վանաձորում)
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.