Մարիե Ռեյսիկ

Մարիե Ռեյսիկ
Ծնվել է	հունվարի 25, 1887(1887-01-25)
Ծննդավայր	Կիլինգի-Նիմմե, Լիֆլանդիայի նահանգ, Ռուսական կայսրություն
Մահացել է	օգոստոսի 3, 1941(1941-08-03) (54 տարեկան)
Մահվան վայր	Տալլին, Էստոնական ԽՍՀ, ԽՍՀՄ
Քաղաքացիություն	Ռուսական կայսրություն և  Էստոնիա
Մասնագիտություն	քաղաքական գործիչ, լրագրող և ուսուցչուհի
Զբաղեցրած պաշտոններ	Ռիյգիկոգուի անդամ
Կուսակցություն	Estonian People's Party?

Մարիե Ռեյսիկ (էստ․՝ Marie Reisik, հունվարի 25, 1887(1887-01-25), Կիլինգի-Նիմմե, Լիֆլանդիայի նահանգ, Ռուսական կայսրություն - օգոստոսի 3, 1941(1941-08-03), Տալլին, Էստոնական ԽՍՀ, ԽՍՀՄ), էստոնացի կին քաղաքական գործիչ, ակտիվիստուհի։ Հասարակական գործիչ է, մանկավարժ, ֆեմինիստ, լրագրող, խմբագիր։ 1919, 1929, 1932 թվականներին եղել է Էստոնիայի խորհրդարանի պատգամավոր։ Կանանց իրավունքների համար պայքարող առաջին էստոնացիներից մեկն է։

Կենսագրություն

Մարիե Ռեյսիկը ծնվել է վաճառականի ընտանիքում։ 1904 թվականին ավարտել է Պյառնուի աղջիկների վարժարանը։ Դասախոսել է Տարտուի համալսարանում։ Քանի որ այդ ժամանակ Էստոնիայում կանայք չէին կարող համալսարան ընդունվել, Ռեյսիկը մեկնել է սովորելու Փարիզում, որտեղ Ալյանս Ֆրանսեզում ստացել է ֆրանսերենի դասախոսի մասնագիտություն։

1909-1921 թվականներին Տալլինի և Պյառնուի դպրոցներում աշխատել է որպես ֆրանսերենի ուսուցիչ։ 1911 թվականին ամուսնացել է իրավաբան Պետեր Ռեյսիկի հետ։ 1919 թվականին ամուսինները բնակություն են հաստատել Տալլինում, երեխաներ չեն ունեցել։

Եղել է 1907 թվականին Էստոնիայում կանանց առաջին կազմակերպության հիմնադիրներից մեկը։ 1907-1919 թվականներին եղել է Տարտու քաղաքի կանանց շարժման առաջատար գործիչը։ Եղել է շարժման պատվավոր մասնակիցը 1932 թվականից։

1911 թվականին հիմնադրել է կանանց առաջին քաղաքական ամսագիրը՝ «Naisterahva Tööja Elu» («Աշխատանքը և կանանց կյանքը»), որը համախմբել է Էստոնիայի կրթված կանանց։ Մինչև 1918 թվականն աշխատել է որպես ամսագրի խմբագիր։ Նրա գործունեությունը նպաստել է Էստոնացի կանանց առաջին կոնգրեսի ստեղծմանը (1917), որի հիման վրա հիմնադրվել է «Էստոնիայի կանանց միությունը» (1920)։

Եղել է ողջ երկրով ազատագրական շարժման նախաձեռնողներից մեկը, դարձել է ակտիվ քաղաքական գործիչ։ Եղել է Էստոնիայի աջ կենտրոնամետ ժողովրդական կուսակցության անդամ։ 1919 թվականին Մարիե Ռեյսիկն ընտրվել է Էստոնիայի սահմանադիր ժողովում և դարձել խորհրդարանի միակ կին անդամը։ Նա երեք անգամ՝ 1919, 1929 և 1932 թվականներին, ընտրվել է Էստոնիայի խորհրդարանի պատգամավոր։

1926 թվականից խմբագրել է «Naiste Hääl» ամսագիրը։

1925 թվականին Այնո Կալասի հետ Էստոնիան ներկայացրել է Կանանց համաշխարհային կոնգրեսում։ 1935 թվականի աշնանը հիմնադրել է «Էստոնիայի կանանց միությանը» կից ժողովրդական տնտեսության ինստիտուտը, որը ղեկավարել է 1936 թվականից։

«Էստոնիայի կանանց միությունը» լուծարվել է 1940 թվականին՝ Բալթյան երկրների՝ ԽՍՀՄ-ին միանալուց հետո։ 1941 թվականին Ռեյսիկը հետապնդվել է ՆԳԺԿ-ի կողմից։ Նույն թվականին մահացել է Տալլինի հիվանդանոցում՝ չպարզաբանված հանգամանքներում։

Մրցանակներ

• Երկրորդ աստիճանի Էստոնիայի Կարմիր խաչի շքանշան (1929)
• Երրորդ աստիճանի Էստոնիայի Կարմիր խաչի շքանշան (1938)

Արտաքին հղումներ

• The very first Estonian feminists — Lilli Suburg and Marie Reisik(անգլ.)
• Eesti feministide eelkäija Marie Reisik 130(էստոներեն)