Jump to content

Մարգարիտա Ռոբլես

Վիքիպեդիայից՝ ազատ հանրագիտարանից
Մարգարիտա Ռոբլես
 
Կուսակցություն՝ Իսպանական սոցիալիստական բանվորական կուսակցություն[1]
Կրթություն՝ Բարսելոնայի համալսարան
Մասնագիտություն՝ դատավոր, քաղաքական գործիչ և իրավաբան
Դավանանք կաթոլիկություն[2]
Ծննդյան օր նոյեմբերի 10, 1956(1956-11-10)[1] (69 տարեկան)
Ծննդավայր Լեոն, Կաստիլիա և Լեոն, Իսպանիա
Քաղաքացիություն  Իսպանիա
 
Ինքնագիր Изображение автографа
 
Պարգևներ
Օլգա իշխանուհու III աստիճանի շքանշան[3] և Grand Cross of the Order of St. Raymond of Peñafort[4]

Մարիա Մարգարիտա Ռոբլես Ֆերնանդես (իսպ.՝ María Margarita Robles Fernández, նոյեմբերի 10, 1956(1956-11-10)[1], Լեոն, Կաստիլիա և Լեոն, Իսպանիա), իսպանացի իրավաբան, դատավոր և քաղաքական գործիչ։ 2018 թվականի հունիսի 7-ից Պեդրո Սանչեսի կաբինետում Իսպանիայի պաշտպանության նախարար։ 2019 թվականի նոյեմբերի 30-ից մինչև 2020 թվականի հունվարի 13-ը ժամանակավորապես կատարել է Արտաքին գործերի նախարարի պարտականությունները[5]։

Կենսագրություն

[խմբագրել | խմբագրել կոդը]

Մարգարիտա Ռոբլեսը ծնվել է փաստաբանի ընտանիքում։ 12 տարեկանից ընտանիքի հետ ապրել է Բարսելոնայում։ Իրավագիտություն է սովորել Բարսելոնայի համալսարանում։ Դատական կարիերան սկսել է 1981 թվականից։ 26 տարեկանում նշանակվել է Լյեյդա նահանգի Բալագեր քաղաքի դատավոր, ավելի ուշ աշխատել է նաև Սան Ֆելիու դե Լյոբրեգատում և Բիլբաոյում։ 34 տարեկանում գլխավորել է Բարսելոնայի նահանգի դատարանը։ Իր հայացքներով մոտ էր Իսպանական սոցիալիստական բանվորական կուսակցությանը, 1993 թվականին նշանակվել է Իսպանիայի արդարադատության նախարարության ենթախորհրդատու։ 1994-1996 թվականներին Ռոբլեսը զբաղեցրել է նախարար Խուան Ալբերտո Բելոչեի Իսպանիայի ներքին գործերի նախարարության պետքարտուղարի պաշտոնը։ 2008 թվականի սեպտեմբերից մինչև 2013 թվականի դեկտեմբերը հանդիսացել է դատական իշխանության գլխավոր խորհրդի անդամ։ Նա «Դատավորները հանուն ժողովրդավարության» ասոցիացիայի անդամ է և ակտիվորեն մասնակցում է դրա աշխատանքին։

2016 թվականի մայիսին հայտնի էր դարձել, որ հունիսի 26-ի խորհրդարանական ընտրություններում Մարգարիտա Ռոբլեսը Պեդրո Սանչեսից հետո երկրորդ տեղն է զբաղեցնելու Մադրիդում Իսպանական սոցիալիստական բանվորական կուսակցության ցուցակում։ 2017 թվականի հունիսի 18-ին Իսպանական սոցիալիստական բանվորական կուսակցության XXXIX համագումարի արդյունքներով Մարգարիտա Ռոբլեսը Պատգամավորների կոնգրեսում ընտրվել է սոցիալիստների խորհրդարանական խմբի մամուլի քարտուղար։ 2018 թվականի հունիսի 6-ին Մարգարիտա Ռոբլեսը Պեդրո Սանչեսի կառավարությունում նշանակվել է Իսպանիայի պաշտպանության նախարար։ 2019 թվականի նոյեմբերի 30-ին դարձել Է Իսպանիայի արտաքին գործերի նախարար՝ պահպանելով պաշտպանության նախարարի պաշտոնը։

Սանչեսի երկրորդ կաբինետում նշանակվել է պաշտպանության նախարարի պաշտոնում, որը ձևավորվել է 2020 թվականի հունվարի 13-ին։

Ծանոթագրություններ

[խմբագրել | խմբագրել կոդը]
  1. 1 2 3 http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=69&idLegislatura=13
  2. ↑ Margarita Robles, la reserva católica de Moncloa — La Razón.
  3. ↑ https://www.president.gov.ua/documents/682026-58117
  4. ↑ https://www.boe.es/boe/dias/2013/12/06/pdfs/BOE-A-2013-12791.pdf
  5. ↑ «Пост главы МИД в новом правительстве Испании займет юрист Аранча Гонсалес Лая». ТАСС. 2020 թ․ հունվարի 10. Վերցված է 2020 թ․ մարտի 6-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Մարգարիտա Ռոբլես» հոդվածին։
Ստացված է «https://hy.wikipedia.org/w/index.php?title=Մարգարիտա_Ռոբլես&oldid=10352029» էջից