Մարմարա համալսարան

Վիքիպեդիայից՝ ազատ հանրագիտարանից
Մարմարա համալսարան
MarmaraUni.jpg
Տեսակ հասարակական համալսարան
Հիմնադրված է 1883
Երկիր Flag of Turkey.svg Թուրքիա
Տեղագրություն Ստամբուլ
Կայք marmara.edu.tr
Կոորդինատներ: 40°59′9.999996100011″ հս․ լ. 29°3′12.999996099995″ ավ. ե. / 40.98611111002777818° հս․. լ. 29.05361111002777719° ավ. ե. / 40.98611111002777818; 29.05361111002777719
Marmara University Վիքիպահեստում

Մարմարա համալսարան (թուրք.՝ Marmara Üniversitesi), Թուրքիայի ամենահին և խոշորագույն բուհերից մեկն է, որտեղ աշխատում են շուրջ 2800 դասախոսներ, ունի շուրջ 80000 ուսանող: Համալսարանը գտնվում է Ստամբուլում: Համալսարանում դասավանդում են 4 լեզուներով՝ թուրքերեն, անգլերեն, գերմաներեն, ֆրանսերեն, ուստի ուսումնական հաստատությունը համարվում է Թուրքիայի առավել բազմալեզու համալսարանը:

Պատմություն[խմբագրել | խմբագրել կոդը]

Համալսարանը հիմնադրվել է 1883 թվականի հունվարի 15-ին և գտնվել է Թուրքիայի առևտրի, գյուղատնտեսության, անտառների նախարարության ենթակայության ներքո: Համալսարանը բացել է նախարար Սուփխի փաշան: Սկզբում կոչվել է Առևտրի բարձրագույն դպրոց, հետագայում դարձել է տնտեսական և կառավարման գիտությունների ֆակուլտետ: Ներկայիս կառուցվածքով համալսարանը գործում է 1982 թվականի հուլիսի 20-ից՝ որպես Մարմարա համալսարան:

1990-ական թվականներից համալսարանը սկսել է ընդլայնվել. ունի 13 ֆակուլտետ, 11 ինստիտուտ, 8 դպրոց, 3 ստորաբաժանում, որոնք անմիջականորեն ենթարկվում են ռեկտորատին: Համալսարանն ունի 28 հետազոտական կենտրոններ, դասընթացներն իրականացվում են 104 բարձրագույն և 44 միջին մասնագիտական կրթություններով: Ի լրումն կրթական ծառայությունների՝ համալսարանն առաջարկում է նաև հրատարակչական և խորհրդատվական ծառայություններ:

Ակադեմիական կառուցվածք[խմբագրել | խմբագրել կոդը]

Ֆակուլտետներ[խմբագրել | խմբագրել կոդը]

  • Աթաթուրքի անվան մանկավարժական ֆակուլտետ
  • Ստոմատոլոգիական ֆակուլտետ
  • Դեղագիտական ֆակուլտետ
  • Գրականության և բնագիտության ֆակուլտետ
  • Կերպարվեստի ֆակուլտետ
  • Իրավագիտության ֆակուլտետ
  • Տնտեսական և վարչական գիտությունների ֆակուլտետ
  • Աստվածաբանության ֆակուլտետ
  • Ժուռնալիստիկայի ֆակուլտետ
  • Ճարտարագիտության ֆակուլտետ
  • Տեխնիկական կրթության ֆակուլտետ
  • Բժշկության ֆակուլտետ
  • Բժշկական մանկավարժության ֆակուլտետ

Ինստիտուտներ[խմբագրել | խմբագրել կոդը]

  • Բնագիտություն
  • Եվրոպական հասարակության ինստիտուտ
  • Բանկային և ապահովագրական ընկերության ինստիտուտ
  • Կրթական գիտությունների ինստիտուտ
  • Գաստրոէնտերոլոգիայի ինստիտուտ
  • Գեղարվեստի ինստիտուտ
  • Նյարդաբանական ինստիտուտ
  • Բժշկական գիտությունների ինստիտուտ
  • Սոցիալական գիտությունների ինստիտուտ
  • Թուրքագիտության հետազոտական ​​ինստիտուտ
  • Միջին Արևելքի հետազոտական ​​ինստիտուտ

Դպրոցներ[խմբագրել | խմբագրել կոդը]

  • Բանկային և ապահովագրական գործի դպրոց
  • Ֆիզիկական կուլտուրայի և սպորտի դպրոց
  • Բուժքույրերի կրթության դպրոց
  • Զեյնեփ Քամիլի անվան Ստամբուլի բժշկական դպրոց
  • Օտար լեզուների դպրոց
  • Աստվածաբանության դպրոց
  • Առողջապահական ծառայությունների դպրոց
  • Սոցիալական գիտությունների դպրոց
  • Տեխնիկական գիտությունների դպրոց

Արտաքին հղումներ[խմբագրել | խմբագրել կոդը]